ବିଶ୍ୱର ସବୁଠାରୁ ଦାମୀ ସ୍କୁଲ, ପଢ଼ିବାକୁ ହେଲେ ଦେବାକୁ ପଡ଼ିବ କୋଟିଏ ଟଙ୍କା ! ବିଶେଷତ୍ୱ ଜାଣିଲେ ଆପଣ ବି ହୋଇଯିବେ ଆଶ୍ଚର୍ଯ୍ୟ…
ନୂଆଦିଲ୍ଲୀ: ବିଭିନ୍ନ ସାମଗ୍ରୀର ଦରଦାମ ଦିନକୁ ଦିନ ଯେପରି ବୃଦ୍ଧି ପାଉଛି, ଠିକ୍ ସେହିପରି ଶିକ୍ଷା ମଧ୍ୟ ମହଙ୍ଗା ହେବାରେ ଲାଗିଛି । ଆଜି ଆମେ ଆପଣଙ୍କୁ ଦୁନିଆର ସବୁଠାରୁ ଦାମୀ ବିଦ୍ୟାଳୟ ବିଷୟରେ କହିବୁ । ଏହାସହିତ ଆମେ କହିବୁ ଯେ, ଏଠାରେ ବର୍ଷକୁ କେତେ ଫି ଆଦାୟ କରାଯାଏ । ସ୍ୱିଜରଲ୍ୟାଣ୍ଡରେ ରହିଛି ବିଶ୍ୱର ସବୁଠାରୁ ଦାମୀ ବିଦ୍ୟାଳୟ । ଏହାକୁ ୟୁରୋପର ସବୁଠାରୁ ମହଙ୍ଗା ବିଦ୍ୟାଳୟ ମଧ୍ୟ କୁହାଯାଏ । ସ୍ୱିଜରଲ୍ୟାଣ୍ଡର ରୋଲ୍ଲେ ସହରରେ ଥିବା ଏହି ବିଦ୍ୟାଳୟର ନାମ ହେଉଛି ଇନଷ୍ଟିଚ୍ୟୁଟ୍ ଲେ ରୋଜି।
Sambad is now on WhatsApp
Join and get latest news updates delivered to you via WhatsApp
ବିଶ୍ୱର ସବୁଠାରୁ ଦାମୀ ବିଦ୍ୟାଳୟ ଇନଷ୍ଟିଚ୍ୟୁଟ୍ ଲେ ରୋଜି। ଏହି ବିଦ୍ୟାଳୟରେ ପଢ଼ିବା ପାଇଁ, ବାର୍ଷିକ ୧ କୋଟି ୧୨ ଲକ୍ଷରୁ ଅଧିକ ଟଙ୍କା ଦେବାକୁ ପଡ଼ିବ । ଏହି ବିଦ୍ୟାଳୟ ୧୮୮୦ ମସିହାରେ ପଲ୍ ଏମିଲ କର୍ନଲଙ୍କ ଦ୍ୱାରା ପ୍ରତିଷ୍ଠା ହୋଇଥିଲା । ଏହା ସ୍ୱିଜରଲ୍ୟାଣ୍ଡର ସର୍ବପୁରାତନ ବୋର୍ଡିଂ ସ୍କୁଲ୍ ଏବଂ ଦୁନିଆର ସବୁଠାରୁ ପ୍ରତିଷ୍ଠିତ ତଥା ମହଙ୍ଗା ମଧ୍ୟରୁ ଗୋଟିଏ। ଏହି କାରଣରୁ ବିଦ୍ୟାଳୟଟି ‘ସ୍କୁଲ ଅଫ କିଙ୍ଗସ୍’ ଭାବରେ ମଧ୍ୟ ଜଣାଶୁଣା । ଦୁଇଟି କ୍ୟାମ୍ପସ ସହିତ ସ୍ୱିଜରଲ୍ୟାଣ୍ଡର ଏହା ଏକମାତ୍ର ବୋର୍ଡିଂ ବିଦ୍ୟାଳୟ । ଏହି ବିଦ୍ୟାଳୟରେ ଟେନିସ୍ କୋର୍ଟ, ସୁଟିଂ ରେଞ୍ଜ୍, ହର୍ସରାଇଡିଂ ଗ୍ରାଉଣ୍ଡ୍ ଏବଂ ୪୦ ମିଲିୟନ ଡଲାରରେ ତିଆରି ଏକ କନସର୍ଟ ହଲ୍ ଅଛି । ଏହି ବିଦ୍ୟାଳୟରେ ୪୨୦ ପିଲାଙ୍କ ପାଇଁ ମୋଟ ୧୫୦ଜଣ ଶିକ୍ଷକ ନିଯୁକ୍ତ ହୋଇଛନ୍ତି । ଅର୍ଥାତ, ଦୁଇରୁ ତିନି ଜଣ ଛାତ୍ରଙ୍କୁ ଶିକ୍ଷାଦେବା ପାଇଁ ଜଣେ ଶିକ୍ଷକ ଅଛନ୍ତି ।
ରିପୋର୍ଟ ଅନୁଯାୟୀ, ସ୍ପେନ, ଇଜିପ୍ଟ, ବେଲଜିୟମ, ଇରାନ ଏବଂ ଗ୍ରୀସର ରାଜବଂଶର ଦାୟଦମାନେ ଏହି ବିଦ୍ୟାଳୟରେ ପାଠ ପଢ଼ିଛନ୍ତି । ୭ରୁ ୧୮ ବର୍ଷ ବୟସର ପିଲାମାନେ ଇନଷ୍ଟିଚ୍ୟୁଟ୍ ଲେ ରୋଜି ବିଦ୍ୟାଳୟରେ ନାମ ଲେଖାଇପାରିବେ। ଏଠାରେ ଏହି ପିଲାମାନଙ୍କୁ ସମସ୍ତ ପ୍ରକାରର ସୁବିଧା ଦିଆଯାଇଥାଏ ।