ଆଲିଗଡର ତାଲା ବେପାରୀଙ୍କ ସହ ସମ୍ପର୍କ ବାବଦରେ ମନେ ପକାଇଲେ ମୋଦୀ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ମୋଦୀ ମଙ୍ଗଳବାର ଉତ୍ତରପ୍ରଦେଶର ଆଲିଗଡରେ ରାଜ ମହେନ୍ଦ୍ର ପ୍ରତାପ ସିଂ ବିଶ୍ୱବିଦ୍ୟାଳୟ ଏବଂ ଡିଫେନ୍ସ କରିଡରର ଶିଳାନ୍ୟାସ କରିଛନ୍ତି | ଆଉ ଆଜି ମୋଦୀ ତାଙ୍କ ପିଲାଦିନର ଏକ କାହାଣୀ ବର୍ଣ୍ଣନା କରିଥିଲେ ଯାହା ଆଲିଗଡ ସହ ଜଡିତ ଥିଲା। ପ୍ରଧାନମନ୍ତ୍ରୀ ମୋଦୀ କହିଥିଲେ ଯେ ଜଣେ ମୁସଲମାନ ବ୍ୟବସାୟୀ ତାଙ୍କ ବାପାଙ୍କର ଘନିଷ୍ଠ ବନ୍ଧୁ ଥିଲେ ଏବଂ ବ୍ୟବସାୟୀ ଜଣକ ଏହି ଆଲିଗଡର ହିଁ ଥିଲେ |
Sambad is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀ ମୋଦୀ କହିଛନ୍ତି, ‘ଜଣେ ମୁସଲମାନ ବ୍ୟକ୍ତି ଥିଲେ, ଯିଏ ଆମ ଗାଁକୁ ବର୍ଷକୁ ତିନିମାସ ପାଇଁ ଆସୁଥିଲେ। ସେ ଆମ ଅଞ୍ଚଳକୁ ତାଲା ବିକ୍ରି କରିବାକୁ ଆସୁଥିଲେ | ସେ ମୋ ବାପାଙ୍କ ସହିତ ଭଲ ବନ୍ଧୁ ଥିଲେ | ସେ ଦିନସାରା ତାଲା ବିକ୍ରି କରି ପାଇଥିବା ଟଙ୍କାକୁ ତାଙ୍କ ବାପାଙ୍କୁ ଦେଉଥିଲେ। ତିନି ମାସ ତାଲା ବିକ୍ରି କରିବା ପରେ ଯେତେବେଳେ ସେ ଆଲିଗଡକୁ ଫେରୁଥିଲେ, ସେତେବେଳେ ମୋ ବାପା ତାଙ୍କୁ ତିନି ମାସର ଜମା ତାଙ୍କ ଦେଉଥିଲେ | ପିଲାଦିନେ ଆମେ ଉତ୍ତରପ୍ରଦେଶର ଦୁଇଟି ସହରର ନାମ ଅନେକ ଥର ଶୁଣିଥିଲୁ | ଆଖି ସମସ୍ୟାର ଚିକିତ୍ସା ପାଇଁ ଉତ୍ତରପ୍ରଦେଶର ସୀତାପୁର ଯିବା କଥା ଚର୍ଚ୍ଚା ହେଉଥିଲା। ଏହା ବ୍ୟତୀତ ଭଲ ତାଲା ପାଇଁ ଆଲିଗଡର ନାମ ଶୁଣିଥିଲୁ |
କିନ୍ତୁ ତାଲା ବ୍ୟତୀତ, ବର୍ତ୍ତମାନ ଆମେ ଅସ୍ତ୍ରଶସ୍ତ୍ର ପାଇଁ ଏହି ସହରକୁ ଜାଣିବା | ଘରର ସୁରକ୍ଷା ପାଇଁ ତାଲା ବ୍ୟବହାର ହୁଏ ଏବଂ ବର୍ତ୍ତମାନ ଆଲିଗଡରେ ନିର୍ମାଣ ହେବାକୁ ଥିବା ଅସ୍ତ୍ରଶସ୍ତ୍ର ଦେଶର ସୀମାକୁ ରକ୍ଷା କରିବ’ |