ପ୍ରଧାନମନ୍ତ୍ରୀତ୍ୱ ପାଇଁ ଗର୍ବ କରୁଛନ୍ତି ମୋଦି: ଆନ୍ନା ହଜାରେ

0

ମୁମ୍ବାଇ: ପ୍ରଧାନମନ୍ତ୍ରୀତ୍ୱ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗର୍ବ କରୁଛନ୍ତି। ସେହି କାରଣରୁ ସେ ତାଙ୍କ ଚିଠିର ଉତ୍ତର ଦେଉ ନାହାନ୍ତି ବୋଲି ଆନ୍ନା ହଜାରେ ଅଭିଯୋଗ କରିଛନ୍ତି।

ଶନିବାର ଦିନ ସଙ୍ଗଲି ଜିଲ୍ଲା ଅନ୍ତର୍ଗତ ଆତପଦି ତହସିଲ୍‌ରେ ଏକ ସର୍ବସାଧାରଣ ରାଲିରେ ଭାଷଣ ଦେବାବେଳେ ଆନ୍ନା ଏ କଥା କହିଛନ୍ତି।
ସେ କହିଛନ୍ତି: ଗତ ତିନି ବର୍ଷ ମଧ୍ୟରେ ମୁଁ ପ୍ରଧାନମନ୍ତ୍ରୀ ମୋଦିଙ୍କ ନିକଟକୁ ୩୦ ଖଣ୍ଡ ଚିଠି ଲେଖିଛି, କିନ୍ତୁ ସେ ସେଗୁଡ଼ିକର ଉତ୍ତର ଦେଇ ନାହାନ୍ତି। ନିଜର ପ୍ରଧାନମନ୍ତ୍ରୀତ୍ୱ ପାଇଁ ମୋଦି ଗର୍ବ କରୁଥିବାରୁ ସେ ମୋ ଚିଠିର ଉତ୍ତର ଦେଉ ନାହାନ୍ତି।

ମାର୍ଚ ୨୩ ଠାରୁ ଦିଲ୍ଲୀରେ ପୁଣି ଗୋଟାଏ ଆନ୍ଦୋଳନ କରିବେ ବୋଲି ପୂର୍ବରୁ ହଜାରେ ଘୋଷଣା କରିଥିଲେ। ମାର୍ଚ ୨୩ ତାରିଖ ପାଇଁ ସମର୍ଥନ ଯୋଗାଡ଼ କରିବାକୁ ଆନ୍ନା ଭାଷଣ ଦେବାକୁ ଥିବା ତିନୋଟି ରାଲି ମଧ୍ୟରୁ ପ୍ରଥମଟି ଥିଲା ଶନିବାର ଆୟୋଜିତ ଆତବଦି ରାଲି।

ସରକାରଙ୍କୁ ଚେତାବନୀ ଦେବା ଭଳି ଏ ଭଳି ବିଶାଳ ବିକ୍ଷୋଭ ପୂର୍ବରୁ କେବେ ହୋଇ ନାହିଁ ବୋଲି ଆନ୍ନା କହିଛନ୍ତି।

ରାଲି ଏବଂ ବିକ୍ଷୋଭ ମାଧ୍ୟମରେ ମୁଁ ଭୋଟ୍‌ ଯୋଗାଡ଼ କରୁନାହିଁ। ଜନ ଲୋକପାଳ ପାଇଁ ଯେଉଁ ପ୍ରକାର ବିଶାଳ ରାଲି ହୋଇଥିଲା ଚାଷୀଙ୍କ ମାମଲାରେ ମଧ୍ୟ ସେହି ଭଳି ରାଲିଟିଏ ହେବ ବୋଲି ମୋର ବିଶ୍ୱାସ।

ଲୋକପାଳ କାର୍ଯ୍ୟକାରୀ, ଲୋକାୟୁକ୍ତ ନିଯୁକ୍ତି, ଚାଷୀଙ୍କୁ ୫୦୦୦ ଟଙ୍କା ଭତ୍ତା ଏବଂ କୃଷି ଉତ୍ପାଦ ପାଇଁ ଅଧିକ ମୂଲ୍ୟ ଆଦି ପ୍ରସଙ୍ଗ ତାଙ୍କ ଦାବିରେ ଅନ୍ତର୍ଭୁକ୍ତ ହେବ।

ସମ୍ବନ୍ଧିତ ଖବର

Leave A Reply

Your email address will not be published.