ଆମେରିକା-ଚୀନ ବାଣିଜ୍ୟ ଯୁଦ୍ଧ ତୀବ୍ର ହେଉଥିବା ବେଳେ ପ୍ରତି ବର୍ଷ ପାଠ ପଢ଼ିବାକୁ ଆମେରିକା ଆସୁଛନ୍ତି ସାଢ଼େ ତିନି ଲକ୍ଷ ଚୀନ ଛାତ୍ର
ନୂଆଦିଲ୍ଲୀ: ଏପଟେ ଦୁଇ ଦେଶ ମଧ୍ୟରେ ତୀବ୍ର ବାଣିଜ୍ୟ ଯୁଦ୍ଧ ଚାଲିଥିବା ବେଳେ ସେପଟେ ଆମେରିକାକୁ ପାଠ ପଢ଼ିବାକୁ ଆସୁଛନ୍ତି ସବୁଠାରୁ ଅଧିକ ସଂଖ୍ୟକ ଛାତ୍ର। ୨୦୧୮-୧୯ଶିକ୍ଷା ବର୍ଷରେ ଚୀନରୁ ମୋଟ ୩,୬୯,୫୪୮ ସଂଖ୍ୟକ ଛାତ୍ର ଆମେରିକା ଆସିଛନ୍ତି । ଇଣ୍ଟରନ୍ୟାସନାଲ ଏଜୁକେଶନଲ ଏକ୍ସଚେଞ୍ଜ-୨୦୧୯ରିପୋର୍ଟ ମୁତାବକ, ପ୍ରତି ବର୍ଷ ଆମେରିକା ପଢିବାକୁ ଆସୁଥିବା ଛାତ୍ର ସଂଖ୍ୟା ୧୦ଲକ୍ଷରୁ ଅଧିକ ହେବ । ଏହି ଛାତ୍ରଙ୍କ ମଧ୍ୟରେ ଚୀନରୁ ଆସିଥିବା ଛାତ୍ରଙ୍କ ସଂଖ୍ୟା ସବୁଠାରୁ ଅଧିକ ରହିଛି । ଏହା ତୁଳନାରେ ଛାତ୍ର ସଂଖ୍ୟାରେ ଭାରତ ଦ୍ୱିତୀୟ ସ୍ଥାନରେ ରହିଛି । ୨୦୧୮-୧୯ ଶିକ୍ଷା ବର୍ଷରେ ଭାରତରୁ ଆମେରିକା ଅଧ୍ୟୟନ ପାଇଁ ଆସିଥିବା ଛାତ୍ରଙ୍କ ସଂଖ୍ୟା ୨ଲକ୍ଷ ବୋଲି ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ରିପୋର୍ଟ ଅନୁସାରେ, ଆମେରିକାରେ ଅଧ୍ୟୟନ କରିବାକୁ ଆସିଥିବା ଭାରତୀୟ ଛାତ୍ରଙ୍କ ସଂଖ୍ୟା ୨୦୧୮-୧୯ରେ ୨,୦୨,୦୧୪ ରହିିଛି । ପୂର୍ବ ବର୍ଷ ଛାତ୍ରଙ୍କ ପ୍ରିୟ ବିଷୟ ଇଂରାଜୀ ରହିଥିଲା । ଏଥିରେ ୨୧.୧ସଂଖ୍ୟାରୁ ଅଧିକ ଛାତ୍ର ପ୍ରବେଶ କରିଥିଲେ । ସୂଚନାନୁସାରେ, ଆମେରିକା ଅର୍ଥବ୍ୟବସ୍ଥାରେ ଶିକ୍ଷା ଶିଳ୍ପର ଯୋଗଦାନ ବୃଦ୍ଧି ପାଇବାରେ ଲାଗିଛି । ୨୦୧୮ବର୍ଷରେ ସମଗ୍ର ଦେଶରୁ ଆସୁଥିବା ଛାତ୍ର ଆମେରିକା ଅର୍ଥବ୍ୟବସ୍ଥାରେ ୪୪.୭ ଆରବ ଡଲାର ଯୋଗଦାନ କରିଛନ୍ତି । ଚଳିତ ବର୍ଷ ୨୦୧୭ତୁଳନାରେ ୫.୫ପ୍ରତିଶତ ଅଧିକ ରହିଛି । ଆମେରିକା ଉଚ୍ଚ ଶିକ୍ଷା ସଂସ୍ଥାରେ ବର୍ତ୍ତମାନ ବୈଷୟିକ ଛାତ୍ରଙ୍କ ସଂଖ୍ୟା ପାଖାପାଖି ୫% ରହିଛି ।
ଆମେରିକାକୁ ଅଧ୍ୟୟନ କରୁଥିବା ଛାତ୍ରଙ୍କ ମଧ୍ୟରେ ଚୀନର ଅଧିକ ଛାତ୍ର ରହିଛନ୍ତି । ୨୦୧୮-୧୯ଶିକ୍ଷା ବର୍ଷରେ ଚୀନରୁ ମୋଟ ୩,୬୯,୫୪୮ ସଂଖ୍ୟକ ଛାତ୍ର ଆମେରିକା ଆସିଛନ୍ତି । ଏହି ସୂଚୀ ଅନୁସାର, ତୃତୀୟରେ ଦକ୍ଷିଣ କୋରିଆ (୫୨,୨୫୦), ଚତୁର୍ଥରେ ସାଉଦି ଆରବ(୩୭.୦୮୦) ଏବଂ ପଞ୍ଚମରେ କାନାଡା(୨୬,୧୨୨) ସଂଖ୍ୟକ ଛାତ୍ର ଅଛନ୍ତି ।