/sambad/media/agency_attachments/2024-07-24t043029592z-sambad-original.webp)
/sambad/media/post_attachments/wp-content/uploads/2023/09/Green-Revolutionary-Swaminathan-Dies_Thumbnail.jpg)
ଚେନ୍ନାଇ: ପ୍ରଖ୍ୟାତ କୃଷି ବିଜ୍ଞାନୀ ତଥା ଭାରତର ‘ସବୁଜ ବିପ୍ଳବ’ର ଜନକ ମନକୋମ୍ବୁ ସମ୍ବାସିବନ୍ ସ୍ବାମୀନାଥନ୍ଙ୍କର ଆଜି ସକାଳେ ଚେନ୍ନାଇରେ ଦେହାନ୍ତ ହୋଇଯାଇଛି।
୧୯୨୫ ମସିହା ଅଗଷ୍ଟ ୭ ତାରିଖରେ ତାମିଲନାଡୁର ତାଞ୍ଜାବୁର ଜିଲ୍ଲାରେ ଜନ୍ମିତ ସ୍ବାମୀନାଥନ୍ଙ୍କୁ ମୃତ୍ୟୁ ବେଳକୁ ୯୮ ବର୍ଷ ହୋଇଥିଲା।
ଏମ୍. ଏସ୍. ସ୍ବାମୀନାଥନ୍ ଆଳୁ, ଗହମ, ଧାନ ଓ ଝୋଟ ବା ନଳିତାର ଗୁଣସୂତ୍ର ଉପରେ ଗବେଷଣା ଆରମ୍ଭ କରି ୧୯୪୯ରେ ନିଜର କ୍ୟାରିୟର୍ ଆରମ୍ଭ କରିଥିଲେ। ଖାଦ୍ୟଶସ୍ୟ ଅଭାବ ଯୋଗୁଁ ୧୯୬୦ ମସିହାରେ ଭାରତ ଅନାହାର ପଡ଼ିଆସୁଥିବା ବେଳେ ସ୍ବାମୀନାଥନ୍ ଆମେରିକୀୟ ଉଦ୍ଭିଦବିଜ୍ଞାନୀ ନର୍ମ୍ୟାନ୍ ବୋର୍ଲାଗ୍ ଓ ଅନ୍ୟ କେତେକ ବୈଜ୍ଞାନିକଙ୍କ ସହିତ ମିଶି ଅଧିକ ଅମଳକ୍ଷମ ଗହମ ବିହନ ବିକଶିତ କରିଥିଲେ।
‘ଜାତିସଂଘ ପରିବେଶ କାର୍ଯ୍ୟକ୍ରମ’ଦ୍ବାରା ‘ଅର୍ଥନୈତିକ ପରିବେଶର ଜନକ’ ଭାବେ ପରିଚିତ ସ୍ବାମୀନାଥନ୍ ୧୯୬୦ ଓ ୭୦ ଦଶକରେ ସି. ସୁବ୍ରମଣିୟାମ୍ ଓ ଜଗଜ୍ଜୀବନ ରାମଙ୍କ ସମେତ ବିଭିନ୍ନ କୃଷିମନ୍ତ୍ରୀଙ୍କ ସହିତ ‘ସବୁଜ ବିପ୍ଳବ’ ସଫଳତା ପାଇଁ କାର୍ଯ୍ୟ କରିଥିଲେ। ଫଳରେ ‘କେମିକାଲ୍-ବାୟୋଲୋଜିକାଲ୍ ଟେକ୍ନୋଲୋଜି’ ବଳରେ ଦେଶରେ ଗହମ ଓ ଧାନ ଉତ୍ପାନଦ ବୃଦ୍ଧି ପାଇବାର ପଥ ଉନ୍ମୋଚିତ ହୋଇଥିଲା। ଏଥିପାଇଁତାଙ୍କୁ ୧୯୮୭ରେ ପ୍ରଥମ ‘ୱାଲର୍ଡ ଫୁଡ୍ ପ୍ରାଇଜ୍’ ମିଳିଥିଲା।
/sambad/media/post_attachments/wp-content/uploads/2023/09/swami.jpg "publive-image")
Image Courtesy of NDTVଭାରତ ସରକାର ତାଙ୍କୁ ପଦ୍ମଶ୍ରୀ, ପଦ୍ମଭୂଷଣ ଓ ପଦ୍ମ ବିଭୂଷଣ ସମ୍ମାନରେ ସମ୍ମାନିତ କରିଥିଲେ। ଏହାଛଡ଼ା, କୃଷିକ୍ଷେତ୍ରରେ କାର୍ଯ୍ୟ ନିମନ୍ତେ ତାଙ୍କୁ ଅନ୍ୟାନ୍ୟ ଅନେକ ପୁରସ୍କାର ଓ ସମ୍ମାନ ମିଳିଥିଲା।
‘ଟାଇମ୍’ ପତ୍ରିକା ତାଙ୍କୁ ବିଂଶ ଶତାବ୍ଦୀର ୨୦ଜଣ ସବୁଠୁ ପ୍ରଭାବଶାଳୀ ଏସୀୟଙ୍କ ମଧ୍ୟରୁ ଜଣେ ବୋଲି ଉଲ୍ଲେଖ କରିଥିଲା।
