ମୋଦୀ ଜୀ ଏବଂ ଆମ ରାଷ୍ଟ୍ରପତି କାହାକୁ ଡ‌ରିବେ ନାହିଁ: ଭାରତ ସହ ସମ୍ପର୍କକୁ ନେଇ ଚୀନ୍‌ର ଆପତ୍ତି ପରେ ତାଇୱାନ ମନ୍ତ୍ରୀଙ୍କ ଜବାବ୍

ବେଜିଂ: ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ତାଇୱାନର ରାଷ୍ଟ୍ରପତିଙ୍କ ମଧ୍ୟରେ ବାର୍ତ୍ତା ବିନିମୟକୁ ନେଇ ଚୀନ୍‌ର ଆପତ୍ତି ଉପରେ ତାଇୱାନର ଉପବୈଦେଶିକ ମନ୍ତ୍ରୀ ତିଆନ୍ ଚୁଙ୍ଗ-କ୍ୱାଙ୍ଗ ପ୍ରତିକ୍ରିୟା ଦେଇଛନ୍ତି। ସେ କହିଛନ୍ତି ମୁଁ ଭାବୁଛି ମୋଦୀ ଜି ଏବଂ ଆମ ରାଷ୍ଟ୍ରପତି ଲାଇ ଚିଙ୍ଗ୍ ତେ ଭୟଭୀତ ହେବେ ନାହିଁ। ସେମାନେ କାହାକୁ ଡରିବେ ନହିଁ। ଏହାପୂର୍ବରୁ ଚୀନ୍ ବୈଦେଶିକ ମନ୍ତ୍ରଣାଳୟ ପ୍ରଧାନମନ୍ତ୍ରୀ ମୋଦୀ ଏବଂ ତାଇୱାନର ରାଷ୍ଟ୍ରପତି ଲାଇ ଚିଙ୍ଗ୍ ତେଙ୍କ ମଧ୍ୟରେ ବାର୍ତ୍ତା ବିନିମୟକୁ ବିରୋଧ କରିଥିଲେ।

ବାଣିଜ୍ୟ ଏବଂ ସଂସ୍କୃତି ଦୃଷ୍ଟିରୁ ଭାରତ ଏବଂ ତାଇୱାନ ମଧ୍ୟରେ ସମ୍ପର୍କ ସମ୍ପର୍କରେ ଉପବୈଦେଶିକ ମନ୍ତ୍ରୀ ଟିଏନ୍ ଚୁଙ୍ଗ-କ୍ୱାଙ୍ଗ କହିଛନ୍ତି ତାଇୱାନରେ ପଢୁଥିବା ଅନେକ ଭାରତୀୟ ଛାତ୍ରଛାତ୍ରୀ ଆମର ବ୍ୟବସାୟ ନେତୃତ୍ବ ଭାରତରେ ଆଗେଇ ନେବେ। ଏହା ପୂର୍ବରୁ ମଧ୍ୟ ଜାରି ରହିଛି। ଯେଉଁମାନେ ତାଇୱାନରେ ପଢ଼ିବାକୁ ଇଚ୍ଛା କରୁଛନ୍ତି ସେମାନଙ୍କୁ ଆମେ ସ୍ୱାଗତ କରୁଛୁ।

ଏହାପୂର୍ବରୁ ତାଇୱାନର ବୈଦେଶିକ ମନ୍ତ୍ରଣାଳୟ କହିଥିଲା ଦୁଇ ନେତା ଲାଇ ଚିଙ୍ଗ୍ ଏବଂ ମୋଦୀଙ୍କ ମଧ୍ୟରେ ଆନ୍ତରିକ କଥାବାର୍ତ୍ତା ପାଇଁ ଚୀନ୍‌ର ପ୍ରତିରୋଧ ସମ୍ପୂର୍ଣ୍ଣ ଭୁଲ୍। ଧମକ ବନ୍ଧୁତା ସୃଷ୍ଟି କରେ ନାହିଁ। ତାଇୱାନ ଭାରତ ସହ ସହଭାଗିତା ବୃଦ୍ଧି ପାଇଁ ଉତ୍ସର୍ଗୀକୃତ। ଏହି ସମ୍ପର୍କ ପାରସ୍ପରିକ ଲାଭ ଏବଂ ଅଂଶୀଦାର ମୂଲ୍ୟ ଉପରେ ଆଧାରିତ।

ତାଇୱାନ ରାଷ୍ଟ୍ରପତି ଲାଇ ଚିଙ୍ଗ୍ ତେ ପ୍ରଧାନମନ୍ତ୍ରୀ ମୋଦୀଙ୍କୁ ଅଭିନନ୍ଦନ ଜଣାଇ ଏକ୍ସରେ ଏକ ପୋଷ୍ଟରେ କହିଥିଲେ, ନିର୍ବାଚନରେ ​​ବିଜୟ ହୋଇଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ମୋର ହାର୍ଦ୍ଦିକ ଅଭିନନ୍ଦନ। ଦ୍ରୁତ ଗତିରେ ବୃଦ୍ଧି ପାଉଥିବା ତାଇୱାନ-ଭାରତ ସହଭାଗୀତାକୁ ଆଗକୁ ନେବାକୁ ଏବଂ ବାଣିଜ୍ୟ, ପ୍ରଯୁକ୍ତିବିଦ୍ୟା ଏବଂ ଅନ୍ୟାନ୍ୟ କ୍ଷେତ୍ରରେ ଆମର ସହଯୋଗକୁ ବିସ୍ତାର କରିବାକୁ ଆମେ ଆଶା କରୁଛୁ। ଭାରତ-ପ୍ରଶାନ୍ତ ମହାସାଗରରେ ଶାନ୍ତି ଏବଂ ସମୃଦ୍ଧତା ପାଇଁ ଆମେ ସହଯୋଗ କରିବୁ।

ସମ୍ବନ୍ଧିତ ଖବର