ମୋଦିଙ୍କୁ ଚମତ୍କାର ବ୍ୟକ୍ତି କହି ନକଲ କଲେ ଟ୍ରମ୍ପ
ଓ୍ଵାସିଂଟନ: ହ୍ଵାଇଟ ହାଉସ୍ରେ ସଦସ୍ୟଙ୍କୁ ସମ୍ବୋଧିତ କରିବା ସମୟରେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଆଜି ପ୍ରଧାନମନ୍ତ୍ରୀ ମୋଦିଙ୍କୁ ଚମତ୍କାର ବ୍ୟକ୍ତି କହିବା ସହିତ ତାଙ୍କର ନକଲ କରିଛନ୍ତି। ପ୍ରଧାନମନ୍ତ୍ରୀ ମୋଦିଙ୍କ ଭଳି ହାତକୁ ବିଭିନ୍ନ ଅଙ୍ଗଭଙ୍ଗୀ କରିବା ସହ ମୋଦିଙ୍କ କଣ୍ଠସ୍ୱରରେ ଟ୍ରମ୍ପ ବେଶ୍ କିଛି ସମୟ ପାଇଁ ଭାରତ ସମ୍ପର୍କରେ ତାଙ୍କର ଅଭିମୁଖ୍ୟ ରଖିଥିଲେ। ଉଲ୍ଲେଖଯୋଗ୍ୟ ଯେ, ଆମେରିକାରୁ ହାର୍ଲି ଡେଭିଡସନ ମୋଟର ସାଇକେଲ ଆମଦାନିକୁ ନେଇ ଏବେ ଭାରତ ଓ ଆମେରିକା ମଧ୍ୟରେ ଯୁକ୍ତିତର୍କ ଲାଗି ରହିଛି। ଆମେରିକା ପ୍ରଶାସନ ଏହି ମୋଟର ସାଇକେଲରେ ୧୦୦ ପ୍ରତିଶତ ଟିକସ ଲାଗୁ କରିବାକୁ ଚାହୁଥିବା ବେଳେ ଭାରତ ସରକାର ୫୦ ପ୍ରତିଶତ କରାଯିବାକୁ ଯୁକ୍ତି ରଖିଛନ୍ତି।
