ସ୍ୱାଧୀନତା ପରେ ଅନେକ ବ୍ୟକ୍ତିତ୍ୱଙ୍କ କୃତିତ୍ୱକୁ ଲୁଚାଇଦିଆଯାଇଥିଲା: ମୋଦୀ
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଇଣ୍ଡିଆ ଗେଟ୍ରେ ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଏକ ‘ହଲୋଗ୍ରାମ୍’ ପ୍ରତିମୂର୍ତ୍ତିକୁ ଉନ୍ମୋଚନ କରିଛନ୍ତି | ଏହି ଉନ୍ମୋଚନ କରିବାବେଳେ ପୂର୍ବ କଂଗ୍ରେସ ସରକାରଙ୍କୁ ମଧ୍ୟ ଇସାରା ଇସାରାରେ ଟାର୍ଗେଟ କରିଥିଲେ। ପ୍ରଧାନମନ୍ତ୍ରୀ ମୋଦୀ କହିଛନ୍ତି ଯେ ଦୁର୍ଭାଗ୍ୟବଶତଃ ସ୍ୱାଧୀନତା ପରେ ଦେଶର ସଂସ୍କୃତି ବ୍ୟତୀତ ବହୁ ମହାନ ବ୍ୟକ୍ତିଙ୍କ ଅବଦାନକୁ ଲିଭାଇବା ପାଇଁ ଉଦ୍ୟମ କରାଯାଇଥିଲା। ପ୍ରଧାନମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ ଦେଶ ବର୍ତ୍ତମାନ, ପୂର୍ବ ଦଶନ୍ଧିରେ ହୋଇଥିବା ଭୁଲଗୁଡ଼ିକୁ ସଂଶୋଧନ କରୁଛି।
Sambad is now on WhatsApp
Join and get latest news updates delivered to you via WhatsApp
ଏହି ପ୍ରତିମୂର୍ତ୍ତି ବିଷୟରେ ସେ କହିଛନ୍ତି ଯେ ଏହା ଗଣତାନ୍ତ୍ରିକ ଅନୁଷ୍ଠାନ, ବର୍ତ୍ତମାନର ତଥା ଭବିଷ୍ୟତ ପିଢ଼ିକୁ ସେମାନଙ୍କର କର୍ତ୍ତବ୍ୟର ସ୍ମରଣ କରାଇବ ଏବଂ ପ୍ରେରଣା ଦେବ। ପ୍ରଧାନମନ୍ତ୍ରୀ କହିଛନ୍ତି ଯେ ଭାରତର ସ୍ୱାଧୀନତା ସଂଗ୍ରାମରେ ଲକ୍ଷ ଲକ୍ଷ ଲୋକଙ୍କ ବଳିଦାନ ଜଡିତ ଥିଲା, କିନ୍ତୁ ସେମାନଙ୍କ ଇତିହାସକୁ ସୀମିତ ରଖିବାକୁ ଚେଷ୍ଟା କରାଯାଇଥିଲା।
କିନ୍ତୁ, ସ୍ୱାଧୀନତାର ଦଶନ୍ଧି ପରେ ଆଜି ଦେଶ ସେହି ଭୁଲଗୁଡ଼ିକୁ ସଂଶୋଧନ କରୁଛି | ଏହି ସମାରୋହରେ ପ୍ରଧାନମନ୍ତ୍ରୀ ୨୦୧୯, ୨୦୨୦, ୨୦୨୧ ଏବଂ ୨୦୨୨ ବର୍ଷ ପାଇଁ ‘ସୁଭାଷ ଚନ୍ଦ୍ର ବୋଷ ବିପର୍ଯ୍ୟୟ ପରିଚାଳନା ପୁରସ୍କାର’କୁ ମଧ୍ୟ ପ୍ରଦାନ କରିଥିଲେ। ସମାରୋହରେ ମୋଟ ୭ ଜଣ ପୁରସ୍କାର ପ୍ରଦାନ କରାଯାଇଥିଲା। ବିପର୍ଯ୍ୟୟ ପରିଚାଳନା କ୍ଷେତ୍ରରେ ଭାରତର ଲୋକ ତଥା ସଂଗଠନର ଅମୂଲ୍ୟ ଅବଦାନ ତଥା ନିଃସ୍ୱାର୍ଥପର ସେବାକୁ ସ୍ୱୀକୃତି ତଥା ସମ୍ମାନିତ କରିବାକୁ କେନ୍ଦ୍ର ସରକାର ବାର୍ଷିକ ପୁରସ୍କାର ପ୍ରଦାନ କରନ୍ତି।