ମିଳିତ ଜାତିସଂଘର ସଂସ୍କାର ଜରୁରୀ ହୋଇପଡ଼ିଛି : ମୋଦୀ
ନୂଆଦିଲ୍ଲୀ : ମିଳିତ ଜାତିସଂଘ ନିଜର ୭୫ ବର୍ଷର ଇତିହାସରେ ଅନେକ ଐତିହାସିକ ସଫଳତା ପାଇଛି । କିନ୍ତୁ ଏପରି କେତେକ ଘଟଣା ରହିଛି ଯାହା ଉପରେ ଗଭୀର ଆତ୍ମମନ୍ଥନ କରିବାର ଆବଶକତା ରହିଛି । ସାରା ଦୂନିଆ ଗତ ୮ ମାସ ହେଲା ଏକ ମହାମାରୀର ସମ୍ମୁଖୀନ ହେଉଛି, କିନ୍ତୁ ମାନବ ସମାଜର ଏହି ଲଢେଇରେ ଜାତିସଂଘ କେଉଁଠି ଅଛି ବୋଲି ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପ୍ରଶ୍ନ କରିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଜାତିସଂଘର ସାଧାରଣ ପରିଷଦ ଅଧିବେଶନରେ ଉଦବୋଧନ ଦେଇ ସେ କହିଛନ୍ତି ଯେ ୭୫ ବର୍ଷ ତଳେ ସେତେବେଳର ବିଶ୍ବ ପରିସ୍ଥିତି ଅନୁସାରେ ଜାତିସଂଘକୁ ଗଠନ କରାଯାଇଥିଲା । କିନ୍ତୁ ଆଜିର ପରିସ୍ଥିତି ଅନୁସାରେ ଜାତିସଂଘର ଢାଞ୍ଚା, କାର୍ଯପ୍ରଣାଳୀ ଆଦି କ୍ଷେତ୍ରରେ ସଂସ୍କାର ଆଣିବା ଜରୁରୀ ହୋଇପଡ଼ିଛି । ମାନବ ସମାଜର ଉନ୍ନତି ପାଇଁ ଜାତିସଂଘର ସଶକ୍ତିକରଣ କରିବାର ଆବଶ୍ୟକତା ରହିଛି ।
ଭାରତରେ ବିଶ୍ବର ୧୮ ପ୍ରତିଶତ ଜନତା ରହନ୍ତି । କିନ୍ତୁ ଜାତିସଂଘରେ ଭାରତ କେବେ ନିଜର ଅଧିକାର ପାଇବ ? ଭାରତ ସବୁବେଳେ ଜାତିସଂଘକୁ ସମ୍ମାନ ଦେଇଆସିଛି, ଏହାର ବିକାଶ ଦିଗରେ ଓ ମାନବ ଜାତିର ଉନ୍ନତି ପାଇଁ କାମ କରିଆସିଛି । ଏପରିକି କରୋନା ମହାମାରୀ ପରି ସଂକଟ ସମୟରେ ଭାରତ ୧୫୦ଟି ଦେଶକୁ ଔଷଧ ଓ ମେଡିକାଲ ଉପକରଣ ଯୋଗାଇଛି । ଆହୁରି ମଧ୍ୟ ବିଶ୍ବର ବ୍ହତ୍ତମ ଟିକା ଉତ୍ପାଦନକାରୀ ଦେଶ ଭାବରେ ଭାରତ ମାନବ ସମାଜ ପାଇଁ ନିଜର ଯୋଗଦାନ ପ୍ରଦାନ କରିବ ।