ଭୋପାଳ: ମଧ୍ୟପ୍ରଦେଶର ଛିନ୍ଦଓ୍ଵାଡା ଜିଲ୍ଲାକୁ ପିକ୍ନିକ୍ କରିବାକୁ ଯାଇଥିବା ଦୁଇ ଯୁବତୀଙ୍କୁ ସେଲଫି ନେବା ମହଙ୍ଗା ପଡ଼ିଛି। ପୁଲିସ ଓ ଉଦ୍ଧାରକାରୀ ଟିମ୍ଙ୍କ ବହୁ ଉଦ୍ୟମ ପରେ ଏପରି ବିପଦପୂର୍ଣ୍ଣ ସ୍ଥାନରୁ ଦୁଇ ଯୁବତୀଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଜୁନ୍ନାରଦେଓର ପୁଲିସ ସବ-ଡିଭିଜନାଲ ଅଧିକାରୀ ଏସ୍ କେ ସିଂହ ଶୁକ୍ରବାର ଏହି ଘଟଣାକୁ ନେଇ କହିଛନ୍ତି, ବେଲଖେଡି ଗ୍ରାମ ନିକଟସ୍ଥ ପେଞ୍ଚ ନଦୀକୁ ଜିଲ୍ଲା ମୁଖ୍ୟାଳୟରୁ ଦୁଇଜଣ ଯୁବକ ଓ ୭ଜଣ ଯୁବତୀ ଗୁରୁବାର ପିକ୍ନିକ୍ କରିବାକୁ ଆସିଥିଲେ। ଏହି ସମୟରେ ସେ ସ୍ଥାନ ଦେଇ ବୋହି ଯାଇଥିବା ନଦୀ ଭିତରକୁ ଯାଇ ଏକ ପଥ ଉପରେ ଛିଡା ହୋଇ ଯୁବକ ଓ ଯୁବତୀ ସେଲଫି ନେଉଥିଲେ। ହଠାତ ନଦୀରେ ପାଣି ଭରି ଯିବାରୁ ସ୍ରୋତ ବି ବଢ଼ି ଯାଇଥିଲା। ନଦୀ ଭିତରକୁ ଯାଇ ସେଲଫି ନେଉଥିବା ପାଞ୍ଚ ଜଣ ଯୁବତୀ ଓ ଦୁଇଜଣ ଯୁବକ ବାହାରି ଆସିଥିବା ବେଳେ ଅନ୍ୟ ଦୁଇଜଣ ଯୁବତୀ ମେଘା ଜାଓ୍ଵରେ ଏବଂ ବନ୍ଦାନା ତ୍ରିପାଠୀ ସେଠାରେ ଫସି ଯାଇଥିଲେ।
ଯୁବତୀ ପାଣି ଭିତରେ ଫସି ରହିଥିବା ଖବର ମିଳିବା ପରେ ଡେପୁଟି ସୁପରିଣ୍ଟେଣ୍ଡେଣ୍ଟ (ଡିଏସପି) ଅଜୟ ୱାଗମାରେଙ୍କ ନେତୃତ୍ୱରେ ୧୨ ଜଣ ପୁଲିସ କର୍ମଚାରୀଙ୍କ ଏକ ଟିମ୍ ଓ ସ୍ଥାନୀୟ ପ୍ରଶାସନ ଘଟଣାସ୍ଥଳରେ ପହଞ୍ଚିଥିଲେ। ଏହାପରେ ସେମାନେ କିଛି ଗ୍ରାମବାସୀଙ୍କ ସାହାଯ୍ୟରେ ନଦୀ ଭିତରେ ପଶି ରହିଥିବା ମେଘା ଜାଓ୍ଵରେ ଏବଂ ବନ୍ଦାନା ତ୍ରିପାଠୀଙ୍କୁ ଅନେକ ଚେଷ୍ଟାପରେ ପାଣି ଭିତରକୁ ସୁରକ୍ଷିତ ଭାବେ ଉଦ୍ଧାର କରିଥିଲେ।