ମାସକ ପରେ ମଧ୍ୟପ୍ରଦେଶକୁ ମିଳିଲା ମନ୍ତ୍ରୀମଣ୍ଡଳ, ଶପଥ ନେଲେ ୫ ମନ୍ତ୍ରୀ
ନୂଆଦିଲ୍ଲୀ : ପ୍ରାୟ ଏକ ମାସ ଧରି ଖାଲି ରହିବା ପରେ ଶେଷରେ ମଧ୍ୟପ୍ରଦେଶର ଶିବରାଜ ସିଂ ଚୌହାନ ସରକାରକୁ ଏକ ମନ୍ତ୍ରୀମଣ୍ଡଳ ମିଳିଛି । ଆଜି ୫ ଜଣ ମନ୍ତ୍ରୀ ଶପଥ ଗ୍ରହଣ କରିଛନ୍ତି । ଏହି ୫ ଜଣଙ୍କ ମଧ୍ୟରେ ସିନ୍ଧିଆ କ୍ୟାମ୍ପର ୨ ଜଣ ଅନୁଗତ ରହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଆଜି ମନ୍ତ୍ରୀଭାବେ ଶପଥ ଗ୍ରହଣ କରିଥିବା ବିଧାୟକମାନଙ୍କ ମଧ୍ୟରେ ରହିଛନ୍ତି ଛଅଥର ବିଜେପି ବିଧାୟକ ନରୋତ୍ତମ ମିଶ୍ର, ପାଞ୍ଚଥର ବିଜେପି ବିଧାୟକ କମଲ ପଟେଲ ଓ ମିନା ସିଂ । ଜ୍ୟୋତିରାଦିତ୍ୟ ସିନ୍ଧିଆ କ୍ୟାମ୍ପରୁ ମନ୍ତ୍ରୀ ହୋଇଥିବା ଦୁଇଜଣ ବିଧାୟକ ହେଲେ ତୁଲସୀ ସିଲାଓ୍ୱତ ଓ ଗୋବିନ୍ଦ ସିଂ ରାଜପୁତ । ତୁଲସୀ ପୂର୍ବର କମଲନାଥ ସରକାରରେ ସ୍ୱାସ୍ଥ୍ୟମନ୍ତ୍ରୀ ଥିବାବେଳେ ଗୋବିନ୍ଦ ସିଂ ପରିବହନ ମନ୍ତ୍ରୀ ଥିଲେ ।
ଏହି ୫ ଜଣ ମନ୍ତ୍ରୀ ମଧ୍ୟପ୍ରଦେଶର ୫ଟି ପ୍ରମୁଖ ଅଞ୍ଚଳ ବୁନ୍ଦେଲଖଣ୍ଡ, କେନ୍ଦ୍ରୀୟ ମଧ୍ୟପ୍ରଦେଶ, ମାଲଓ୍ୱା-ଲିମାର,ମହାକୌଶଲ ଓ ଗ୍ୱାଲିୟର-ଚମ୍ବଲ ଅଞ୍ଚଳର ପ୍ରତିନିଧିତ୍ୱ କରୁଛନ୍ତି । ତେବେ ମଧ୍ୟପ୍ରଦେଶର ଆଉ ଏକ ପ୍ରମୁଖ ଅଞ୍ଚଳ ବିନ୍ଧ୍ୟାଞ୍ଚଳ ଯାହାକି ବିଜେପିର ଗଡ଼ ଭାବେ ଜଣାଶୁଣା, ସେଠାରୁ କୌଣସି ବିଧାୟକ ମନ୍ତ୍ରୀ ହୋଇନାହାନ୍ତି ।