ନୂଆଦିଲ୍ଲୀ: କର୍ତ୍ତାରପୁର କରିଡର ଖୋଲିବାକୁ ନେଇ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ଧନ୍ୟବାଦ ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ | ମୋଦୀ କହିଛନ୍ତି ଯେ ଭାରତୀୟଙ୍କ ଭାବାବେଗକୁ ସମ୍ମାନ ଦେଇଥିବାରୁ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ଅଶେଷ ଧନ୍ୟବାଦ | ମୋଦୀ କହିଛନ୍ତି ଯେ ଗୁରୁ ନାନକ ଦେବଙ୍କ ୫୫୦ ତମ ଜନ୍ମବାର୍ଷିକୀ ପୂର୍ବରୁ କର୍ତ୍ତାରପୁର ସାହିବ କରିଡରର ଉଦଘାଟନ ତାଙ୍କୁ ଅନେକ ଖୁସି ଦେଇଛି | ମୋଦୀ କହିଛନ୍ତି ଯେ ଭାରତର ସ୍ୱାଧୀନତାରେ ଶିଖମାନଙ୍କର ପ୍ରମୁଖ ଭୂମିକା ରହିଛି |
Sambad is now on WhatsApp
Join and get latest news updates delivered to you via WhatsApp
ଭାରତର ସୁରକ୍ଷାକୁ ନେଇ ଗୁରୁ ନାନକ ଦେବଙ୍କ ଠାରୁ ଆରମ୍ଭ କରି ଗୁରୁ ଗୋବିନ୍ଦଙ୍କ ପର୍ଯ୍ୟନ୍ତ ସବୁ ଗୁରୁ ସାହେବ ବଳିଦାନ ଦେଇଛନ୍ତି | ଏହି ପରମ୍ପରାକୁ ବଜାୟ ରଖି ସ୍ୱାଧୀନ ଭାରତର ସୁରକ୍ଷାରେ ଶିଖ ସାଥିମାନେ ନିଜକୁ ସମର୍ପିତ କରିଛନ୍ତି | ଦେଶ ଉଦ୍ଦେଶ୍ୟରେ କର୍ତ୍ତାରପୁର କରିଡର ସାହିବ ସମର୍ପିତ କରିବା ତାଙ୍କର ସୌଭାଗ୍ୟ ବୋଲି ମୋଦୀ କହିଛନ୍ତି |
ଏଠାରେ ସୂଚନା ଥାଉ କି ବହୁ ପ୍ରତୀକ୍ଷିତ କରତାରପୁର କରିଡରର ଉଦଘାଟନ ଲାଗି ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସୁଲତାନପୁର ଲୋଧିଠାରେ ପହଞ୍ଚିଥିଲେ । ସେଠାରେ ସେ ଗୁରୁଦ୍ବାରକୁ ଯାଇ ପ୍ରଣାମ କରି ଲୋକଙ୍କ ସହ ମିଶିଥିଲେ ।