ଜୁନ ୩୦ ପର୍ଯ୍ୟନ୍ତ ବଢିଲା ଡ୍ରାଇଭିଂ ଲାଇସେନ୍ସ ସମେତ ଅନ୍ୟ ଗାଡ଼ି କାଗଜପତ୍ରର ଅବଧି
ନୂଆଦିଲ୍ଲୀ : ଦେଶରେ କରୋନା ସଂକ୍ରମଣ ପୁଣି ବୃଦ୍ଧିପାଉଥିବା ପରିସ୍ଥିତିକୁ ଦୃଷ୍ଟିରେ ରଖି ସରକାର କେତେକ ମୋଟୋର ଯାନ ସଂପର୍କିତ କାଗଜପତ୍ରର ବୈଧତାକୁ ଜୁନ ୩୦ ପର୍ଯ୍ୟନ୍ତ ବଢାଇଦେଇଛନ୍ତି । ସେଗୁଡ଼ିକ ମଧ୍ୟରେ ରହିଛି ଲାଇସେନ୍ସ ଡ୍ରାଇଭିଂ, ପଂଜୀକରଣ ପ୍ରମାଣପତ୍ର (ଆରସି), ଫିଟନେସ ପ୍ରମାଣପତ୍ର, ପରମିଟ ଇତ୍ୟାଦି ।
Sambad is now on WhatsApp
Join and get latest news updates delivered to you via WhatsApp
କେନ୍ଦ୍ର ସଡ଼କ ପରିବହନ ଓ ରାଜମାର୍ଗ ମନ୍ତ୍ରାଳୟ ପକ୍ଷରୁ ଏ ନେଇ ରାଜ୍ୟ ସରକାରମାନଙ୍କୁ ପତ୍ର ଲେଖି ପରାମର୍ଶ ଜାରି କରାଯାଇଛି । ଯେଉଁ ଲାଇସେନ୍ସ ବା ପ୍ରମାଣପତ୍ରଗୁଡ଼ିକର ବୈଧତା ଫେବ୍ରୁଆରି ୧,୨୦୨୦ରେ ଶେଷ ହୋଇଯାଇଛି (ଓ ଲକଡାଉନ ଯୋଗୁଁ ସେଗୁଡ଼ିକର ବୈଧତା ବୃଦ୍ଧି କରାଯାଇପାରି ନାହିଁ) କିମ୍ବା ମାର୍ଚ୍ଚ ୩୧, ୨୦୨୧ରେ ସମାପ୍ତ ହେବ, ସେଗୁଡ଼ିକ ବୈଧତା ବୃଦ୍ଧି କରାଯାଇଛି । ଏସବୁ ପ୍ରମାଣପତ୍ର ବା ଲାଇସେନ୍ସଗୁଡ଼ିକର ଅବଧିକୁ ଜୁନ ୨୦୨୧ ପର୍ଯ୍ୟନ୍ତ ଧରିବାକୁ ଟ୍ରାଫିକ ପୁଲିସ ଓ ଅନ୍ୟ ଅଧିକାରୀମାନଙ୍କୁ ମନ୍ତ୍ରାଳୟ ପକ୍ଷରୁ ସୂଚୀତ କରାଯାଇଛି ।
ଗତ ବର୍ଷ ଦେଶରେ ଲକଡାଉନ ଘୋଷଣା ହେବା ପରେ ବି ସରକାର ମାର୍ଚ୍ଚ, ଜୁନ, ଅଗଷ୍ଟ ଓ ଡିସେମ୍ବର ମାସରେ ଏସବୁ ପ୍ରମାଣପତ୍ର ବା ଲାଇସେନ୍ସର ଅବଧି ବୃଦ୍ଧି କରିଥିଲେ ।
ଆରଟିଓ ଅଫିସଗୁଡ଼ିକରେ ଜନଗହଳି କମାଇବାକୁ ସରକାର ଏସବୁ ପ୍ରମାଣପତ୍ର ବା ଲାଇସେନ୍ସର ଅବଧି ବୃଦ୍ଧି କରିଥିବା ଅନୁମାନ କରାଯାଉଛି ।