ମା’-ପୁଅ ଲଢ଼େଇ: ଗୋଟିଏ ଆସନରେ ମୁକାବିଲା
ପାଟନା: ବିହାରର ନିର୍ବାଚନ ରାଜନୈତିକ ସ୍ଥିତି ବେଶ୍ ଆକର୍ଷଣୀୟ ରହିଛି। ଗୋଟିଏ ପଟେ ବିଜେପି ଏବଂ ଜେଡିୟୁ ମିଳିତ ଭାବେ ବିଜୟ ହେବାରେ ଆଶା ରଖିଥିବାବେଳେ ଅନ୍ୟପଟରେ ଇଣ୍ଡିଆ ମିଳିତ ମଞ୍ଚର ଆରଜେଡି ରାଜ୍ୟରୁ ବିଜେପିକୁ ଧ୍ୱଂସ କରିବାକୁ ଯୋଜନା କରିଛି। ଇଣ୍ଡିଆ ଆଲାଇନ୍ସ ବନାମ ଏନଡିଏ ମଧ୍ୟରେ ଚାଲିଥିବା ଏହି ଲଢ଼େଇରେ ଏକ ନୂଆ ମୋଡ଼ ଆସିଛି। ବିହାରର ଏକ ଆସନରେ ମୁହାଁମୁହିଁ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ମା’ ଓ ପୁଅ ପ୍ରସ୍ତୁତ ହେଉଛନ୍ତି।
Sambad is now on WhatsApp
Join and get latest news updates delivered to you via WhatsApp
ବାସ୍ତବରେ ବିହାରର ଶିବହାର ଆସନରେ ପ୍ରତିଯୋଗିତା ଅତ୍ୟନ୍ତ ଜଟିଳ ହୋଇଛି। ଜନତା ଦଳ ୟୁନାଇଟେଡ୍ (ଜେଡିୟୁ) ଲଭଲି ଆନନ୍ଦଙ୍କୁ ଏହାର ପ୍ରାର୍ଥୀ ଏବଂ ରାଷ୍ଟ୍ରୀୟ ଜନତା ଦଳ (ଆରଜେଡି) ରିତୁ ଜୈସୱାଲଙ୍କୁ ପ୍ରାର୍ଥୀ ଭାବରେ ଚୟନ କରିଛି। ଉଭୟ ପ୍ରାର୍ଥୀ ମୁହାଁମୁହିଁ ହୋଇଥିଲେ ମଧ୍ୟ ଲଭଲି ଆନନ୍ଦଙ୍କ ପୁଅ ଅଶୁଂମାନ ଆନନ୍ଦ ଶିବହାରରୁ ସ୍ବାଧୀନ ପ୍ରାର୍ଥୀ ଭାବେ ନାମାଙ୍କନ ଦାଖଲ କରିଛନ୍ତି।
शहर की हलचल से दूर यहां मन को आराम है,
घर तो अपना गांव में ही है, शहर में तो बस मकान है #SheoharLokSabha #AbkiBar400Par #Election2024 #Sheohar #AnandMohan #Bihar pic.twitter.com/yoJM5e1WSu— Lovely Anand (@LovelyAnand_) May 7, 2024
ଲଭଲି ଆନନ୍ଦ ବାହୁବଲୀ ଆନନ୍ଦ ମୋହନଙ୍କ ପତ୍ନୀ ଏବଂ ଅଶୁଂମାନ ଆନନ୍ଦ ତାଙ୍କର ସାନପୁଅ। ଉଭୟେ ନିଜେ ଶିବହାରରୁ ନିର୍ବାଚନ ଲଢୁଛନ୍ତି। ଶିବହାରରେ ନାମାଙ୍କନ ଦାଖଲ କରିବାର ଶେଷ ତାରିଖ ଥିଲା ୬ ଏପ୍ରିଲ। ଏଭଳି ପରିସ୍ଥିତିରେ ଅଶୁଂମାନ ଆନନ୍ଦ ଶେଷ ଦିନରେ ନିଜ ନାମାଙ୍କନ ପତ୍ର ଦାଖଲ କରିଥିଲେ, ଯାହା ପରେ ଶିବହାର ନିର୍ବାଚନ ସ୍ଥିତି ଆକର୍ଷଣୀୟ ହୋଇପାରିଛି।
ଅଶୁଂମାନ ଆନନ୍ଦ ବାହୁବଲୀ ଆନନ୍ଦ ମୋହନ ଏବଂ ଲଭଲି ଆନନ୍ଦଙ୍କ ସାନପୁଅ । ସେ ରାଜନୀତିରେ ବହୁତ ସକ୍ରିୟ ରହିଛନ୍ତି। ଅଶୁଂମାନ ପ୍ରାୟତଃ ତାଙ୍କ ପିତାମାତାଙ୍କ ସହିତ ଦେଖାଯାଇଥାନ୍ତି। ଏଭଳି ପରିସ୍ଥିତିରେ ସମସ୍ତଙ୍କ ମନରେ କେବଳ ଗୋଟିଏ ପ୍ରଶ୍ନ ଅଛି ଯେ ଶିବହାର ଲୋକସଭା ନିର୍ବାଚନମଣ୍ଡଳୀରୁ ମା’ ଏବଂ ପୁଅଙ୍କୁ ଏକାଠି ପ୍ରତିଦ୍ୱନ୍ଦ୍ୱିତା କରିବାର କାରଣ କ’ଣ ?
सिर्फ वादे नहीं निभा कर दिखाएंगे,
सबका साथ सबका विकास करके दिखाएंगे #SheoharLokSabha #AbkiBar400Par #Election2024 #Sheohar #AnandMohan #Bihar pic.twitter.com/r0yyJSwsad— Lovely Anand (@LovelyAnand_) May 7, 2024
ଶିବହାର ଆସନରେ ଷଷ୍ଠ ପର୍ଯ୍ୟାୟରେ ମେ ୨୫ରେ ନିର୍ବାଚନ ଅନୁଷ୍ଠିତ ହେବ। ଏଭଳି ପରିସ୍ଥିତିରେ ନାମାଙ୍କନପତ୍ର ଦାଖଲ କରିବାର ଶେଷ ତାରିଖ ଶେଷ ହୋଇଯାଇଛି। କିନ୍ତୁ ନାମାଙ୍କନ ପ୍ରତ୍ୟାହାର ପାଇଁ ମେ ୯ ହେଉଛି ଶେଷ ତାରିଖ । ଏବେ ଏହା ଦେଖିବାକୁ ବାକି ରହିଲା ଯେ ଅଶୁଂମାନ ଆନନ୍ଦ ପ୍ରକୃତରେ ତାଙ୍କ ମା’ଙ୍କ ବିରୋଧରେ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରୁଛନ୍ତି ନା ଗୁରୁବାର ତାଙ୍କ ନାମାଙ୍କନ ପ୍ରତ୍ୟାହାର କରିନେଉଛନ୍ତି। ମେ’ ୯ ପରେ, ଏହା ଜଣା ପଡିବ ଯେ ଅଶୁଂମାନ ପ୍ରକୃତରେ ନିର୍ବାଚନରେ ରହିବେ ନା ନାମାଙ୍କନ ଦାଖଲ କରି କେବଳ ନିଜ ସପକ୍ଷରେ ବାତାବରଣ ସୃଷ୍ଟି କରିବାକୁ ଚାହୁଁଥିଲେ।