ନୂଆଦିଲ୍ଲୀ: ଇଣ୍ଡିଆନ୍‌ ଏକ୍ସପ୍ରେସ୍‌  ପକ୍ଷରୁ ଭାରତର ୧୦୦ ପ୍ରଭାବଶାଳୀ ବ୍ୟକ୍ତିଙ୍କ ତାଲିକା ପ୍ରକାଶ ପାଇଛି। ତାଲିକାର ସର୍ବାଗ୍ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରହିଥିବା ବେଳେ ୧୦୦ତମ ସ୍ଥାନରେ ଅଭିନେତ୍ରୀ ଆଲିଆ ଭଟ୍ଟ ଅଛନ୍ତି।  ଦ୍ବତୀୟ ସ୍ଥାନରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଏବଂ ତୃତୀୟ ସ୍ଥାନରେ କେନ୍ଦ୍ର ବୈଦେଶିକ ବ୍ୟାପାର ମନ୍ତ୍ରୀ ଏସ୍‌ ଜୟଶଙ୍କର ରହିଛନ୍ତି। ୪ର୍ଥ ସ୍ଥାନରେ ଆର୍‌ଏସ୍‌ଏସ୍‌ ସରସଂଘ ଚାଳକ ମୋହନ ଭାଗବତ, ୫ମ ସ୍ଥାନରେ ଅର୍ଥମନ୍ତ୍ରୀ ନିର୍ମଳା ସୀତାରମଣ, ୬ଷ୍ଠ ସ୍ଥାନରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ୭ମ ସ୍ଥାନରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ, ୮ମ ସ୍ଥାନରେ ରେଳମନ୍ତ୍ରୀ ଅଶ୍ବିନୀ ବୈଷ୍ଣବ ରହିଥିବା ବେଳେ ୯ମ ସ୍ଥାନରେ ବିରୋଧୀ ଦଳ ନେତା ରାହୁଲ ଗାନ୍ଧୀ ଓ ୧୦ମ ସ୍ଥାନରେ ଶିଳ୍ପପତି ମୁକେଶ ଅମ୍ବାନୀ ରହିଛନ୍ତି। ଶିଳ୍ପପତି ଗୌତମ ଆଦାନୀ ୧୧ତମ ସ୍ଥାନରେ ରହିଥିବା ବେଳେ  କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ୨୨ତମ ସ୍ଥାନରେ ଅଛନ୍ତି। ଅମିତ ଶାହଙ୍କ ପୁଅ ଜୟ ଶାହ ୨୪ ତମ ସ୍ଥାନରେ ରହିଛନ୍ତି। ଏନ୍‌ଏସ୍‌ଏ ଅଜିତ ଡୋଭାଲ୍‌ ୩୫ତମ ସ୍ଥାନରେ ଥିବା ବେଳେ ୭୨ତମ ସ୍ଥାନରେ କ୍ରିକେଟିୟର ବିରଟ କୋହଲି, ୮୧ତମ ସ୍ଥାନରେ ପ୍ରିୟଙ୍କା ଗାନ୍ଧୀ ଭଦ୍ରା, ୮୯ତମ ସ୍ଥାନରେ ଏଆଇଏମ୍‌ଆଇଏମ୍‌ ନେତା ଅସଦୁଦ୍ଦିନ ଅୱେସୀ, ୯୭ତମ ସ୍ଥାନରେ ଅଭିନେତା ଶାହରୁଖ ଖାନ୍‌, ୯୯ତମ ସ୍ଥାନରେ ଅମିତାଭ ବଚ୍ଚନ ରହିଛନ୍ତି।