ମୋଦୀଙ୍କ ଇମୋସନାଲ ଭାଷଣ: ଏଥର ନିର୍ବାଚନର ମୋର ଶେଷ ସଭା
ନୂଆଦିଲ୍ଲୀ: ମାର୍ଚ୍ଚ ୭ରେ ଉତ୍ତରପ୍ରଦେଶ ବିଧାନସଭା ନିର୍ବାଚନର ଶେଷ ପର୍ଯ୍ୟାୟ ପାଇଁ ମତଦାନ ହେବ | ତେବେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବାରାଣାସୀରେ ଏକ ଜନସଭାକୁ ସମ୍ବୋଧିତ କରି ଭୋଟରଙ୍କୁ ବିଜେପିକୁ ଭୋଟ ଦେବାକୁ ଅନୁରୋଧ କରିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ୨୦୨୨ ବିଧାନସଭା ନିର୍ବାଚନରେ ଏହା ମୋର ଶେଷ ସାଧାରଣ ସଭା। ବିଜେପି ସରକାର ଉତ୍ତରପ୍ରଦେଶର ବିକାଶ କରିଛନ୍ତି । ବିଜେପିକୁ ଜିତାନ୍ତୁ |
ସମାଜବାଦୀ ଓ ବହୁଜନ ସମାଜ ପାର୍ଟି ଉପରେ ଟାର୍ଗେଟ କରି ସେ କହିଛନ୍ତି ଯେ ସେମାନଙ୍କ ସରକାରରେ କେବଳ ଦଙ୍ଗା ହୋଇଥିଲା। ଉତ୍ତରପ୍ରଦେଶ ଏପରି ନିର୍ବାଚନ ଦେଖିନଥିଲା ଯେଉଁଠାରେ ବିକାଶମୂଳକ କାର୍ଯ୍ୟ ଆଧାରରେ ଭୋଟ୍ ପାଇଁ ଅପିଲ କରାଯାଉଛି । ରାଜ୍ୟକୁ ଵଂଶବାଦ କବଳରୁ ମୁକ୍ତ କରିବାକୁ ହେବ। ବାରାଣାସୀରେ ଜନସାଧାରଣଙ୍କୁ ସମ୍ବୋଧିତ କରି ପ୍ରଧାନମନ୍ତ୍ରୀ ମୋଦୀ ଆହୁରି କହିଛନ୍ତି ଯେ ପାରିବାରିକ ଦଳ ସଙ୍କଟରେ ବି ରାଜନୀତି କରନ୍ତି। ସେ କହିଛନ୍ତି ଯେ ୟୁକ୍ରେନ ସଙ୍କଟରେ ମଧ୍ୟ ଏହି ପାରିବାରିକ ଦଳ(ସମାଜବାଦୀ ପାର୍ଟି) ରାଜନୀତି କରୁଛନ୍ତି। ୟୁକ୍ରେନରୁ ପ୍ରତ୍ୟେକ ଛାତ୍ରଛାତ୍ରୀକୁ ସୁରକ୍ଷିତ ଭାବେ ଭାରତ ଆଣିବାକୁ ଭାରତ ସରକାର ସ୍ଥିର କରିଛନ୍ତି।
ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଯେତେବେଳେ ଦେଶ କିଛି ଆହ୍ୱାନର ସମ୍ମୁଖୀନ ହୁଏ, ସେତେବେଳେ ଏହି ପାରିବାରିକ ଦଳମାନେ ଏଥିରେ ରାଜନୈତିକ ଆଗ୍ରହ ଦେଖନ୍ତି। ଯଦି ଭାରତର ସୁରକ୍ଷା ବାହିନୀ ଏବଂ ଲୋକମାନେ ଏହି ସଙ୍କଟକୁ ମୁକାବିଲା କରନ୍ତି, ତେବେ ପରିସ୍ଥିତିକୁ ଆହୁରି ଗମ୍ଭୀର କରିବା ପାଇଁ ସେମାନେ ସବୁକିଛି କରନ୍ତି। ମହାମାରୀ ସମୟରେ ଏବଂ ଆଜି ୟୁକ୍ରେନ ସଙ୍କଟ ସମୟରେ ଆମେ ଏହା ଦେଖୁଛେ |
