ନୂଆଦିଲ୍ଲୀ :ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓଡିଶା ଗସ୍ତରେ ଆସି ଜୟପୁରରେ ଦଳୀୟ କର୍ମୀଙ୍କୁ ଉଦବେଧନ ଦେବେ । ଇତିମଧ୍ୟରେ ଜୟପୁରଠାରେ କାର୍ଯ୍ୟକ୍ରମର ଶୁଭାରମ୍ଭ ହୋଇଛି।ତେବେ ଜୟପୁର ଗସ୍ତ ପୂର୍ବରୁ ମୋଦୀ ଟ୍ୱିଟ ଯୋଗେ ଉଭୟ ବିଜୁ ଜନତା ଦଳ ଏବଂ କଂଗ୍ରେସକୁ ଉପରେ ଆକ୍ରମଣାତ୍ମକ ଆଭିମୁଖ୍ୟ ଦେଖାଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସେ ନିଜ ଟ୍ୱିଟରେ କହିଛନ୍ତି ଯେ, କୋରାପୁଟରେ ଏକ ସାଧାରଣ ସଭାରେ ଓଡିଶାବାସୀଙ୍କ ସହ କଥା ହେବା ପାଇଁ ଉତ୍ସାହିତ । ବିଜୁ ଜନତା ଦଳ ଜନତାଙ୍କ ଆକାଂକ୍ଷା ପୂରଣ କରିବାରେ ବିଫଳ ହୋଇଛି । କଂଗ୍ରେସ ମଧ୍ୟ ବିରୋଧୀ ଦଳର ଭୂମିକା ନେବାରେ ବ୍ୟର୍ଥ ହୋଇଛି । ଓଡିଶା ଏକ ଭଲ ସରକାର ପାଇଁ ହକଦାର । କେବଳ ବିଜେପି ହିଁ ଏହାକୁ ପୂରଣ କରିପାରିବ ବୋଲି ମୋଦୀ କହିଛନ୍ତି ।
ଓଡିଶାର ପ୍ରିୟ ଭାଇ ଓ ଭଉଣୀମାନେ । କୋରାପୁଟ ଜିଲ୍ଲାରେ ଏକ ସାଧାରଣ ସଭାରେ ଆପଣମାନଙ୍କ ସହ କଥା ହେବା ପାଇଁ ମୁଁ ଉତ୍ସାହିତ। ବିଜେଡି ରାଜ୍ୟର ସାଧାରଣ ଜନତାଙ୍କ ଆକାଂକ୍ଷା ପୂରଣ କରିବାରେ ବିଫଳ ଓ କଂଗ୍ରେସ ବିରୋଧୀ ଦଳର ଭୂମିକା ନେବାରେ ବ୍ୟର୍ଥ ଓଡ଼ିଶା ଏକ ଭଲ ସରକାର ପାଇଁ ହକଦାର ଓ ବିଜେପି ଏହା ପୂରଣ କରିବ। @BJP4Odisha
— Chowkidar Narendra Modi (@narendramodi) March 29, 2019
ଆଜି ମୋଦୀ ସାଧାରଣ ସଭାରେ ବିଜୁ ଜନତା ଦଳ ଉପରେ ଆକ୍ରମଣାତ୍ମକ ଆଭିମୁଖ୍ୟ ପୋଷଣ କରିବେ ବୋଲି ଆଶା କରାଯାଉଛି । ଆଗରୁ ସେ ବିଜେଡି ପ୍ରତି ନରମ ଆଭିମୁଖ୍ୟ ଆପଣାଇଥିଲେ।କଂଗ୍ରେସ ଉପରେ ମଧ୍ୟ ବର୍ଷିବେ ବୋଲି ଆଶା କରାଯାଉଛି । ରାଜ୍ୟ ସରକାରଙ୍କ ବିଭିନ୍ନ ଦୁର୍ନୀତିକୁ ନେଇ ମୋଦୀ ନବୀନଙ୍କୁ କାଠଗଡାକୁ ଟାଣିବେ ବୋଲି ବିଜେପି କର୍ମୀ ଆଶା କରୁଛନ୍ତି ।