ମୋର କେହି ଉତ୍ତରାଧିକାରୀ ନାହାନ୍ତି, ଦେଶବାସୀ ମୋ ଉତ୍ତରାଧିକାରୀ : ମୋଦୀ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶନିବାର ଦିଲ୍ଲୀରେ ଏକ ରାଲିକୁ ସମ୍ବୋଧିତ କରି ବିଜେପି ଓ ଆପକୁ ଟାର୍ଗେଟ କରିଛନ୍ତି।  ମୋଦୀ କହିଛନ୍ତି ଯେ ତାଙ୍କର କୌଣସି ଉତ୍ତରାଧିକାରୀ ନାହାନ୍ତି। ୧୪୦ କୋଟି ଦେଶବାସୀ, ହିଁ ତାଙ୍କର ଉତ୍ତରାଧିକାରୀ।  ଏବେ ଭାରତ ବିକାଶର ଅଗ୍ରଗତି କରୁଛି। ୨୦୨୪ ନିର୍ବାଚନ ଭାରତକୁ ବିଶ୍ୱର ଶ୍ରେଷ୍ଠ ତିନୋଟି ଅର୍ଥନୀତି ମଧ୍ୟରେ ପରିଣତ କରିବା ପାଇଁ ଉଦ୍ଦିଷ୍ଟ । ଏହି ନିର୍ବାଚନ ଦେଶର ଅର୍ଥନୀତିକୁ ସେହି ଶକ୍ତିମାନଙ୍କଠାରୁ ରକ୍ଷା କରିବା ପାଇଁ ଯେଉଁମାନେ ନିଜ ନୀତି ଦ୍ୱାରା ଦେଶକୁ ଦେବାଳିଆ କରିବାକୁ ଚାହୁଁଛନ୍ତି । ଏହା ମଧ୍ୟ ଗରିବ ଓ ମଧ୍ୟବିତ୍ତବର୍ଗଙ୍କୁ ସେମାନଙ୍କ ସମ୍ପତ୍ତି ଛଡ଼ାଇ ନେବାକୁ ଚାହୁଁଥିବା ଲୋକଙ୍କଠାରୁ ରକ୍ଷା କରିବା ପାଇଁ ଉଦ୍ଦିଷ୍ଟ।

ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଦିଲ୍ଲୀରେ ଚାଲିଥିବା ବିକାଶ ମୂଳକ କାର୍ଯ୍ୟ ମଧ୍ୟରେ ବିଜେପି ମେଣ୍ଟ ଦିଲ୍ଲୀକୁ ନଷ୍ଟ କରିବାରେ ଲାଗିଛି। ସେମାନେ ଦିଲ୍ଲୀବାସୀଙ୍କୁ ଲୁଟ୍ କରିବାର କୌଣସି ସୁଯୋଗ ଛାଡିବାକୁ ଚାହୁଁନାହାନ୍ତି। କଂଗ୍ରେସର ୪ ପିଢ଼ି ଶାସନ କରିଛନ୍ତି କିନ୍ତୁ ୪ଟି ଆସନରେ ଲଢ଼ିବା ପାଇଁ ଯୋଗ୍ୟ ନୁହଁନ୍ତି।

ମୋଦୀ ଶନିବାର ସନ୍ଧ୍ୟାରେ ଦିଲ୍ଲୀର ଉତ୍ତର ପୂର୍ବ ସଂସଦୀୟ କ୍ଷେତ୍ରରେ ଏକ ରାଲିକୁ ସମ୍ବୋଧିତ କରିଥିଲେ। ଏହି ରାଲିରେ ନେପାଳ ସମେତ ୧୦ଟି ଦେଶର ପ୍ରତିନିଧି ଯୋଗ ଦେଇଥିଲେ। ସିଏଏ ପ୍ରଣୟନ ପରେ ନିକଟରେ ଭାରତୀୟ ନାଗରିକତା ହାସଲ କରିଥିବା ପାକିସ୍ତାନୀ ଶରଣାର୍ଥୀଙ୍କୁ ମଧ୍ୟ ସେ ଭେଟିଥିଲେ।

 

 

ସମ୍ବନ୍ଧିତ ଖବର