ମହାମାରୀ ସମୟରେ ଡାକ୍ତର, ସ୍ବାସ୍ଥ୍ୟ କର୍ମୀମାନଙ୍କ ପାଇଁ ଏକ ସ୍ବତନ୍ତ୍ର ଭିସା ସ୍କିମ ଆରମ୍ଭ ହେଉ : ମୋଦୀ
ନୂଆଦିଲ୍ଲୀ : କରୋନା ପରି ବିଶ୍ବ ମହାମାରୀ ସମୟରେ ପଡ଼ୋଶୀ ଦେଶମାନଙ୍କ ମଧ୍ୟରେ ସହଯୋଗ ରହିବା ଜରୁରୀ । ବିଶେଷକରି ଏପରି ବିପଦ ସମୟରେ ଦକ୍ଷିଣ ଏସୀୟ ଦେଶମାନେ ପରିସ୍ପରକୁ ସହାୟତା କରିବା ଉଚିତ ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
କୋଭିଡ-୧୯ ମହାମାରୀ ପରିଚାଳନା ସମ୍ପର୍କରେ ଆୟୋଜିତ ଏକ ସମ୍ମିଳନୀରେ ଉଦବୋଧନ ଦେଇ ସେ କହିଛନ୍ତି ଯେ ମହାମାରୀ ପରି ଜରୁରୀକାଳୀନ ସମୟରେ ଡାକ୍ତର ଓ ସ୍ବାସ୍ଥ୍ୟକର୍ମୀମାନେ ଯେପରି ଶୀଘ୍ର ଗୋଟିଏ ଦେଶରୁ ଅନ୍ୟ ଦେଶକୁ ଯାଇପାରିବେ ସେଥିପାଇଁ ଏକ ସ୍ବତନ୍ତ୍ର ଭିସା ସ୍କିମ ଆରମ୍ଭ ହେବା ଉଚିତ ।
ସେ କହିଛନ୍ତି ଯେ ଗତ ବର୍ଷଠାରୁ ଦେଶଦେଶ ମଧ୍ୟରେ ସ୍ବାସ୍ଥ୍ୟ ସମ୍ପର୍କିତ ସହଯୋଗିତା ବୃଦ୍ଧି ପାଇଛି । ଏହାକୁ ଆହୁରି ବୃଦ୍ଧି କରିବାକୁ ହେବ । ବିଶ୍ବର ବିଭିନ୍ନ ଦେଶରେ ଯେପରି ଦ୍ରୁତ ଗତିରେ ଟିକାର ଆବଣ୍ଟନ ହୁଏ ସେଥିପାଇଁ ସହଯୋଗ ବୃଦ୍ଧି ପାଇବା ଉଚିତ ।
୨୧ ଶତାବ୍ଦୀକୁ ଯଦି ଏସିଆର ଶତାବ୍ଦୀ କରିବାକୁ ହୁଏ ତେବେ ଆମକୁ ପରସ୍ପର ମଧ୍ୟରେ ସହଯୋଗ ବୃଦ୍ଧି କରିବାକୁ ହେବ । ବିଶେଷ କରି ଦକ୍ଷିଣ ଏସିଆ ଓ ଭାରତ ମହାସାଗରୀୟ ଦେଶଙ୍କ ମଧ୍ୟରେ ସହଯୋଗ ବୃଦ୍ଧି କରିବାକୁ ହେବ ବୋଲି ମୋଦୀ କହିଛନ୍ତି ।