ବ୍ୟାଙ୍କକ୍‌ ଅଟ୍ଟାଳିକା ଭଗ୍ନାବଶେଷ ତଳେ ଏବେ ବି ୩୦୦ରୁ ଅଧିକ ଶ୍ରମିକ

ବ୍ୟାଙ୍କକ୍‌: ଗତ ସପ୍ତାହରେ ମ୍ୟାମାରରେ ଆସିଥିବା ବିନାଶକାରୀ ଭୂକମ୍ପ ଝଟ୍‌କା ବ୍ୟାଙ୍କକ୍‌କୁ ବି ଦୋହଲାଇ ଦେଇଥିଲା। ବ୍ୟାଙ୍କକ୍‌ରେ ଏକ ୩୦ ମହଲା ବିଶିଷ୍ଟ  ଅଟ୍ଟାଳିକା  ଭୂକମ୍ପ ଝଟ୍‌କାରେ ଭୁଶୁଡ଼ି ପଡ଼ିଥିଲା।  ଭଗ୍ନା ‌କୋଠାତଳେ ୭୪ ଜଣ ଫସିଥିଲେ ବୋଲି ଆଶଙ୍କା‌ କରାଯାଉଥିଲା। କିନ୍ତୁ ମିଳିଥିବା ସୂଚନାନୁଯାୟୀ ଏହି ଭଗ୍ନ କୋଠା ତଳେ ଫସି ରହିଥିବା ଲୋକଙ୍କ ସଂଖ୍ୟା ୩୦୦ରୁ ୪୦୦ ହେବ। ଏଯାବତ ଏହି ଭଗ୍ନା‌ବଶେଷ ତଳୁ ୧୩ ମୃତଦେହ ବାହାର କରାଯାଇଛି।

ଏହି  ଅଟ୍ଟାଳିକାଟି ଥାଇଲାଣ୍ଡର ଷ୍ଟେଟ୍‌ ଅଡିଟ ଅଫିସ୍‌ ପାଇଁ ଚୀନ୍‌ କମ୍ପାନି ଦ୍ବାରା ନିର୍ମାଣ କରାଯାଉଥିଲା। ଉଦ୍ଧାରକାରୀ ଦଳ ଜୀବିତଙ୍କୁ ଠାବ କରିବା ପାଇଁ ସବୁ ପ୍ରୟାସ ଚଳାଇଛନ୍ତି।   ସ୍ଥାନୀୟ ଲେ ାକମାନେ କହିଛନ୍ତି, ଭଗ୍ନାବଶେଷ ତଳେ ପୋତି ହୋଇଥିବା ନିର୍ମାଣ ଶ୍ରମିକମାନେ ପଡ଼ୋଶୀ ମ୍ୟାମାରର। ଇତିମଧ୍ୟରେ ଥାଇଲାଣ୍ଡ ଅଧିକାରୀମାନେ ଚୀନ୍‌ କମ୍ପାନୀ ଦ୍ବାରା ନିର୍ମାଣ ହୋଇଥିବା ଏହି ଅଟ୍ଟାଳିକା କାହିଁକି ଭାଙ୍ଗିଲା ସେନେଇ ତଦନ୍ତ ଆରମ୍ଭ କରିଛନ୍ତି। ଥାଇଲାଣ୍ଡର ଏହା ଏକମାତ୍ର ବିଶାଳ ଅଟ୍ଟାଳିକା ଯାହା  ଭୂକମ୍ପ ଝଟ୍‌କାରେ ସଂପୂର୍ଣ୍ଣ ଭୁଶୁଡ଼ି ପଡ଼ିଛି। ଜୀବିତଙ୍କ ସନ୍ଧାନ ପାଇଁ ବଡ଼ ଧରଣର ଅପରେସନ ଜାରି ରହିଛି।