ଅନ୍ୟ ଉପରେ ଦୋଷ ଲଦୁଥିବା ସରକାର ଦିଲ୍ଲୀରେ ଆବଶ୍ୟକ ନାହିଁ : ମୋଦୀ
ନୂଆଦିଲ୍ଲୀ : ଦିଲ୍ଲୀ ବିଧାନସଭା ନିର୍ବାଚନ ନିମନ୍ତେ ଭୋଟଗ୍ରହଣ ଲାଗି ଆଉ ମାତ୍ର ୪ ଦିନ ସମୟ ଥିବାବେଳେ ଆଜି ପୁଣି ମୈଦାନକୁ ଓହ୍ଲାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଦିଲ୍ଲୀର ଦ୍ୱାରକାଠାରେ ଏକ ନିର୍ବାଚନୀ ସଭାରେ ଉଦବୋଧନ ଦେଇ ସେ କହିଛନ୍ତି ଯେ ଦିଲ୍ଲୀ ଏପରି ଏକ ସରକାର ଆବଶ୍ୟକ କରେ ଯାହାକି ନୂଆ ଦିଗ ଦେଖାଇପାରୁଥିବ, ପ୍ରତି କଥାରେ ଅନ୍ୟକୁ ଦୋଷ ଦେଉଥିବା ସରକାର ନୁହେଁ । ଦିଲ୍ଲୀ ଏପରି ଏକ ସରକାର ଆବଶ୍ୟକ କରେ ନାହିଁ ଯିଏକି ଆମକୁ ଆକ୍ରମଣ କରିବାକୁ ଶତ୍ରୁକୁ ସୁଯୋଗ ଦେଇଚାଲିଥିବ । ଆପକୁ ଟାର୍ଗେଟ କରି ସେ କହିଛନ୍ତି ଯେ ଆପ ସରକାର ଦିଲ୍ଲୀରେ ଆୟୁଷ୍ମାନ ଭାରତ ଯୋଜନା ଲାଗୁ କରୁନାହାନ୍ତି ।
Sambad is now on WhatsApp
Join and get latest news updates delivered to you via WhatsApp
ସୋମବାରଦିନ ଦିଲ୍ଲୀର କରକରଡୁମାଠାରେ ଆୟୋଜିତ ଏକ ନିର୍ବାଚନୀ ସଭାକୁ ସମ୍ବୋଧିତ କରି ମୋଦୀ କହିଥିଲେ ଯେ ବିଗତ କିଛି ଦିନ ଧରି ନାଗରିକତା (ସଂଶୋଧନ) ଆଇନକୁ ନେଇ ଦିଲ୍ଲୀର ସିଲମପୁର, ଜାମିଆ ବା ସାହିନବାଗରେ ବିକ୍ଷୋଭ ପ୍ରଦର୍ଶନ ଚାଲିଛି । ଏହା କ’ଣ ଏକ ସଂଯୋଗ ମାତ୍ର ? ଏଗୁଡ଼ିକ ପଛରେ ଏକପ୍ରକାରର ରାଜନୀତି ରହିଛି । ଏଗୁଡ଼ିକ ଦେଶକୁ ବଦନାମ କରିବାକୁ ଉଦ୍ଦିଷ୍ଟ । ଏହି ଲୋକମାନେ ଦେଶକୁ ଭାଗ ଭାଗ କରିବାକୁ ଚାହୁଁଥିବା ଲୋକମାନଙ୍କୁ ସମର୍ଥନ କରୁଛନ୍ତି ବୋଲି ସେ କହିଛନ୍ତି । ଦିଲ୍ଲୀରେ ନିୟମିତ ବୋମା ବିସ୍ଫୋରଣ ହେଉଥିବା ବେଳେ ଏହି ଲୋକମାନେ ବାଟଲାହାଉସ ଏନକାଉଣ୍ଟରକୁ ମିଛ ବୋଲି କହୁଥିଲେ ।