ରୋଡ଼ ସୋ’ବେଳେ ମୋଦୀଙ୍କ ଉପରକୁ ଫିଙ୍ଗାଗଲା ମୋବାଇଲ ଫୋନ
ମହୀଶୂର: କର୍ଣ୍ଣାଟକ ମହୀଶୂରରେ ପୁଣିଥରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରକୁ ମୋବାଇଲ ଫିଙ୍ଗାଯାଇଥିବାର ଦେଖିବାକୁ ମିଳିଛି | ତେବେ ସୌଭାଗ୍ୟବଶତଃ ମୋବାଇଲ ଫୋନଟି ମୋଦୀଙ୍କ ଦେହରେ ନ ବାଜି ଗାଡ଼ିରେ ବାଜିହୋଇ ତଳେ ପଡିଯାଇଥିଲା | ମିଳିଥିବା ସୂଚନା ମୁତାବକ କର୍ଣ୍ଣାଟକ ବିଧାନସଭା ନିର୍ବାଚନ ପାଇଁ ଏବେ ପ୍ରଚାର ଜୋରସୋରରେ ଚାଲିଥିବାବେଳେ ବିଜେପି ପ୍ରାର୍ଥୀଙ୍କ ପାଇଁ ପ୍ରଚାର କରିବାକୁ ମୋଦୀ କର୍ଣ୍ଣାଟକ ଗସ୍ତରେ ଅଛନ୍ତି | ଆଜି ମହୀଶୂରରେ ଏକ ରୋଡ ସୋ’ କରୁଥିବାବେଳେ ଏହି ଘଟଣା ଘଟିଥିଲା | ତେବେ ମୋବାଇଲ ଫୋନ ଗାଡି ଉପରେ ପଡିବା ଦେଖି ମୋଦୀଙ୍କ ସୁରକ୍ଷାରେ ନିୟୋଜିତ ଏସପିଜି ଯବାନମାନେ ତୁରନ୍ତ ମୋବାଇଲ ଫୋନକୁ ଗାଡ଼ିରୁ ଦୂରକୁ ଫିଙ୍ଗିଦେଇଥିଲେ | ତେବେ ମୋବାଇଲ ଫୋନ ଜାଣିଶୁଣି ଫିଙ୍ଗାଯାଇଥିଲା ନା ଫୁଲ ପକାଇବାବେଳେ ଏହା ପଡିଯାଇଥିଲା ପୁଲିସ ତାହାର ଯାଞ୍ଚ କରିଥିଲା |
Sambad is now on WhatsApp
Join and get latest news updates delivered to you via WhatsApp
ପୁଲିସର ଯାଞ୍ଚ ପରେ ଜଣାପଡିଥିଲା ଯେ ଏହି ଫୋନଟି ଜଣେ ବିଜେପି କର୍ମୀଙ୍କର ହୋଇଥିବାବେଳେ ଭୁଲବଶତଃ ଫୁଲ ଫିଙ୍ଗିବାବେଳେ ମୋବାଇଲ ଫୋନ ଫିଙ୍ଗାଯାଇଥିଲା | ଉଲ୍ଲେଖ ଥାଉ କି କିଛିଦିନ ତଳେ କେରଳର କୋଚିରେ ରୋଡ୍ ସୋ’ବେଳେ ପ୍ରଧାନମନ୍ତ୍ରୀଙ୍କ ସୁରକ୍ଷାରେ ବଡ ତ୍ରୁଟି ଦେଖିବାକୁ ମିଳିଥିଲା । ରାସ୍ତାରେ ଚାଲି-ଚାଲି କୋଚି ଜନତାଙ୍କୁ ସମ୍ବୋଧନ କରିବାବେଳେ ମଧ୍ୟ ପ୍ରଧାନମନ୍ତ୍ରୀଙ୍କ ଉପରକୁ ହୋଇଥିଲା ମୋବାଇଲ ଫିଙ୍ଗାଯାଇଥିଲା । ରୋଡ୍ ସୋ’ ବେଳେ ରାସ୍ତାର ଉଭୟ ପାର୍ଶ୍ୱରେ ଛିଡା ହୋଇଥିବା ଲୋକେ ପ୍ରଧାନମନ୍ତ୍ରୀଙ୍କ ଉପରକୁ ଫୁଲ ବର୍ଷା କରୁଥିଲେ । ଏହି ସମୟରେ ମୋଦୀଙ୍କ ଉପରକୁ କେହି ଜଣେ ମୋବାଇଲ୍ ଫିଙ୍ଗିବାର ଚିତ୍ର ସାମ୍ନାକୁ ଆସିଥିଲା । ତେବେ ମୋଦୀଙ୍କ ସହ ଚାଲୁଥିବା ତାଙ୍କ ଅଙ୍ଗରକ୍ଷୀ ମୋବାଇଲଟିକୁ ଅଟକାଇ ଦେଇଥିଲେ । ଫଳରେ ଏହା ମୋଦୀଙ୍କ ଦେହରେ ବାଜିନଥିଲା ।