ଟିକା ପ୍ରଦାନକାରୀଙ୍କୁ ମୋଦୀଙ୍କ ପ୍ରଶଂସାପତ୍ର

ନୂଆଦିଲ୍ଲୀ : ଭାରତ କରୋନା ଟିକାକରଣ କ୍ଷେତ୍ରରେ ଏକ ବଡ଼ ସଫଳତା ହାସଲ କରିଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଟିକା ପ୍ରଦାନକାରୀଙ୍କୁ ଏକ ପ୍ରଶଂସା ପତ୍ର ଲେଖିଛନ୍ତି। ଦେଶରେ ୧୨ ବର୍ଷ ଏବଂ ୧୨ ବର୍ଷରୁ ଊର୍ଦ୍ଧ୍ବ ବ୍ୟକ୍ତିଙ୍କୁ ୨୦୦ କୋଟିରୁ ଅଧିକ ଟିକାକରଣ ହୋଇଥିବାରୁ ମୋଦୀ ଏହାର ପ୍ରଶଂସା କରିଛନ୍ତି। ଜାତୀୟ ଟିକାକରଣ ଆରମ୍ଭ ହେବାର ମାତ୍ର ୧୮ ମାସ ମଧ୍ୟରେ ଏହି ସଫଳତା ମିଳିଛି।

ପ୍ରଧାନମନ୍ତ୍ରୀ ପ୍ରତି ଟିକା ପ୍ରଦାନକାରୀଙ୍କୁ ଶୁଭେଚ୍ଛା ଜଣାଇଛନ୍ତି ଏବଂ ସେମାନଙ୍କ ଅବଦାନ ପାଇଁ ପ୍ରଶଂସା କରିଛନ୍ତି। ‌ସେମାନଙ୍କ ଅବଦାନ ଭାରତକୁ ଏକ ଇତିହାସ ସୃଷ୍ଟି କରିବାରେ ସହଯୋଗ କରିଛି ବୋଲି ମୋଦୀ କହିଛନ୍ତି। ଜୀବନ ବଞ୍ଚାଇବା ଗୁରୁତ୍ବପୂର୍ଣ୍ଣ। ଆମ ଟିକାଦାତା, ସ୍ବାସ୍ଥ୍ୟକର୍ମୀ, ଆଗଧାଡ଼ିର କର୍ମୀ ଭାରତୀୟଙ୍କୁ ସୁରକ୍ଷା ଦେବାରେ ଗୁରୁତ୍ବପୂର୍ଣ୍ଣ ଭୂମିକା ନିର୍ବାହ କରିଛନ୍ତି ବୋଲି ମୋଦୀ କହିଛନ୍ତି।

ସମ୍ବନ୍ଧିତ ଖବର