ରବିବାର ସଂଧ୍ୟାରେ ସାରାଦେଶରେ ଲକଡାଉନ ମିଆଦ ବଢାଇବା ସଂପର୍କରେ ଘୋଷଣା କରିପାରନ୍ତି ମୋଦୀ
ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆସନ୍ତା ରବିବାର ସଂଧ୍ୟାବେଳେ ଦେଶରେ ଚାଲିଥିବା ଲକଡାଉନ ମିଆଦ ବଢାଇବା ସଂପର୍କରେ ଘୋଷଣା କରିବାର ସମ୍ଭାବନା ରହିଛି । ଶନିବାରଦିନ ମୋଦୀ ଭିଡିଓକନଫରେନ୍ସିଂ ମାଧ୍ୟମରେ ବିଭିନ୍ନ ରାଜ୍ୟର ମୁଖ୍ୟମନ୍ତ୍ରୀମାନଙ୍କ ସହ ଆଲୋଚନା କରିବେ । ଏହି ଆଲୋଚନା ବେଳେ ହିଁ ଲକଡାଉନ ଅବଧି ବଢାଇବା ସମ୍ପର୍କରେ ନିଷ୍ପତ୍ତି ନିଆଯିବ । ଲକଡାଉନ ବଢିବା ନେଇ ସ୍ୱାସ୍ଥ୍ୟମନ୍ତ୍ରାଳୟ ମଧ୍ୟ କେତେକ ସଂକେତ ଦେଇଛିି । ଦେଶରେ କରୋନା ସଂକ୍ରମଣ ସଂଖ୍ୟା ହ୍ରାସ କରିବାକୁ ଆହୁରି ୩ ସପ୍ତାହ ଲକଡାଉନ ଆବଶ୍ୟକ ବୋଲି ମନ୍ତ୍ରାଳୟ ପକ୍ଷରୁ କୁହାଯାଇଛି ।
Sambad is now on WhatsApp
Join and get latest news updates delivered to you via WhatsApp
ବିଭିନ୍ନ ରାଜ୍ୟମାନେ ଲକଡାଉନ ଅବଧି ବଢାଇବା ସମ୍ପର୍କରେ ପୂର୍ବରୁ ହିଁ ଦାବି କରିଥିବାରୁ ଲକଡାଉନ ଅବଧି ବଢିବା ନିଶ୍ଚିତ ଜଣାପଡ଼ୁଛି । ଗତ କାଲି ଓଡ଼ିଶା ସରକାର ଲକଡାଉନ ଅବଧିକୁ ୩୦ ଏପ୍ରିଲ ପର୍ଯ୍ୟନ୍ତ ବଢାଇଦେଇଥିଲେ । ଏହା ସହିତ ଦେଶବ୍ୟାପୀ ଲକଡାଉନ ବଢାଇବାକୁ ଓଡ଼ିଶା ସରକାର କେନ୍ଦ୍ର ସରକାରଙ୍କୁ ଅନୁରୋଧ କରିଛନ୍ତି । ସେହିପରି ମହାରାଷ୍ଟ୍ର, ପଞ୍ଜାବ, ଦଲ୍ଲୀ, ଉତ୍ତରପ୍ରଦେଶ,ତାମିଲନାଡୁ ମଧ୍ୟ ଲକଡାଉନ ବଢାଇବାକୁ କେନ୍ଦ୍ରକୁ ଅନୁରୋଧ କରିଛନ୍ତି । ପ୍ରଧାନମନ୍ତ୍ରୀ ଗତ ମାର୍ଚ୍ଚ ୨୪ରେ ଦେଶବ୍ୟାପୀ ଲକଡାଉନ କରାଯିବା ବିଷୟରେ ଘୋଷଣା କରିଥିଲେ ।