ମୋଦି ସରକାରଙ୍କ ନିଷ୍ପତ୍ତି: ମିଛ ଖବର ପ୍ରକାଶନ କଲେ ‘ଖବରକାଗଜ’କୁ ମିଳିବନି ବିଜ୍ଞାପନ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସରକାର ନିଷ୍ପତ୍ତି ନେଇଛନ୍ତି ଯେ, ମିଛ ଖବର ପ୍ରକାଶନ ଓ ଭୁଲ ରିପୋଟିଂ କରୁଥିବା ଖବରକାଗଜକୁ ଏଣିକି ବିଜ୍ଞାପନ ଦିଆଯିବ ନାହିଁ। ଜାତୀୟ ଗଣମାଧ୍ୟମରେ ପ୍ରକାଶିତ ଖବର ଅନୁସାରେ ଗଣମାଧ୍ୟମ ପ୍ରତିଷ୍ଠାନକୁ ଅନୈତିକି ରିପୋଟିଂ ଉପରେ ବିଜ୍ଞାପନ ଓ ଦୃଶ୍ୟ ପ୍ରଚାର ନିର୍ଦ୍ଦେଶାଳୟ(ଡିଏଭିପି) ପକ୍ଷରୁ ବିଜ୍ଞାପନ ଜାରି କରାଯିବ ନାହିଁ। ‘ଦ ନ୍ୟୁ ପ୍ରିଣ୍ଟ ମିଡିଆ ଆଡଭର୍ଟାଇଜମେଣ୍ଟ ପଲିସି ୨୦୧୬’ର ଧାରା ୨୫ରେ ସଂଶୋଧନ ହେବ। ପ୍ରସ୍ତାବିତ ସଂଶୋଧନ ନିୟମ ପରେ ମିଛ ଖବର ଓ ଭୁଲରେ ଛପାଯାଇଥିବା ଖବର ଉପରେ କାର୍ଯ୍ୟାନୁଷ୍ଠାନ ହେବ। କିନ୍ତୁ ଏପର୍ଯ୍ୟନ୍ତ ଏ ବାବଦରେ କିଛି ସ୍ପଷ୍ଟ ହୋଇ ନାହିଁ। କାର୍ଯ୍ୟାନୁଷ୍ଠାନ ସମୟରେ ଡିଏଭିପିର ଅଧିକାରୀମାନେ ଭୁଲ ଖବର ନେଇ ଘଟଣା ସମ୍ପର୍କରେ ପଚରାଉଚରା କରିପାରନ୍ତି।
Sambad is now on WhatsApp
Join and get latest news updates delivered to you via WhatsApp
ଏକ ଜାତୀୟ ଖବରକାଗଜରେ ପ୍ରକାଶିତ ଖବର ଅନୁସାରେ ଡିଏଭିପି ଏହି କାମ କରିବାକୁ ଭାରତୀୟ ପ୍ରେସ ପରିଷଦ ଓ ପତ୍ର ସୂଚନା କାର୍ଯ୍ୟାଳୟ(ପ୍ରେସ ଇନଫରମେସନ୍ ବ୍ୟୁରୋ)ର ସାହାଯ୍ୟ ନେବ। ସୂଚନା ଓ ପ୍ରସାରଣ ମନ୍ତ୍ରାଳୟ ଗତ ବର୍ଷ ନୂଆ ବିଜ୍ଞାପନ ନୀତି ନେଇ ଆସିଥିଲା। ଏଥିରେ ଖବରକାଗଜ ଓ ପତ୍ରିକାର ତଥ୍ୟ ଯାଞ୍ଚ କରିବାକୁ ନିଷ୍ପତ୍ତି ନେଇଥିଲା। ବିଜ୍ଞାପନ ଜାରି କରିବା ପୂର୍ବରୁ ଅର୍ଡିଟ ବ୍ୟୁରୋ ଅଫ୍ ସାକ୍ୟୁଲେସନ୍ (ଏବିସି) ଅଥବା ରେଜିଷ୍ଟର ଅଫ୍ ନ୍ୟୁଜପେପର୍ସ ଅଫ୍ ଇଣ୍ଡିଆ (ଆରଏନ୍ଆଇ)ର ସଦସ୍ୟ ସାମିଲ ଥିଲେ।