ସମ୍ପୂର୍ଣ୍ଣ ଧାର୍ମିକ ହେବ ମୋଦୀଙ୍କ ଅଯୋଧ୍ୟା ଗସ୍ତ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଭୁମି ପୂଜନ କାର୍ଯ୍ୟକ୍ରମ ଏକ ଧାର୍ମିକ କାର୍ଯ୍ୟକ୍ରମ ହେବ। ଏଥିରେ ମୋଦୀ କୌଣସି ଘୋଷଣା କରିବେ ନାହିଁ | ଯେହେତୁ ରାମ ଜନ୍ମଭୂମି ତୀର୍ଥ କ୍ଷେତ୍ର ଟ୍ରଷ୍ଟର କାର୍ଯ୍ୟକ୍ରମରେ ମୋଦୀଙ୍କୁ ନିମନ୍ତ୍ରଣ କରାଯାଇଛି ତେଣୁ କୌଣସି ସରକାରୀ ଘୋଷଣା ପ୍ରଧାନମନ୍ତ୍ରୀ କରିବେ ନାହିଁ | ପ୍ରଧାନମନ୍ତ୍ରୀ ମୋଦୀ ନିଜକୁ ଭୁମି ପୂଜନରେ ସୀମିତ ରଖିବେ। ମୋଦୀ ଅଗଷ୍ଟ ୫ ରେ ଅଯୋଧ୍ୟାରେ ପହଞ୍ଚିବା ପରେ ପ୍ରଥମେ ହନୁମାନଗରୀରେ ଦର୍ଶନ କରିବେ।

ପ୍ରଧାନମନ୍ତ୍ରୀଙ୍କ କାର୍ଯ୍ୟସୂଚୀରେ ହନୁମାନଗରୀରେ ୭ ମିନିଟ୍ ସମୟ ଦିଆଯାଇଛି। ଏଥିରେ ପ୍ରଧାନମନ୍ତ୍ରୀଙ୍କ ଆଗମନ ଓ ପ୍ରସ୍ଥାନ ଅନ୍ତର୍ଭୁକ୍ତ, ପ୍ରଧାନମନ୍ତ୍ରୀ ପୂଜା ପାଇଁ ପ୍ରାୟ ୩ ମିନିଟ୍ ସମୟ ନେବେ | ସୂଚନାନୁସାରେ, ଅଗଷ୍ଟ ୫ ରେ ପ୍ରଧାନମନ୍ତ୍ରୀ ମୋଦୀ ଅଯୋଧ୍ୟାରେ ୧୧-୧୧:୧୫ ରେ ପହଞ୍ଚିବେ। ସେ ଏଠାରେ ପ୍ରାୟ ତିନି ଘଣ୍ଟା ରହିବେ |

ପ୍ରଧାନମନ୍ତ୍ରୀ ଦ୍ବିପ୍ରହର ପ୍ରାୟ ୨ ଟାରେ ଅଯୋଧ୍ୟା ଛାଡିବେ। ବର୍ତ୍ତମାନ ଏସପିଜିର ଦଳ ଏବଂ ପ୍ରଶାସନିକ ଅଧିକାରୀମାନେ ହନୁମାନଗରୀରେ ପହଞ୍ଚି ଏଠାରେ ସୁରକ୍ଷା ପ୍ରସ୍ତୁତି କରୁଛନ୍ତି। ସେହିପରି ସମୁଦାୟ ପାଞ୍ଚ ଜଣ ଲୋକ ମଞ୍ଚରେ ଉପସ୍ଥିତ ରହିବେ। ମଞ୍ଚରେ ପ୍ରଧାନମନ୍ତ୍ରୀ ମୋଦୀ, ରାଷ୍ଟ୍ରୀୟ ସ୍ୱୟଂସେବକ ସଂଗଠନର ମୁଖ୍ୟ ମୋହନ ଭାଗବତ, ସନ୍ଥ ନୃତ୍ୟ ଗୋପାଳ ଦାସ ଉପସ୍ଥିତ ରହିବେ। ଏମାନଙ୍କ ବ୍ୟତୀତ ଆଉ ଦୁଇଜଣ ସାଧୁ ରହିବେ | ଏମାନଙ୍କ ବ୍ୟତୀତ କୌଣସି ନେତା କିମ୍ବା ସାଧୁ ମଞ୍ଚରେ ରହିବେ ନାହିଁ।

ଅନ୍ତର୍ଜାତୀୟରୁ ଆରମ୍ଭ କରି ଜାତୀୟ ତଥା ରାଜ୍ୟର ୩୧୪ ବ୍ଲକରେ ଘଟୁଥିବା ପ୍ରତିଟି ଘଟଣା ଉପରେ ସମ୍ବାଦ ଓ କନକ ନ୍ୟୁଜ ଆପଣଙ୍କୁ ଦେଉଛି ୨୪ ଘଂଟିଆ ଅପଡେଟ | କରୋନାର ସଂକଟ ସମୟରେ ଆମେ ଲୋଡୁଛୁ ଆପଣଙ୍କ ସହଯୋଗ । ‘ସମ୍ବାଦ’ ଗ୍ରୁପର ଡିଜିଟାଲ ମିଡିଆକୁ ଆର୍ଥିକ ସମର୍ଥନ ଜଣାଇ ଆଂଚଳିକ ସାମ୍ବାଦିକତାକୁ ଶକ୍ତିଶାଳୀ କରନ୍ତୁ |

ସମ୍ବନ୍ଧିତ ଖବର

Comments are closed.