ଆଇପିଏଲ ମ୍ୟାଚ ଫାଇନାଲଠାରୁ ମୋଦୀଙ୍କ ଭାଷଣର ଚାହିଦା ଅଧିକ
ନୂଆଦିଲ୍ଲୀ: ଆଇପିଏଲ ମ୍ୟାଚ ଅପେକ୍ଷା ମୋଦୀଙ୍କ ଭାଷଣକୁ ଅଧିକ ଲୋକ ଦେଖନ୍ତି, କିଛି ଏଭଳି ରିପୋର୍ଟ ଏବେ ସାମ୍ନାକୁ ଆସିଛି | ମଙ୍ଗଳବାର ଯେତେବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କରୋନା ଭାଇରସ୍ ମହାମାରୀ ହେତୁ ୨୧ ଦିନିଆ ଲକଡାଉନ ଘୋଷଣା କରିଥିଲେ, ସେତେବେଳେ ୧୯୭ ନିୟୁତ ଲୋକ ଟେଲିଭିଜନରେ ତାଙ୍କ ଲାଇଭ୍ ଭାଷଣ ଦେଖିଛନ୍ତି |
Sambad is now on WhatsApp
Join and get latest news updates delivered to you via WhatsApp
ଅନ୍ୟପଟେ ୨୦୧୯ ଆଇପିଏଲ୍ ଫାଇନାଲକୁ ୧୩୩ ନିୟୁତ ଦର୍ଶକ ଦେଖିଥିଲେ। ମୋଟ ୨୦୧ ଚ୍ୟାନେଲରେ ପ୍ରଧାନମନ୍ତ୍ରୀଙ୍କ ଭାଷଣ ରହିଥିଲା ଯାହା ସମୁଦାୟ ୩୮୯୧ ନିୟୁତ ମିନିଟ୍ ପାଇଁ ଦେଖାଯାଇଥିଲା | ପ୍ରସାର ଭାରତୀ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ସିଇଓ) ଶଶି ଶେଖର ଭେମ୍ପତି ଟ୍ୱିଟରରେ ଲେଖିଛନ୍ତି ଯେ ବାର୍କ ଇଣ୍ଡିଆ ପକ୍ଷରୁ ସେୟାର କରାଯାଇଥିବା ତଥ୍ୟ ଅନୁଯାୟୀ ୨୪ ମାର୍ଚ୍ଚରେ ପ୍ରଧାନମନ୍ତ୍ରୀଙ୍କ ଭାଷଣରେ ସର୍ବାଧିକ ଟିଭି ଦର୍ଶକ ରହିଥିଲେ (ଆଇପିଏଲ ଫାଇନାଲଠାରୁ ଅଧିକ ଦର୍ଶକ) |
କରୋନା ଭାଇରସ୍ ମହାମାରୀ ଉପରେ ମୋଦୀଙ୍କ ଏହା ଦ୍ୱିତୀୟ ଭାଷଣ ଥିଲା। ଏହାପୂର୍ବରୁ ମାର୍ଚ୍ଚ ୧୯ ରେ ପ୍ରଧାନମନ୍ତ୍ରୀ ୧୪ ଘଣ୍ଟା ପାଇଁ ଜନତା କର୍ଫ୍ୟୁ ପାଳନ ପାଇଁ ଘୋଷଣା କରିଥିଲେ। ୧୯୧ ଚ୍ୟାନେଲରେ ପ୍ରସାରିତ ଏହି ଭାଷଣକୁ ୮୩ ମିଲିୟନ ଲୋକ ୧୨୭୫ ନିୟୁତ ମିନିଟ୍ ପାଇଁ ଦେଖିଥିଲେ | ସେହିପରି ନଭେମ୍ବର ୮, ୨୦୧୬ରେ ୧୧୪ ଚ୍ୟାନେଲରେ ପ୍ରସାରିତ ହୋଇଥିବା ପ୍ରଧାନମନ୍ତ୍ରୀ ମୋଦୀଙ୍କ ବିମୁଦ୍ରୀକରଣ ଭାଷଣକୁ ୫୭ ମିଲିୟନ ଲୋକ ୮୪୨ ନିୟୁତ ମିନିଟ୍ ପାଇଁ ଦେଖିଥିଲେ |