ସ୍ପାନିସ ଫ୍ଲୁ ପରେ କରୋନାକୁ ହରାଇଲେ ୧୦୬ ବର୍ଷୀୟ ବ୍ୟକ୍ତି

ନୂଆଦିଲ୍ଲୀ: କୁହାଯାଏ ରଖିଲେ ଶିବ ମାରିବ କିଏ | କରୋନା ଭୁତାଣୁ କାରଣରୁ, ଯେତେବେଳେ ପ୍ରତିଦିନ ଅନେକ ଲୋକଙ୍କର ମୃତ୍ୟୁ ହେଉଛି, ରାଜଧାନୀ ଦିଲ୍ଲୀର ଜଣେ ୧୦୬ ବର୍ଷ ବୟସ୍କ ବ୍ୟକ୍ତି କରୋନାକୁ ପରାସ୍ତ କରିଛନ୍ତି | ମିଳିଥିବା ସୂଚନା ମୁତାବକ ଦିଲ୍ଲୀରେ ରହୁଥିବା ମୁଖତାର ଅହମ୍ମଦ ନାମକ ବ୍ୟକ୍ତିଙ୍କୁ ୧୦୬ ବର୍ଷ ବୟସ ହୋଇଥିବାବେଳେ ସେ କରୋନା ପଜିଟିଭ୍ ହୋଇଥିଲେ | ତେବେ ଉପଯୁକ୍ତ ଚିକିତ୍ସା ଏବଂ ଯତ୍ନ ଯୋଗୁଁ ସେ ବର୍ତ୍ତମାନ ସମ୍ପୂର୍ଣ୍ଣ ସୁସ୍ଥ ହୋଇଯାଇଛନ୍ତି।

କରୋନାଙ୍କୁ ପରାସ୍ତ କରିବା ବାବଦରେ ମୁଖତାର କହିଛନ୍ତି ଯେ ‘ମୁଁ ଆଶା କରି ନ ଥିଲି ଯେ ମୁଁ ବଞ୍ଚିବି କିନ୍ତୁ ଠିକ୍ ଚିକିତ୍ସା ହେତୁ ମୁଁ ଭଲ ହୋଇଗଲି’। ଅନ୍ୟପଟେ ମୁଖତାରଙ୍କ ପରିବାର ସଦସ୍ୟ ମଧ୍ୟ ଦାବି କରିଛନ୍ତି ଯେ ଯେତେବେଳେ ୧୯୧୮ ମସିହାରେ ସ୍ପାନିସ ଫ୍ଲୁ ଆସିଥିଲା, ତାଙ୍କୁ କେବଳ ଚାରି ବର୍ଷ ବୟସ ହୋଇଥିଲା |

Delhi: Mukhtar Ahmed, a 106-year-old (as claimed by family), who was 4 years old during the Spanish flu in 1918, recovered from #COVID19. He says, “I didn’t expect to survive but after getting proper treatment I recovered. I have never seen such a pandemic in my life.” pic.twitter.com/6kpAGDGwhQ

— ANI (@ANI) July 8, 2020

ଆଉ ସେହି ସମୟରେ ସେ ସ୍ପାନିସ ଫ୍ଲୁକୁ ମଧ୍ୟ ପରାସ୍ତ କରି ନୂଆ ଜୀବନ ପାଇଥିଲେ | ତେବେ କରୋନା ଭୁତାଣୁ ବିଷୟରେ ମୁଖତାର କହିଛନ୍ତି ଯେ ସେ ତାଙ୍କ ଜୀବନରେ ଏଭଳି ମହାମାରୀ ଦେଖି ନାହାଁନ୍ତି। କରୋନାକୁ ପରାସ୍ତ କରିବା ପରେ ମୁଖାର୍ ଅହମ୍ମଦ ବହୁତ ଖୁସି ଅଛନ୍ତି | ତାଙ୍କ ପରିବାର ମଧ୍ୟ ବହୁତ ଖୁସି ଅଛନ୍ତି। ପରିବାର ସଦସ୍ୟ କହିଛନ୍ତି ଯେ ସେ ସମ୍ପୂର୍ଣ୍ଣ ନିରାଶ ଥିଲେ, କିନ୍ତୁ ଭଗବାନଙ୍କର ଦୟା ଯୋଗୁଁ ସେ (ମୁଖାର୍ ଅହମ୍ମଦ) ଆଜି ଆମ ଗହଣରେ ଅଛନ୍ତି।