ନୂଆଦିଲ୍ଲୀ: ମଙ୍ଗୋଲିଆ ରାଷ୍ଟ୍ରପତି ଖାଲଟମାଗିନ ବାଟଲୁଗା ପାଞ୍ଚ ଦିନିଆ ଭାରତ ଗସ୍ତରେ ଆସିଛନ୍ତି | ସେ ଭାରତ ସରକାରଙ୍କ ସହ ଦ୍ବିପକ୍ଷୀୟ ଆଲୋଚନା କରିବେ | ତେବେ ଭାରତ ଗସ୍ତରେ ଆସି ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ଆଲୋଚନା କରିଛନ୍ତି | ଏହି ଅବସରରେ ମୋଦୀ ଭିଡିଓ କନଫରେନସିଂ ମାଧ୍ୟମରେ ମଙ୍ଗୋଲିଆର ଗଣ୍ଡନରେ ଥିବା ଭଗବାନ ବୁଦ୍ଧଙ୍କର ପ୍ରତିମୂର୍ତ୍ତିକୁ ଉନ୍ମୋଚନ କରିଛନ୍ତି |
Sambad is now on WhatsApp
Join and get latest news updates delivered to you via WhatsApp
ମଙ୍ଗୋଲିଆ ରାଷ୍ଟ୍ରପତି ଖାଲଟମାଗିନ ବାଟଲୁଗା ପ୍ରଥମେ ଉପରାଷ୍ଟ୍ରପତି ଭେଙ୍କେୟା ନାଇଡୁଙ୍କୁ ସାକ୍ଷାତ କରିବା ପରେ ରାଜଘାଟ ଯାଇ ମହାତ୍ମା ଗାନ୍ଧୀଙ୍କ ସମାଧିରେ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ |
ଏହି ଅଵସରରେ ସେ କହିଥିଲେ ଯେ ଭାରତ ସହ ଆମର ବହୁ ପୁରାତନ ସମୟରୁ ଉଭୟ ସାଂସ୍କୃତିକ ଓ ଆଧ୍ୟାତ୍ମିକ ସମ୍ପର୍କ ରହିଆସିଛି | ତେବେ ମଙ୍ଗୋଲିଆ ରାଷ୍ଟ୍ରପତି ଭାରତ ସହ ଶକ୍ତି, ପ୍ରତିରକ୍ଷା, ସଂସ୍କୃତି ବାବଦରେ ସହଯୋଗ ନେଇ ଆଲୋଚନା କରିବେ | ତେବେ ବିଦେଶ ମନ୍ତ୍ରାଳୟ ପକ୍ଷରୁ କୁହାଯାଇଛି ଯେ ମଙ୍ଗୋଲିଆ ରାଷ୍ଟ୍ରପତି ଭାରତ-ମଙ୍ଗୋଲିଆ ବ୍ୟବସାୟିକ ସମ୍ମିଳନୀରେ ମଧ୍ୟ ଭାଗ ନେବେ |