ଏହି ଚିଠିକୁ ଦେଶବାସୀ ପଢନ୍ତୁ ବୋଲି କାହିଁକି ଅନୁରୋଧ କଲେ ମୋଦୀ
ନୂଆଦିଲ୍ଲୀ: ମଙ୍ଗଳବାର ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରାଜ୍ୟସଭାର ଉପାଧ୍ୟକ୍ଷ ହରିବଂଶଙ୍କ ତରଫରୁ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ଲେଖାଯାଇଥିବା ଚିଠିକୁ ଦେଶବାସୀ ପଢନ୍ତୁ ବୋଲି ଅନୁରୋଧ କରିଛନ୍ତି | ମୋଦୀ ନିଜ ଟ୍ୱିଟରରେ ଏହି ଚିଠିକୁ ପୋଷ୍ଟ କରି ଲେଖିଛନ୍ତି ଯେ ଚିଠିର ପ୍ରତିଟି ଶବ୍ଦରେ ସତ୍ୟତା ଓ ସମବେଦନା ରହିଛି, ତେଣୁ ଦେଶବାସୀ ଏହାକୁ ପଢିବା ଆବଶ୍ୟକ | ସୂଚନା ଥାଉ କି ଗତ ରବିବାର ଦିନ କୃଷକ ବିଲ୍କୁ ବିରୋଧ କରି ବିରୋଧୀ ଦଳର ସଭ୍ୟମାନେ ଗୃହ ମଧ୍ୟଭାଗରେ ହଙ୍ଗାମା କରିବା ସହିତ ଉପାଧ୍ୟକ୍ଷଙ୍କ ମାଇକ୍ ଭାଙ୍ଗିଥିଲେ ।
Sambad is now on WhatsApp
Join and get latest news updates delivered to you via WhatsApp
କେବଳ ଏତିକି ନୁହେଁ, କେତେକ ସଭ୍ୟ ଉପାଧ୍ୟକ୍ଷଙ୍କ ଟେବୁଲରୁ କାଗଜପତ୍ର ମଧ୍ୟ ଭିଡ଼ି ଆଣି ଚିରି ପକାଇଥିଲେ । ତେବେ ପ୍ରବଳ ହଙ୍ଗାମା କରିଥିବା ସାଂସଦମାନଙ୍କ ବିରୋଧରେ ଗତକାଲି ରାଜ୍ୟସଭା ଅଧ୍ୟକ୍ଷ ଏମ୍ ଭେଙ୍କୟା ନାଇଡ଼ୁ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ । ହଙ୍ଗାମା କରିଥିବା କଂଗ୍ରେସର ୩ ଜଣ, ତୃଣମୂଳ କଂଗ୍ରେସର ୨ ଜଣ , ସିପିଆଇଏମ୍ର ୨ ଜଣ ଏବଂ ଆମ୍ ଆଦ୍ମୀ ପାର୍ଟିର ଜଣେ ସାଂସଦଙ୍କୁ ନିଲମ୍ବନ କରାଯାଇଥିଲା, ଯାହାକୁ ନେଇ ରାଷ୍ଟ୍ରପତିଙ୍କୁ ରାଜ୍ୟସଭା ଉପାଧ୍ୟକ୍ଷ ଚିଠି ଲେଖିଛନ୍ତି |
माननीय राष्ट्रपति जी को माननीय हरिवंश जी ने जो पत्र लिखा, उसे मैंने पढ़ा। पत्र के एक-एक शब्द ने लोकतंत्र के प्रति हमारी आस्था को नया विश्वास दिया है। यह पत्र प्रेरक भी है और प्रशंसनीय भी। इसमें सच्चाई भी है और संवेदनाएं भी। मेरा आग्रह है, सभी देशवासी इसे जरूर पढ़ें। pic.twitter.com/K9uLy53xIB
— Narendra Modi (@narendramodi) September 22, 2020
ଏଥିରେ ସେ ହଙ୍ଗାମା କରିଥିବା ସାଂସଦମାନଙ୍କ ଆପତ୍ତିଜନକ ଆଚରଣକୁ ନେଇ ଗଭୀର ଦୁଃଖ ପ୍ରକାଶ କରିଛନ୍ତି | ଏହି ଚିଠିରେ ସେ ଲେଖିଛନ୍ତି ଯେ ‘ସେପ୍ଟେମ୍ବର ୨୦ ରେ ରାଜ୍ୟସଭାରେ ଯାହା ଘଟିଥିଲା, ମୁଁ ଗତ ଦୁଇ ଦିନ ଧରି ଗଭୀର ଦୁଃଖିତ ଓ ମାନସିକ ଯନ୍ତ୍ରଣା ଅନୁଭବ କରୁଛି | ରାତିସାରା ଶୋଇ ନଥିବାବେଳେ ଏହି ଦୃଶ୍ୟ ଗୃହ ଏବଂ ଆସନର ସମ୍ମାନର କ୍ଷତି ଘଟାଇଛି।