ଡିଆର୍ଡିଓ ଦ୍ୱାରା ସ୍ଥଳସେନା ପାଇଁ ନିର୍ମିତ ଅତ୍ୟାଧୁନିକ ମ୍ୟାନ୍ ପ୍ରୋଟେବଲ୍ ଆଣ୍ଟି ଟ୍ୟାଙ୍କ୍ ଗାଇଡେଡ୍ ମିସାଇଲର ପରୀକ୍ଷଣ ସଫଳ
ପୋଖରାନ୍/ ନୂଆଦିଲ୍ଲୀ: ଭାରତର ପ୍ରତିରକ୍ଷା ଗବେଷଣା ଓ ଉନ୍ନୟନ ପ୍ରତିଷ୍ଠାନ (ଡିଆର୍ଡିଓ) ପକ୍ଷରୁ ନୂତନ ଭାବେ ନିର୍ମିତ ସଂପୂର୍ଣ୍ଣ ଅତ୍ୟାଧୁନିକ ମ୍ୟାନ୍ ପ୍ରୋଟେବଲ୍ ଆଣ୍ଟି ଟ୍ୟାଙ୍କ୍ ଗାଇଡେଡ୍ ମିସାଇଲ (ଏମ୍ପି- ଏଟିଜିଏମ୍)କୁ ଗତ ବୁଧବାର ମଧ୍ୟରାତ୍ରରେ ପୋଖରାନ୍ ନିକଟସ୍ଥ ରାଜସ୍ଥାନ ମରୁଗୂମିରେ ସଫଳତା ପୂର୍ବକ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଦେଶର ସ୍ଥଳ ସେନା ପାଇଁ ଡିଆର୍ଡିଓ ପକ୍ଷରୁ ନିର୍ମିତ ଏହି ନୂତନ ଅତ୍ୟାଧୁନିକ ହାଲୁକା କ୍ଷେପଣାସ୍ତ୍ର ଏମ୍ପି- ଏଟିଜିଏମ୍କୁ ଅତି ସହଜରେ ହାତରେ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ସ୍ଥାନାନ୍ତର କରାଯାଇ ପାରିବ। ତୃତୀୟ ପିଢ଼ିର ଏହି ଏମ୍ପି- ଏଟିଜିଏମ୍ ଏବେ ସ୍ଥଳସେନା ଦ୍ୱାରା ବ୍ୟବହୃତ ହେଉଥିବା ଦ୍ୱିତୀୟ ପିଢ଼ିର ଫ୍ରାନ୍ସ ନିର୍ମିତ ‘ମିଲନ’ ଓ ଋଷିଆ ଦ୍ୱାରା ନିର୍ମିତ ସେମି- ଅଟୋମେଟିକ୍ ‘କୋନ୍କୁର’ ଆଣ୍ଟି- ଟ୍ୟାଙ୍କ୍ କ୍ଷେପଣାସ୍ତ୍ର ବଦଳରେ ଏବେ ଭାରତୀୟ ସ୍ଥଳସେନା ଦ୍ୱାରା ବ୍ୟବହୃତ ହେବ।
ପରୀକ୍ଷଣ କାଳରେ ଦୁଇଟି ଯାକ କ୍ଷେପଣାସ୍ତ୍ର ୨ରୁ ୩ କିଲୋମିଟର ଦୂରତା ପର୍ଯ୍ୟନ୍ତ ନିର୍ଦ୍ଦିଷ୍ଟ ଟାର୍ଗେଟ୍ରେ ଲକ୍ଷ୍ୟଭେଦ କରିଥିବା ଡିଆର୍ଡିଓ ପକ୍ଷରୁ କୁହାଯାଇଛି।
India successfully carried out trial of the Man Portable Anti Tank Guided Missile (MP-ATGM) being developed for infantry troops of the Army. The DRDO carried out the trial of the missile with 2-3 km strike range last night in Rajasthan desert. pic.twitter.com/VFAgAOhR92
— ANI (@ANI) March 14, 2019