ପଶ୍ଚିମବଙ୍ଗରେ ନିର୍ବାଚନ ପରବର୍ତ୍ତୀ ହିଂସାକୁ ନେଇ ରାଜ୍ୟପାଳଙ୍କ ସହ ଫୋନରେ କଥା ହେଲେ ମୋଦୀ

କୋଲକାତା: ପଶ୍ଚିମବଙ୍ଗ ବିଧାନସଭା ନିର୍ବାଚନ ଫଳାଫଳରେ ତୃଣମୂଳ କଂଗ୍ରେସର ବିପୁଳ ବିଜୟ ପରେ ହିଂସା ଘଟଣା ଜାରି ରହିଛି। ବିଜେପି ଦାବି କରିଛି ଯେ ଟିଏମସି କର୍ମୀଙ୍କ ହିଂସା ଯୋଗୁଁ ୯ ଜଣ କର୍ମୀଙ୍କର ମୃତ୍ୟୁ ଘଟିଛି | ଗୃହ ମନ୍ତ୍ରାଳୟ ଏହି ପ୍ରସଙ୍ଗରେ ରାଜ୍ୟ ସରକାରଙ୍କ ଠାରୁ ରିପୋର୍ଟ ମାଗିଛନ୍ତି। ଆଜି ବିଜେପି ରାଷ୍ଟ୍ରୀୟ ସଭାପତି ଜେପି ନଡ୍ଡା ପଶ୍ଚିମବଙ୍ଗ ଆସି କର୍ମୀଙ୍କୁ ଭେଟିବେ। ଆଉ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ପଶ୍ଚିମବଙ୍ଗ ନିର୍ବାଚନ ପରବର୍ତ୍ତୀ ହିଂସାକୁ ନେଇ ଉଦବେଗ ପ୍ରକାଶ କରିଛନ୍ତି। ସେ ପଶ୍ଚିମବଙ୍ଗ ରାଜ୍ୟପାଳ ଜଗଦୀପ ଧନଖଡଙ୍କ ସହ ରାଜ୍ୟର ଆଇନ ଶୃଙ୍ଖଳା ପରିସ୍ଥିତି ବାବଦରେ ଆଲୋଚନା କରିଛନ୍ତି |

ପଶ୍ଚିମବଙ୍ଗ ରାଜ୍ୟପାଳ ଟୁଇଟ୍ କରି କହିଛନ୍ତି, “ପ୍ରଧାନମନ୍ତ୍ରୀ ଆଇନ ଶୃଙ୍ଖଳା ପରିସ୍ଥିତିକୁ ନେଇ ଗଭୀର ଚିନ୍ତା ପ୍ରକଟ କରିଛନ୍ତି। ମୁଁ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ସହ ଆଲୋଚନା କରିଛି | ରାଜ୍ୟରେ ହିଂସା, ଭଙ୍ଗାରୁଜା, ଲୁଟ୍ ଏବଂ ହତ୍ୟା ଘଟଣା ଜାରି ରହିଛି। ଏହାକୁ ନିୟନ୍ତ୍ରଣ କରିବା ଅତ୍ୟନ୍ତ ଜରୁରୀ ଅଟେ'।

PM called and expressed his serious anguish and concern at alarmingly worrisome law & order situation @MamataOfficial

I share grave concerns @PMOIndia given that violence vandalism, arson. loot and killings continue unabated.

Concerned must act in overdrive to restore order.

— Governor West Bengal Jagdeep Dhankhar (@jdhankhar1) May 4, 2021

ଏହାପୂର୍ବରୁ ମଙ୍ଗଳବାର ଦିନ ରାଜ୍ୟପାଳ ପୁଲିସ ମହାନିର୍ଦ୍ଦେଶକ ପି ନିରଜନୟନ ଏବଂ କୋଲକାତା ପୁଲିସ କମିଶନର ସୋମନ ମିତ୍ରଙ୍କୁ ତୁରନ୍ତ ରିପୋର୍ଟ ଦେବାକୁ କହିଥିଲେ | ମଙ୍ଗଳବାର ଦିନ ଡିଜି ଏବଂ କମିଶନର ରାଜ୍ୟପାଳଙ୍କୁ ଭେଟି କାର୍ଯ୍ୟାନୁଷ୍ଠାନ ନେବେ ବୋଲି କହିଛନ୍ତି | ଏହା ସତ୍ତ୍ୱେ ବି ହିଂସା ବନ୍ଦ ହେବାର ନାମ ନେଉନାହିଁ।