ଭୋପାଳ: ମଧ୍ୟପ୍ରଦେଶ ରାଜନୀତିରେ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ଗୋଟିଏ ପରେ ଗୋଟିଏ ରେକର୍ଡ କରିବାକୁ ଯାଉଛନ୍ତି। ଏହା ସହ ଶିବରାଜ ଦୀର୍ଘ ସମୟ ବିନା କ୍ୟାବିନେଟରେ ମୁଖ୍ୟମନ୍ତ୍ରୀ ହେବାର ଇତିହାସ ସୃଷ୍ଟି କରିଛନ୍ତି। ଆଜି ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଥିବା ଶିବରାଜ ସିଂ ୨୬ ଦିନ ପୂରଣ କରିଛନ୍ତି କିନ୍ତୁ ଲକଡାଉନ ସ୍ଥିତିରେ ବର୍ତ୍ତମାନ କ୍ୟାବିନେଟ ଗଠନ ହେବାର ଆଶା ଦେଖାଯାଉନାହିଁ। ତେବେ ଶିବରାଜଙ୍କ ପୂର୍ବରୁ କର୍ଣ୍ଣାଟକ ମୁଖ୍ୟମନ୍ତ୍ରୀ ବିଏସ ଏଦୁରପ୍ପା ବିନା ମନ୍ତ୍ରିମଣ୍ଡଳରେ ୨୫ ଦିନ ସରକାର ଚଳାଇଥିଲେ ଏବଂ ୨୬ ତମ ଦିନରେ ସେ ତାଙ୍କ କ୍ୟାବିନେଟ ଗଠନ କରିଥିଲେ। ତେବେ ମଧ୍ୟପ୍ରଦେଶରେ କରୋନା ସଂକ୍ରମଣ ଏବଂ ଲକଡାଉନ ସ୍ଥିତି ଥିବାରୁ ମୁଖ୍ୟମନ୍ତ୍ରୀ ଶିବରାଜ ସିଂ ଏ ପର୍ଯ୍ୟନ୍ତ କ୍ୟାବିନେଟ ଗଠନ କରିନାହାଁନ୍ତି |
Sambad is now on WhatsApp
Join and get latest news updates delivered to you via WhatsApp
ଯେଉଁଥିପାଇଁ ସେ ଦେଶର ପ୍ରଥମ ମୁଖ୍ୟମନ୍ତ୍ରୀ ହୋଇଛନ୍ତି ଯିଏ ଏତେ ଦିନ ପର୍ଯ୍ୟନ୍ତ କ୍ୟାବିନେଟ ବିନା ସରକାର ଚଳାଇଛନ୍ତି। ଏଠାରେ ସୂଚନା ଥାଉ କି କଂଗ୍ରେସର ୨୨ ବିଦ୍ରୋହୀ ବିଧାୟକଙ୍କ ଇସ୍ତଫା ପରେ କମଲ ନାଥ ସରକାର ଚଳାଇ ପାରିନଥିଲେ । ଏହା ପରେ ଶିବରାଜ ସିଂ ଚୌହାନ ୨୩ ମାର୍ଚ୍ଚ ସନ୍ଧ୍ୟାରେ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ। ପରଦିନ, ମାର୍ଚ୍ଚ ୨୪ ରେ, ପ୍ରଧାନମନ୍ତ୍ରୀ ୨୧ ଦିନ ପାଇଁ ଦେଶବ୍ୟାପୀ ତାଲା ପକାଇବାକୁ ଘୋଷଣା କରିଥିଲେ, ଯେଉଁ କାରଣରୁ ଶିବରାଜ ସିଂ ଚୌହାନ ତାଙ୍କ କ୍ୟାବିନେଟ ଗଠନ କରିପାରିନଥିଲେ।
ଏହାପରେ ଆଶା କରାଯାଉଥିଲା ଯେ ଏପ୍ରିଲ୍ ୧୪ ରେ ଯେତେବେଳେ ଦେଶରେ ଲକଡାଉନ ଖୋଲିବ, ମଧ୍ୟପ୍ରଦେଶରେ କ୍ୟାବିନେଟ୍ ଗଠନ କରାଯିବ । କିନ୍ତୁ କରୋନା ସଂକ୍ରମଣର ବିପଦକୁ ଦୃଷ୍ଟିରେ ରଖି ପ୍ରଧାନମନ୍ତ୍ରୀ ମୋଦୀ ଲକଡାଉନ ଅବଧି ମେ ୩ ପର୍ଯ୍ୟନ୍ତ ବୃଦ୍ଧି କରିଛନ୍ତି। ଏଭଳି ପରିସ୍ଥିତିରେ ଶିବରାଜ ସିଂଙ୍କୁ ମନ୍ତ୍ରିମଣ୍ଡଳ ଗଠନ ପାଇଁ ମେ ୩ ପର୍ଯ୍ୟନ୍ତ ଅପେକ୍ଷା କରିବାକୁ ପଡ଼ିବ।