କଂଗ୍ରେସରେ ଯୋଗ ଦେବା ପରେ ଉର୍ମିଲାଙ୍କ ବୟାନ, ମୋଦି ବହୁତ ଭଲ କିନ୍ତୁ ତାଙ୍କ ନୀତି ଖରାପ
ମୁମ୍ବାଇ : ଗତକାଲି ବିଧିବଦ୍ଧ ଭାବରେ କଂଗ୍ରେସରେ ଯୋଗ ଦେଇଥିଲେ ଅଭିନେତ୍ରୀ ଉର୍ମିଲା ମାତୋଣ୍ଡକର । ଯୋଗ ଦେବାର ଗୋଟେ ଦିନ ପରେ ହିଁ ସେ ବିଜେପି ସରକାରଙ୍କ ବିରୋଧରେ ବୟାନବାଜି ଆରମ୍ଭ କରି ଦେଇଛନ୍ତି । ରାଜନୀତିରେ ଯୋଗ ଦେବାର ଦ୍ୱିତୀୟ ଦିନରେ ମୋଦି ସରକାର ଦେଶରେ ଅସହିଷ୍ଣୁତା ବଢ଼ାଉଥିବାର ଅଭିଯୋଗ କରିଛନ୍ତି । ଏହା ସହ ମୋଦି ସରକାର ଏବଂ ତାଙ୍କ ନୀତି ଉପରେ ମଧ୍ୟ ଉର୍ମିଲା ପ୍ରଶ୍ନ ଉଠାଇଥିବା ଦେଖା ଯାଇଛି । ବ୍ୟକ୍ତିଗତ ଭାବରେ କହିବାକୁ ଗଲେ ମୋଦି ବହୁତ ଭଲ । କିନ୍ତୁ ତାଙ୍କ ନୀତିଗୁଡ଼ିକ ଖରାପ ବୋଲି ଗୁରୁବାର କହିଛନ୍ତି ଉର୍ମିଲା ମାତୋଣ୍ଡକର ।
Sambad is now on WhatsApp
Join and get latest news updates delivered to you via WhatsApp
ଏହା ସହ କଂଗ୍ରେସରେ ଯୋଗ ଦେବା ପଛର କାରଣ ପଚରାଯିବା ପରେ, ମୁଁ ଗାନ୍ଧୀଜୀ, ନେହେରୁଜୀଙ୍କ ବିଷୟରେ ବହୁତ କିଛି ପଢ଼ିଛି । ଏହା ସହ ମୋ ପରିବାର ମଧ୍ୟ କଂଗ୍ରେସ ଦଳର ବିଚାରଧାରାକୁ ଅନୁସରଣ କରେ । ଏହା ହେଉଛି ଲୋକତାନ୍ତ୍ରିକ ଦେଶ । ଲୋକମାନେ ନିଜ ଭାବନାକୁ ଏବଂ ସେମାନେ କ’ଣ ଚାହାନ୍ତି ତାହା ଖୋଲାଖୋଲି ଭାବରେ କହିବା ଉଚିତ୍ । କିନ୍ତୁ ଆଜିକାଲି କିଛି ବି ମତ ରଖିଲେ, ତା’କୁ ଧର୍ମ ସହ ତୁଳନା କରି ଦିଆ ଯାଉଛି । ଧର୍ମ ନାଁରେ ଲୋକମାନେ ପରସ୍ପରକୁ ହତ୍ୟା କରୁଛନ୍ତି । ଲୋକମାନେ ମୋଦି ସରକାରକୁ ନେଇ ଖୁସି ନାହାନ୍ତି । ୫ବର୍ଷ ପୂର୍ବେ ସେ ଯାହା ପ୍ରତିଶ୍ରୁତି ଦେଇଥିଲେତାକୁ ପୂରା କରିବାରେ ମୋଦି ସରକାର ବିଫଳ ହୋଇଛି । ଏଥି ପାଇଁ ମୁଁ ବିଜେପି ଛାଡ଼ି କଂଗ୍ରେସରେ ଯୋଗ ଦେବାକୁ ନିଷ୍ପତ୍ତି ନେଇଥିଲି ବୋଲି କହିଛନ୍ତି ଉର୍ମିଲା ।