ହାଉଡି ମୋଦୀ ! ସବୁ ଭଲ ଅଛି… ଓଡିଆ ସମେତ ବିଭିନ୍ନ ଭାରତୀୟ ଭାଷାରେ କହିଲେ ମୋଦୀ
ହ୍ୟଷ୍ଟନ : ହାଉଡି ମୋଦୀର ଅର୍ଥ ହେଉଛି ମୋଦୀ କିପରି ଅଛ ? କିନ୍ତୁ ମୋଦି ଏକ ସାଧାରଣ ବ୍ୟକ୍ତି,ସେ ୧୩୦ କୋଟି ଜନତାଙ୍କ ପ୍ରତିନିଧି । ଏଣୁ ହାଉଡି ମୋଦୀର ଉତ୍ତର ଦେଇ ପ୍ରଧାନମନ୍ତ୍ରୀ ମୋଦୀ ଓଡ଼ିଆ ସମେତ ବିଭିନ୍ନ ଭାରତୀୟ ଭାଷାରେ ଉତ୍ତର ଦେଇ କହିଛନ୍ତି ଯେ ଭାରତରେ ସବୁ ଭଲ ଅଛି ।
ଆମେରିକାର ଟେକ୍ସାସ ରାଜ୍ୟ ହ୍ୟୁଷ୍ଟନ ନଗରୀରେ ଅନୁଷ୍ଠିତ ମେଗା କାର୍ଯ୍ୟକ୍ରମ ହାଉଡି ମୋଦୀ କାର୍ଯ୍ୟକ୍ରମରେ ଯୋଗଦେଇ ମୋଦୀ କହିଛନ୍ତି ଯେ ଟ୍ରମ୍ପ ହେଉଛନ୍ତି ଭାରତର ପ୍ରକୃତ ମିତ୍ର । ହ୍ୱାଇଟ୍ ହାଉସରେ ଭାରତର ଜଣେ ପ୍ରକୃତ ମିତ୍ର ଅଛନ୍ତି । ଟେକ୍ସାସ ସରକାର ପ୍ରତିକୂଳ ପାଗରେ ମଧ୍ୟ ଏପରି ଆୟୋଜନରେ ସହଯୋଗ କରିଥିବାରୁ ସେ ଧନ୍ୟବାଦ ଦେଇଛନ୍ତି । ସେ କହିଛନ୍ତି ଯେ ଆମେରିକାରେ ଥିବା ପ୍ରବାସୀ ଭାରତୀୟ ଭାରତର ପ୍ରତିନିଧି । ଆାଗମୀ କିଛି ଦିନରେ ଦୁଇଦେଶ ମଧ୍ୟରେ କେତେକ ଗୁରୁତ୍ବପୂର୍ଣ୍ଣ ଚୁକ୍ତି ସ୍ବାକ୍ଷରିତ ହେବ । ଦୁଇଦେଶ ଏକାଠି ହୋଇ ଆଗକୁ ବଢିବେ । ସେ ମଧ୍ୟ ଟ୍ରମ୍ପଙ୍କୁ ସପରିବାର ଭାରତ ଆମନ୍ତ୍ରଣ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏହି ଅବସରରେ ଆମେରିକା ରାଷ୍ଟ୍ରପତି ଡୋନାଲï ଟ୍ରମ୍ପ କହିଛନ୍ତି ଯେ ଆମେରିକାରେ ରହୁଥିବା ଭାରତୀୟ ବଂଶୋଦ୍ଭବ ଆମେରିକୀୟ ନାଗରିକମାନେ ଆମେରିକାର ବିକାଶ ଦିଗରେ ଗୁରୁତ୍ୱପୂଣ୍ଣ ଯୋଗଦାନ ଦେଇଚାଲିଛନ୍ତି । ଭାରତୀୟ କମ୍ପାନିମାନେ ଲକ୍ଷ ଲକ୍ଷ ଆମେରିକୀୟଙ୍କୁ ନିଯୁକ୍ତି ଦେଇଛନ୍ତି । ୨୦୧୮ ଜେଏସଡବ୍ଲୁ ଷ୍ଟିଲ ଆମେରିକାର ଓହାଇଓ ରାଜ୍ୟରେ ଷ୍ଟିଲ ପ୍ଲାଣ୍ଟ କରିବାକୁ ଘୋଷଣା କରିଛି ବୋଲି ଟ୍ରମ୍ପ କହିଛନ୍ତି । ହାଉଡି ମୋଦୀ କାର୍ଯ୍ୟକ୍ରମରେ ଯୋଗ ଦେଇ ଟ୍ରମ୍ପ କହିଛନ୍ତି ଯେ ଗତ କିଛି ବର୍ଷ ମଧ୍ୟରେ ଟେକ୍ସାସ ସମେତ ସମଗ୍ର ଆମେରିକାରେ ବେରୋଜଗାରୀ ହାର ଉଲ୍ଲେଖନୀୟଭାବେ ହ୍ରାସ ପାଇଛି । ସେ କହିଛନ୍ତି ଯେ ଭାରତ ଓ ଆମେରିକା ମଧ୍ୟରେ ବାଣିଜ୍ୟ କାରବାର ବଢିଚାଲିଛି । ଦୁଇଦେଶ ମଧ୍ୟରେ ପ୍ରତିରକ୍ଷା କ୍ଷେତ୍ରରେ ସହଯୋଗ ବଢିଚାଲିଛି । ଭାରତ ସହିତ ମହାକାଶ ଗବେଷଣା କ୍ଷେତ୍ରରେ ସହଯୋଗିତା ପାଇଁ ଆମେରିକା ଆଶାୟୀ ଅଛି । ଆତଙ୍କବାଦର ମୁକାବିଲା କ୍ଷେତ୍ରରେ ଦୁଇଦେଶ ଏକାଠି ହୋଇ ମୁକାବିଲା କରିବେ ।