ଆଉ ଏକ ଭାଷା ଯୁଦ୍ଧ ପାଇଁ ପ୍ରସ୍ତୁତ : ଏମକେ ଷ୍ଟାଲିନ୍

ଚେନ୍ନାଇ: ତାମିଲନାଡୁ ମୁଖ୍ୟମନ୍ତ୍ରୀ ଏମ.କେ. ଷ୍ଟାଲିନ୍ ପୁଣି ଥରେ କେନ୍ଦ୍ର ସରକାର ହିନ୍ଦୀ ଲାଗୁ କରୁଥିବା ଅଭିଯୋଗ କରିଛନ୍ତି। ତାଙ୍କ ରାଜ୍ୟ ସରକାର ହିନ୍ଦୀକୁ ଲାଗୁ କରିବାକୁ ଦେବେ ନାହିଁ ଏବଂ ତାମିଲ ଭାଷା ଓ ସଂସ୍କୃତିର ସୁରକ୍ଷା କରିବେ । ତାଙ୍କ ସରକାର ଆଉ ଏକ ଭାଷା ଯୁଦ୍ଧ ପାଇଁ ପ୍ରସ୍ତୁତ ବୋଲି ସେ କହିଛନ୍ତି ।
ସିଏମ୍ ଷ୍ଟାଲିନ୍ ତାଙ୍କ ଚିଠିରେ ଲେଖିଛନ୍ତି, 'ହିନ୍ଦୀକୁ ଲାଗୁ କରିବାକୁ ଆମେ ବିରୋଧ କରିବୁ। ହିନ୍ଦୀ ଏକ ମାସ୍କ ହୋଇଥିବା ବେଳେ ସଂସ୍କୃତ ଏହାର ଲୁକ୍କାୟିତ ଚେହେରା।

ଡିଏମକେ ସରକାର ଦାବି କରିଛନ୍ତି ଯେ ଜାତୀୟ ଶିକ୍ଷା ନୀତି (ଏନଇପି) ଅଧୀନରେ ତ୍ରିଭାଷା ଫର୍ମୁଲା ମାଧ୍ୟମରେ ହିନ୍ଦୀ ଲାଗୁ କରିବାକୁ ଚେଷ୍ଟା କରାଯାଉଛି। ତେବେ କେନ୍ଦ୍ର ସରକାର ଏହି ଅଭିଯୋଗକୁ ଖଣ୍ଡନ କରିଛନ୍ତି।

ଡିଏମକେ ସରକାର ଦାବି କରିଛନ୍ତି ଯେ ଜାତୀୟ ଶିକ୍ଷା ନୀତି (ଏନଇପି) ଅଧୀନରେ ତ୍ରିଭାଷା ଫର୍ମୁଲା ମାଧ୍ୟମରେ ହିନ୍ଦୀ ଲାଗୁ କରିବାକୁ ଚେଷ୍ଟା କରାଯାଉଛି। ତେବେ କେନ୍ଦ୍ର ସରକାର ଏହି ଅଭିଯୋଗକୁ ଖଣ୍ଡନ କରିଛନ୍ତି। ସିଏମ ଷ୍ଟାଲିନ୍ ତାଙ୍କ ଚିଠିରେ ଲେଖିଛନ୍ତି ଯେ ବିହାର, ଉତ୍ତରପ୍ରଦେଶ ଏବଂ ମଧ୍ୟପ୍ରଦେଶ ଭଳି ରାଜ୍ୟରେ ହିନ୍ଦୀର ଆଧିପତ୍ୟ ଦ୍ୱାରା ମୈଥିଲି, ବ୍ରଜ ଭାଷା, ବୁନ୍ଦେଲି ଏବଂ ଅବଧି ଭଳି ଭାଷାକୁ ଉଚ୍ଛେଦ କରାଯାଇଛି।

ଷ୍ଟାଲିନ୍ ଅଭିଯୋଗ କରିଛନ୍ତି ଯେ ହିନ୍ଦୀ ଓ ସଂସ୍କୃତର ଆଧିପତ୍ୟ ଯୋଗୁଁ ୨୫ରୁ ଅଧିକ ଉତ୍ତର ଭାରତୀୟ ଭାଷା କ୍ଷତିଗ୍ରସ୍ତ ହୋଇଛି। ଜାତୀୟ ଶିକ୍ଷାନୀତିରେ ସଂସ୍କୃତକୁ ପ୍ରୋତ୍ସାହିତ କରାଯାଉଛି ଏବଂ ଏହାକୁ ରାଜ୍ୟ ସରକାରଙ୍କ ଉପରେ ଲଦିବାକୁ ଚେଷ୍ଟା କରାଯାଉଛି ବୋଲି ସେ କହିଛନ୍ତି। ସେ ଦାବି କରିଛନ୍ତି ଯେ ଯଦି ତାମିଲନାଡୁ ତ୍ରିଭାଷା ନୀତିକୁ ଗ୍ରହଣ କରେ, ତେବେ ତାମିଲକୁ ଅଣଦେଖା କରାଯିବ ଏବଂ ଭବିଷ୍ୟତରେ ସଂସ୍କୃତର ପ୍ରାଧାନ୍ୟ ଜାରି ରହିବ।