ଯେକୌଣସି ସମୟରେ କେରଳ ଛୁଇଁପାରେ ମୌସୁମୀ : ସ୍କାଇମେଟ୍
ଭୁବନେଶ୍ୱର : କେରଳରେ ଗତ ୨-୩ ଦିନ ଧରି ବର୍ଷା ପରିମାଣ ବଢିଛି । ବିଶେଷକରି ରାଜ୍ୟର ଦକ୍ଷିଣରେ ଥିବା ଜିଲ୍ଲା କୋଚି, ଆଲାପୁଜା ଓ ତିରୁଅନନ୍ତପୁରମରେ ପ୍ରବଳ ବର୍ଷା ହେଉଛି । ଏହା ମୌସୁମୀ ଆସିବାର ପ୍ରାକ ଲକ୍ଷଣ । ଏଣୁ ଆଜି ଯେକୌଣସି ସମୟରେ କେରଳକୁ ମୌସୁମୀ ଛୁଇଁପାରେ ବୋଲି କହିଛି ଘରୋଇ ପାଣିପାଗ ସଂସ୍ଥା ସ୍କାଇମେଟ ।
Sambad is now on WhatsApp
Join and get latest news updates delivered to you via WhatsApp
ଆହୁରି ମଧ୍ୟ ଲକ୍ଷଦ୍ୱୀପ ଅଂଚଳରେ ଏକ ସାଇକ୍ଲୋନିକ ସାର୍କୁଲେସନ ବା ଘୁର୍ଣ୍ଣିବଳୟ ସୃଷ୍ଟି ହୋଇଛି, ଯାହାକି ଆହୁରି ଘନୀଭୂତ ହୋଇ ଏକ ଲଘୁଚାପରେ ପରିଣତ ହୋଇପାରେ । ଏଣୁ କେରଳ, କର୍ଣ୍ଣାଟକରେ ଆଗାମୀ ଦିନମାନଙ୍କର ବର୍ଷା ପରିମାଣ ଉଲ୍ଲେଖନୀୟ ଭାବେ ବଢିପାରେ । ଏତେ ବର୍ଷା ହେବ ଯେ କେରଳ ଓ କର୍ଣ୍ଣାଟକରେ ଥିବା ନିଅଣ୍ଟିଆ ବର୍ଷା ପରିମାଣ ଆଗାମୀ ୫-୬ ଦିନରେ ବଳକା ବର୍ଷାରେ ପରିଣତ ହେବ ବୋଲି ସ୍କାଇମେଟ କହିଛି । କେରଳରେ ଆଜି ମୌସୁମୀ ଛୁଇଁଲେ ଆସନ୍ତା ୧୦ ଦିନ ମଧ୍ୟରେ ଓଡ଼ିଶାରେ ପହଞ୍ଚିବା ଆଶା କରାଯାଉଛି ।