ମୋଦୀଙ୍କ ସାମ୍ନାରେ ପୁଣି ପାକିସ୍ତାନ ପାଇଁ ଓକିଲାତି କଲେ ମୁଫତି
ନୂଆଦିଲ୍ଲୀ: ଜାମ୍ମୁ କାଶ୍ମୀର ପ୍ରସଙ୍ଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଡାକିଥିବା ସର୍ବଦଳୀୟ ବୈଠକ ପରେ ପିଡିପି ସଭାପତି ମେହବୁବା ମୁଫତି ପୁଣି ଥରେ ପାକିସ୍ତାନ ସହ କଥା ହେବା ପାଇଁ ଓକିଲାତି କରିଛନ୍ତି। ଏହା ସହିତ ମେହବୁବା କହିଛନ୍ତି ଯେ ଜାମ୍ମୁ କାଶ୍ମୀରରେ ଧାରା ୩୭୦ ପୁଣି ଲାଗୁ କରାଯାଉ ବୋଲି ଆମେ ଚାହୁଁଛୁ। ମେହବୁବା ମୁଫତି କହିଛନ୍ତି, “ମୁଁ ବୈଠକରେ ପ୍ରଧାନମନ୍ତ୍ରୀଙ୍କୁ ପ୍ରଶଂସା କରିଥିଲି ଏବଂ କହିଥିଲି ଯେ ଆପଣ ପାକିସ୍ତାନ ସହ କଥା ହେବା ପରେ ଅସ୍ତ୍ରବିରତି ଉଲ୍ଲଂଘନ କରିଛନ୍ତି। ଅନୁପ୍ରବେଶ ହ୍ରାସ ପାଇଛି ଏହା ଏକ ଭଲ କଥା | ମୁଁ ପ୍ରଧାନମନ୍ତ୍ରୀଙ୍କୁ କହିଛି ଯେ ଯଦି ଜାମ୍ମୁ କାଶ୍ମୀରର ଲୋକମାନେ ଶାନ୍ତିରେ ରୁହନ୍ତୁ ବୋଲି ଆପଣ ଚାଁହୁଛନ୍ତି, ତେବେ ତୁମେ ପାକିସ୍ତାନ ସହ କଥା ହେବା ଉଚିତ୍’।
Sambad is now on WhatsApp
Join and get latest news updates delivered to you via WhatsApp
ମେହବୁବା ମୁଫତି କହିଛନ୍ତି ଯେ, ‘ମୁଁ ପୁଣି କହୁଛି ଯେ ପାକିସ୍ତାନ ସହ ଆଲୋଚନା ହେବା ଉଚିତ। ଲୋକଙ୍କ ଉନ୍ନତି ପାଇଁ ପାକିସ୍ତାନ ସହ ମଧ୍ୟ ଆଲୋଚନା କରନ୍ତୁ’। ମେହବୁବା ମୁଫତି କହିଛନ୍ତି ଯେ, ‘ଜାମ୍ମୁ କାଶ୍ମୀରର ଲୋକମାନେ ଧାରା ୩୭୦ ରଦ୍ଦ ହେବାକୁ ନେଇ ନାରାଜ ଅଛନ୍ତି | ଆମେ ଜାମ୍ମୁ କାଶ୍ମୀରରେ ଧାରା ୩୭୦ ପୁନଃସ୍ଥାପନ କରିବୁ | ଏଥିପାଇଁ ଆମେ ଶାନ୍ତି ପଥ ଅନୁସରଣ କରିବୁ। ଏଥିରେ କୌଣସି ଆପୋଷ ବୁଝାମଣା ହେବ ନାହିଁ। ଜାମ୍ମୁ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ କହିଛନ୍ତି ଯେ ମୁଁ ବୈଠକରେ ପ୍ରଧାନମନ୍ତ୍ରୀଙ୍କୁ କହିଛି ଯେ ଯଦି ଆପଣଙ୍କୁ ଧାରା ୩୭୦ ହଟାଇବାକୁ ପଡିବ ତେବେ ଆପଣ ଜାମ୍ମୁ କାଶ୍ମୀର ବିଧାନସଭାକୁ ଡାକି ଏହାକୁ ହଟାଇ ଦେବା ଉଚିତ୍। ଆପଣ ଯେଭଳି ହଟାଇଦେଇଥିଲେ, ତାହା ଆପଣଙ୍କର କୌଣସି ଅଧିକାର ନଥିଲା’।