ହାଇଦ୍ରାବାଦ୍: ଲୋକସଭା ନିର୍ବାଚନ ଆରମ୍ଭ ହେବା ସହିତ କଂଗ୍ରେସ ସଂରକ୍ଷଣ ପ୍ରସଙ୍ଗକୁ ଜୋରଦାର ଉଠାଇଛି। ରାହୁଲ ଗାନ୍ଧୀ ସୋମବାର ତେଲେଙ୍ଗାନାରେ ତାଙ୍କ ରୋଡ୍ ସୋ ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସଂରକ୍ଷଣ ବନ୍ଦ କରିବାକୁ ତଥା ସମ୍ବିଧାନ ପରିବର୍ତ୍ତନ କରିବାକୁ ଚେଷ୍ଟା କରୁଥିବା ଅଭିଯୋଗ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସେ ଅଭିଯୋଗ କରିଛନ୍ତି ପ୍ରଧାନମନ୍ତ୍ରୀ ଓବିସି, ଏସସି-ଏସଟି ଲୋକଙ୍କଠାରୁ ସଂରକ୍ଷଣ ଛଡ଼ାଇବାକୁ ଚାହୁଁଛନ୍ତି। ସେ ଏହାକୁ ପଛୁଆ ସମ୍ପ୍ରଦାୟର ଲୋକଙ୍କ ପ୍ରତି ବିଶ୍ୱାସଘାତକତା ବୋଲି କହିଛନ୍ତି।
ବିଜେପି ଚାହୁଁଛି ପଛୁଆ, ଦଳିତ ଏବଂ ଆଦିବାସୀ ଶ୍ରେଣୀର ଲୋକମାନେ ଆଗକୁ ବଢ଼ନ୍ତୁ ନାହିଁ। ବିଜେପି ସମ୍ବିଧାନକୁ ନଷ୍ଟ କରିବାକୁ ଚେଷ୍ଟା କରୁଛି। ଏହାର ସମସ୍ତ ନେତା କ୍ରମାଗତ ଭାବରେ ୪୦୦ ଆସନ ଜିତିଲେ ଦେଶର ସମ୍ବିଧାନ ପରିବର୍ତ୍ତନ ବିଷୟରେ କହୁଛନ୍ତି। ଜନସାଧାରଣଙ୍କୁ ଏହି ବିପଦକୁ ବୁଝିବାକୁ ପଡିବ ଏବଂ ଏହାକୁ ଦୃଷ୍ଟିରେ ରଖି କଂଗ୍ରେସକୁ ସମର୍ଥନ କରିବାକୁ ପଡିବ।
ସେ କହିଛନ୍ତି ଆଜି ଦେଶର ଗରିବ ଲୋକ ଯାହା ପାଇଛନ୍ତି, ସବୁକିଛି ସମ୍ବିଧାନ ଦ୍ୱାରା ଦିଆଯାଇଛି, କିନ୍ତୁ ବିଜେପି ନେତାମାନେ ସମ୍ବିଧାନ ରଦ୍ଦ କରିବାକୁ କହୁଛନ୍ତି। ବିରାଟ ଜନସମାଗମ ମଧ୍ୟରେ କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ କହିଛନ୍ତି ନରେନ୍ଦ୍ର ମୋଦୀ ସଂରକ୍ଷଣ ବିରୋଧରେ ଅଛନ୍ତି। ସେ କହିଛନ୍ତି କଂଗ୍ରେସ ଏହାର ମନିଫେଷ୍ଟୋରେ ଲେଖିଛି ସଂରକ୍ଷଣ ଉପରେ ଆମେ ୫୦ ପ୍ରତିଶତ ସୀମା ହଟାଇବୁ। କିନ୍ତୁ ବିଜେପି ସରକାର ଏହାକୁ ରଦ୍ଦ କରିବାକୁ ଯୋଜନା କରିଛି। କଂଗ୍ରେସ କ୍ଷମତାକୁ ଆସିଲେ ଏନେଇ ଉପଯୁକ୍ତ ପଦକ୍ଷେପ ଗ୍ରହଣ କରିବ ବୋଲି ସେ କହିଛନ୍ତି।