ବିଜେପି ମହିଳା ସାଂସଦଙ୍କୁ ଭେଟି ଏହି ପରାମର୍ଶ ଦେଲେ ପ୍ରଧାନମନ୍ତ୍ରୀ
ନୂଆଦିଲ୍ଲୀ: ବିଜେପିର ନବନିର୍ବାଚିତ ମହିଳା ସାଂସଦଙ୍କୁ ଭେଟିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ | ମହିଳା ସାଂସଦମାନଙ୍କୁ ମୋଦୀ କିଛି ନୂଆ ଦାୟିତ୍ୱ ଦେବା ସହ କୁପୋଷଣ ସମସ୍ୟାକୁ ନେଇ କାମ କରିବାକୁ ପରାମର୍ଶ ଦେଇଛନ୍ତି | ମୋଦୀ କହିଛନ୍ତି ଯେ ପ୍ରତ୍ୟେକ ସାଂସଦ ପରସ୍ପରକୁ ଜାଣିବା ଆବଶ୍ୟକ | ଏହାସହ ରାଜନୀତି କେବଳ ନିଜ ପାଇଁ ନୁହେଁ ବରଂ ଅନ୍ୟ ପାଇଁ ଭାବିବା ଆବଶ୍ୟକ କହିଛନ୍ତି |
Sambad is now on WhatsApp
Join and get latest news updates delivered to you via WhatsApp
ମୋଦୀ ସାଂସଦମାନଙ୍କୁ ପରାମର୍ଶ ଦେଇଛନ୍ତି ଯେ ଶିଶୁମାନଙ୍କର କୁପୋଷଣ ପାଇଁ ମହିଳା ସାଂସଦମାନେ କିଭଳି ଶିଶୁଙ୍କୁ ପୌଷ୍ଟିକ ଭୋଜନ ମିଳିପାରିବ ସେ ଦିଗରେ କାର୍ଯ୍ୟ କରିବା ଉଚିତ | ୧୭ ତମ ଲୋକସଭାରେ ୭୮ ଜଣ ମହିଳା ସାଂସଦ ରହିଛନ୍ତି | ଏମାନଙ୍କ ମଧ୍ୟରୁ ୪୧ ଜଣ ସାଂସଦ ବିଜେପିର ଥିବାବେଳେ ସ୍ୱାଧୀନତା ପରେ ଏଥର ସର୍ବାଧିକ ମହିଳା ସାଂସଦ ସଂସଦକୁ ଆସିଛନ୍ତି |
ଏହି ଭେଟଘାଟ କାର୍ଯ୍ୟକ୍ରମରେ ଗୃହମନ୍ତ୍ରୀ ତଥା ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ଓ ସଂସଦୀୟ କାର୍ଯ୍ୟ ମନ୍ତ୍ରୀ ପ୍ରହ୍ଲାଦ ଯୋଶୀ ମଧ୍ୟ ଉପସ୍ଥିତ ଥିଲେ | ଏହାପୂର୍ବରୁ ମୋଦୀ ଯୁବ ସାଂସଦଙ୍କୁ ଭେଟିଥିଲେ |