ନୂଆଦିଲ୍ଲୀ: ବରିଷ୍ଠ ବିଜେପି ନେତା ଏଲ୍‌କେ ଆଡଭାନୀ ଆଜି ୯୪ ବର୍ଷରେ ପଦାର୍ପଣ କରିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ଅନ୍ୟ ବରିଷ୍ଠ ନେତାମାନେ ଆଡଭାନୀଙ୍କ ଜନ୍ମଦିନ ଅବସରରେ ତାଙ୍କୁ ଶୁ‌ଭେଚ୍ଛା ଜଣାଇଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଆଡଭାନୀଙ୍କୁ ତାଙ୍କ ବାସଭବନରେ ଭେଟି ଜନ୍ମଦିନର ଶୁଭେଚ୍ଛା ଜଣାଇଛନ୍ତି। ମୋଦୀ କେକ୍‌ କଟା ଉତ୍ସବରେ ମଧ୍ୟ ଯୋଗ ଦେଇଥିଲେ। ମୋଦୀ ଆଜି ଏକ ଟ୍ବିଟ୍‌ କରି କହିଛନ୍ତି, ସମ୍ମାନନୀୟ ଆଡଭାନୀଜୀଙ୍କୁ ଜନ୍ମଦିନର ଶୁଭେଚ୍ଛା। ତାଙ୍କର ଦୀର୍ଘ ଏବଂ ସ୍ବାସ୍ଥ୍ୟପ୍ରଦ ଜୀବନ କାମନା କରୁଛି। ଦେଶକୁ ସଶକ୍ତ କରିବା ଏବଂ ସାଂସ୍କୃତିକ ଗୌରବ ବୃଦ୍ଧି କରିବା ଦିଗରେ ତାଙ୍କର ଅବଦାନ ପାଇଁ ଦେଶ ତାଙ୍କ ପାଖ‌ରେ ଋଣୀ । ତାଙ୍କର ବିଦ୍ବାନ ଅନୁସନ୍ଧାନ ଏବଂ ଉତ୍ତମ ଜ୍ଞାନ ପାଇଁ ମଧ୍ୟ ସେ ସବୁଠି ସମ୍ମାନନୀୟ। ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ମଧ୍ୟ ଆଡଭା‌ନୀଙ୍କୁ ଜନ୍ମଦିନର ଶୁଭେଚ୍ଛ‌ା ଜଣାଇଛନ୍ତି। ବିଜେପି ସଭାପତି ଜେପି ନଡ୍ଡା ଆଡଭାନୀଙ୍କୁ ଶୁଭେଚ୍ଛ‌ା ଜଣାଇବା ସହ ତାଙ୍କର ଉତ୍ତମ ସ୍ବାସ୍ଥ୍ୟ ଏବଂ ଦୀର୍ଘାୟୁ କାମନା କରିଛନ୍ତି। ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଆଡଭାନୀଙ୍କୁ ଜନ୍ମଦିନର ଶୁଭେଚ୍ଛା ଜଣାଇଛନ୍ତି।