ଦୁର୍ନୀତି ଓ ହିଂସାକାଣ୍ଡ ଲୁଚାଇବାକୁ କେନ୍ଦ୍ରୀୟ ଏଜେନ୍ସିମାନଙ୍କ ଉପରେ ଆକ୍ରମଣ କରୁଛି ଟିଏମସି : ମୋଦୀ
ଜଳପାଇଗୁଡ଼ି : ପଶ୍ଚିମବଙ୍ଗରେ ଦୁର୍ନୀତି ଓ ହିଂସାକାଣ୍ଡ ଘଟାଇବା ପାଇଁ ତୃଣମୂଳ କଂଗ୍ରେସ ମୁକ୍ତ ହାତ ଚାହୁଁଛି, ଯେଉଁଥିପାଇଁ ଏଭଳି ମାମଲାର ତଦନ୍ତ କରୁଥିବା କେନ୍ଦ୍ରୀୟ ଏଜେନ୍ସିମାନେ ରାଜ୍ୟରେ ଆକ୍ରମଣର ସମ୍ମୁଖୀନ ହେଉଛନ୍ତି ବୋଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରବିବାର ଅଭିଯୋଗ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଶନିବାର ଜାତୀୟ ତଦନ୍ତକାରୀ ଏଜେନ୍ସି (ଏନଆଇଏ)ର ଏକ ଟିମ୍ ଉପରେ ଜନତାଙ୍କ ଆକ୍ରମଣ ର ଗୋଟିଏ ଦିନ ପରେ ମୋଦୀ ଏହି ମନ୍ତବ୍ୟ ଦେଇଛନ୍ତି। ପଶ୍ଚିମବଙ୍ଗର ପୂର୍ବ ମେଦିନୀପୁର ଜିଲ୍ଲାରେ ୨୦୨୨ ରେ ହୋଇଥିବା ବିସ୍ଫୋରଣ ମାମଲାରେ ଜାତୀୟ ତଦନ୍ତକାରୀ ଏଜେନ୍ସି (ଏନଆଇଏ) ଦୁଇ ଜଣ ମୁଖ୍ୟ ସନ୍ଦିଗ୍ଧଙ୍କୁ ଗିରଫ କରିବାକୁ ଉଦ୍ୟମ କରୁଥିବା ବେଳେ ଏହି ଘଟଣା ଘଟିଥିଲା।
ଏଠାରେ ଏକ ନିର୍ବାଚନୀ ରାଲିକୁ ସମ୍ବୋଧିତ କରି ପ୍ରଧାନମନ୍ତ୍ରୀ ମୋଦୀ କହିଛନ୍ତି, ତୃଣମୂଳ କଂଗ୍ରେସ ସରକାର ପଶ୍ଚିମବଙ୍ଗରେ ଲୁଟ୍ ଏବଂ ଆତଙ୍କବାଦ ପାଇଁ ମୁକ୍ତ ହାତ ଚାହୁଁଛନ୍ତି। ନିଜ ଲୁଟେରା ଓ ଦୁର୍ନୀତିଗ୍ରସ୍ତ ନେତାଙ୍କୁ ସୁରକ୍ଷା ଦେବା ପାଇଁ ଟିଏମସି ଏଠାରେ କାମ କରୁଥିବା ବେଳେ କେନ୍ଦ୍ରୀୟ ତଦନ୍ତକାରୀ ସଂସ୍ଥା ଉପରେ ଆକ୍ରମଣ କରୁଛି।
ପଶ୍ଚିମବଙ୍ଗରେ ତୃଣମୂଳ କଂଗ୍ରେସର ସିଣ୍ଡିକେଟ ରାଜ ଅଛି ବୋଲି ଅଭିଯୋଗ କରି ମୋଦୀ କହିଛନ୍ତି ଯେ ରାଜ୍ୟରେ ସ୍ଥିତି ଏପରି ହୋଇଛି ଯେ ଅଦାଲତଙ୍କୁ ବିଭିନ୍ନ ମାମଲାରେ ହସ୍ତକ୍ଷେପ କରିବାକୁ ପଡିବ ।