ମୋଦୀ ଆସନ୍ତା ବର୍ଷ ଅବସର ନେବେ, ନିଜ ପାଇଁ ନୁହେଁ ଶାହାଙ୍କ ପାଇଁ ଭୋଟ୍ ମାଗୁଛନ୍ତି ମୋଦୀ: କେଜ୍ରିୱାଲ
ନୂଆଦିଲ୍ଲୀ: ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ସୁପ୍ରିମକୋର୍ଟଙ୍କ ଦ୍ବାରା ମଧ୍ୟବର୍ତ୍ତୀକାଳୀନ ଜାମିନ ପାଇବା ପରେ ଜେଲରୁ ବାହାରକୁ ଆସିବାର ଗୋଟିଏ ଦିନ ପରେ ଶନିବାର ଦିଲ୍ଲୀରେ ଏକ ସାମ୍ବାଦିକ ସମ୍ମିଳନୀରେ ସମ୍ବୋଧିତ କରି ବିଜେପି ତଥା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ କଡ଼ା ସମାଲୋଚନା କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଆମ୍ ଆଦମୀ ପାର୍ଟି (ଏଏପି) ରାଷ୍ଟ୍ରୀୟ ସଂଯୋଜକ କହିଛନ୍ତି ଯେ ଯେତେବେଳେ ବିଜେପି ଇଣ୍ଡିଆ ବ୍ଲକ୍ ପାର୍ଟିମାନଙ୍କୁ ସେମାନଙ୍କ ପ୍ରଧାନମନ୍ତ୍ରୀ ପ୍ରାର୍ଥୀ କିଏ ବୋଲି ସେ ବିଷୟରେ ପ୍ରଶ୍ନ ପଚାରିବା ଜାରି ରଖିଛି। ମୁଁ ବିଜେପି ଦଳକୁ ପଚାରୁଛି ସେମାନଙ୍କର ପ୍ରଧାନମନ୍ତ୍ରୀ ପ୍ରାର୍ଥୀ କିଏ?
କେଜ୍ରିୱାଲ କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୨୦୨୫ ମସିହାରେ ଅବସର ନେବେ। କାରଣ ୨୦୨୫ ସେପ୍ଟେମ୍ବର ୧୭ ରେ ୭୫ ବର୍ଷ ବୟସ୍କ ହେବେ।
ମୋଦୀ ଏକ ନିୟମ କରିଛନ୍ତି ଯେ ଦଳର ନେତାମାନେ ୭୫ ବର୍ଷ ପରେ ଅବସର ନେବେ। ଲାଲ କୃଷ୍ଣ ଆଡଭାନୀ, ମୁରଲୀ ମନୋହର ଯୋଶୀ, ସୁମିତ୍ରା ମହାଜନ ଏବଂ ଯଶୱନ୍ତ ସିହ୍ନା ଅବସର ନେଇଛନ୍ତି ଏବଂ ବର୍ତ୍ତମାନ ପ୍ରଧାନମନ୍ତ୍ରୀ ମୋଦୀ ଅବସର ନେବାକୁ ଯାଉଛନ୍ତି।
आप सब लोगों के बीच वापस लौट कर मुझे बेहद ख़ुशी हो रही है। हमें मिलकर अपने देश को तानाशाही से बचाना है, मैं अपनी पूरी ताक़त से लड़ूँगा, मुझे देश के 140 करोड़ लोगों का समर्थन चाहिए। – CM @ArvindKejriwal | LIVE https://t.co/hjf2YyOGjM
— AAP (@AamAadmiParty) May 11, 2024
ଯଦି ବିଜେପି ସରକାର ଗଠନ ହୁଏ, ତେବେ ସେମାନେ ପ୍ରଥମେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଶେଷ କରିବେ ଏବଂ ପରେ ଅମିତ ଶାହାଙ୍କୁ ଦେଶର ପ୍ରଧାନମନ୍ତ୍ରୀ କରିବେ। ପ୍ରଧାନମନ୍ତ୍ରୀ ମୋଦୀ ଅମିତ ଶାହାଙ୍କ ପାଇଁ ଭୋଟ୍ ମାଗୁଛନ୍ତି। ଅମିତ ଶାହା ମୋଦୀଙ୍କ ଗ୍ୟାରେଣ୍ଟି ପୂରଣ କରିବେ କି ବୋଲି ଏଏପି ମୁଖ୍ୟ ପ୍ରଶ୍ନ କରିଛନ୍ତି।
ଦିଲ୍ଲୀ ମୁଖ୍ୟମନ୍ତ୍ରୀ ପଚାରିଛନ୍ତି ମୋଦୀ କି ଗ୍ୟାରେଣ୍ଟି କିଏ ପ୍ରଦାନ କରିବେ? ଅମିତ ଶାହା ଆପଣଙ୍କ ପ୍ରତିଶ୍ରୁତି ପାଳନ କରିବେ କି? କେଜ୍ରିୱାଲ ବିଜେପି ଭୋଟରଙ୍କୁ ବୁଝିବାକୁ ଅନୁରୋଧ କରିଛନ୍ତି ଯେ ସେମାନେ ମୋଦୀ ଜୀଙ୍କୁ ନୁହେଁ ବରଂ ଅମିତ ଶାହାଙ୍କୁ ଭୋଟ୍ ଦେବେ।