ନୂଆଦିଲ୍ଲୀ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୨୦୧୫ ମସିହାରୁ ୫୮ଟି ରାଷ୍ଟ୍ର ଗସ୍ତ କରିଛନ୍ତି ଏବଂ ତାଙ୍କ ବିଦେଶ ଗସ୍ତରେ ୫୧୭.୮୨ କୋଟି ଟଙ୍କା ଖର୍ଚ୍ଚ ହୋଇଛି ବୋଲି ସରକାର ରାଜ୍ୟସଭାରେ ସୂଚନା ଦେଇ କହିଛନ୍ତି। ବିଦେଶ ରାଷ୍ଟ୍ରମନ୍ତ୍ରୀ ଭି ମୁରଲୀଧରନ୍‌ ୨୦୧୫ ମସିହାରୁ ମୋଦୀଙ୍କ ବିଦେଶ ଗସ୍ତର ବିସ୍ତୃତ ବିବରଣୀ ଲିଖିତ ଭାବେ ରାଜ୍ୟସଭାରେ ଦାଖଲ କରିଛନ୍ତି। ମୋଦୀ ୫ ଥର ଆମେରିକା, ଚୀନ୍‌ ଏବଂ ରୁଷ୍‌ ଗସ୍ତ କରିଥିବା ବେଳେ ସିଙ୍ଗାପୁର୍‌, ଜର୍ମାନୀ, ଫ୍ରାନ୍ସ, ଶ୍ରୀଲଙ୍କା ଏବଂ ୟୁଏଇକୁ ମଧ୍ୟ ଅନେକ ଥର ଗସ୍ତ କରିଛନ୍ତି ବୋ‌ଲି ମୁରଲିଧରନ୍‌ ରଖିଥିବା ତଥ୍ୟରେ କୁହାଯାଇଛି।