ବାଙ୍ଗାଲୋର: ପ୍ରିନ୍ସିପାଲଙ୍କୁ ଚାପୁଡ଼ା ମାରିଲେ ବିଧାୟକ | କର୍ଣ୍ଣାଟକରେ ଏଭଳି ଏକ ଘଟଣା ଦେଖିବାକୁ ମିଳିଛି | ଜନତା ଦଳ ସେକ୍ୟୁଲାର୍ (ଜେଡିଏସ୍) ବିଧାୟକ ଏମ ଶ୍ରୀନିବାସ ଏକ କଲେଜର ପ୍ରିନ୍ସିପାଲଙ୍କୁ ଚାପୁଡ଼ା ମାରିଥିଲେ। ପ୍ରିନ୍ସିପାଲ୍ କମ୍ପ୍ୟୁଟର ଲ୍ୟାବ ପାଇଁ ଚାଲିଥିବା ବିକାଶ କାର୍ଯ୍ୟ ବିଷୟରେ ଜାଣିନଥିବାରୁ ଏଥିରେ ରାଗିଯାଇ ବିଧାୟକ ଏମ ଶ୍ରୀନିବାସ ତାଙ୍କୁ ଚାପୁଡ଼ା ମାରିଥିଲେ। ଏହି ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ପ୍ରିନ୍ସିପାଲଙ୍କ ସହିତ ଏହିପରି ଆଚରଣ ପାଇଁ ବିଧାୟକଙ୍କୁ ସମାଲୋଚନା କରିଛନ୍ତି |
Sambad is now on WhatsApp
Join and get latest news updates delivered to you via WhatsApp
#Karnataka: A JD(S) MLA Srinivas slapped a college principal who was not able to provide clear answer about the ongoing development work for a computer lab.
The incident, which happened on Monday, has created a huge outrage among the public. pic.twitter.com/WFnwK280Sg
— IANS (@ians_india) June 21, 2022
ସୋମବାର ଦିନ ଏହି ଘଟଣା ଘଟିଛି | ଯେତେବେଳେ ବିଧାୟକ ଶ୍ରୀନିବାସ କଲେଜ ପରିଦର୍ଶନ କରିଥିଲେ ଏବଂ ମହାବିଦ୍ୟାଳୟର ପ୍ରିନ୍ସିପାଲ ନାଗାନନ୍ଦ କଲେଜର ବିକାଶ କାର୍ଯ୍ୟ ସମ୍ପର୍କରେ ବିଧାୟକଙ୍କୁ କୌଣସି ସଠିକ୍ ସୂଚନା ଦେଇ ପାରିନଥିଲେ । ଆଉ ପ୍ରିନିସପାଲଙ୍କ ଏହି ଆଚରଣରେ ବିରକ୍ତ ହୋଇ ବିଧାୟକ ଏମ ଶ୍ରୀନିବାସ ପ୍ରିନ୍ସିପାଲଙ୍କୁ ସର୍ବସାଧାରଣରେ ଚାପୁଡ଼ା ମାରିଥିଲେ। ଜଣେ ମହିଳା ସହକର୍ମୀ ତଥା ସ୍ଥାନୀୟ ନେତାଙ୍କ ସାମ୍ନାରେ ବିଧାୟକ ତାଙ୍କୁ ଦୁଇଥର ଗାଳିଗୁଲଜ କରି ଚାପୁଡ଼ା ମାରିଥିଲେ । ଭିଡିଓରେ ପ୍ରିନ୍ସିପାଲ ଭୟଭୀତ ହୋଇଥିବାର ଦେଖାଯାଉଛି |
ଏହି ପୁରା ଘଟଣାର ଭିଡିଓ ମଧ୍ୟ ସାମ୍ନାକୁ ଆସିଛି। ଏଥି ସହିତ, ସୋସିଆଲ ମିଡିଆରେ ଲୋକମାନେ ବିଧାୟକ ଶ୍ରୀନିବାସଙ୍କୁ ସର୍ବସାଧାରଣରେ କ୍ଷମା ମାଗିବାକୁ କହିଛନ୍ତି | ତେବେ ଏହି ଘଟଣାକୁ ନେଇ କର୍ମଚାରୀ ସଂଘ ପକ୍ଷରୁ ବିଧାୟକ କ୍ଷମା ମାଗନ୍ତୁ ବୋଲି ଦାବି କରାଯାଇଛି |