୬୦ ବର୍ଷ ବୟସରେ ନିଜ ସାଙ୍ଗଙ୍କୁ ବିବାହ କଲେ ଏହି କଂଗ୍ରେସ ନେତା
ନୂଆଦିଲ୍ଲୀ: କଂଗ୍ରେସ ମହାସଚିବ ତଥା ପୂର୍ବତନ କେନ୍ଦ୍ର ମନ୍ତ୍ରୀ ମୁକୁଲ ବାଶନିକ ନିଜ ସାଙ୍ଗ ରବିନା ଖୁରାନାଙ୍କୁ ବିବାହ କରିଛନ୍ତି | ଏହି ବିବାହ ସମାରୋହରେ ବହୁ ବରିଷ୍ଠ କଂଗ୍ରେସ ନେତା ସାମିଲ ହୋଇଥିଲେ | ନୂଆଦିଲ୍ଲୀର ଏକ ପଞ୍ଚତାରକା ହୋଟେଲରେ ନିଜ ପିଲାଦିନର ସାଙ୍ଗ ରବିନାଙ୍କ ହାତ ଧରିଛନ୍ତି ଏହି କଂଗ୍ରେସ ନେତା | ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହ୍ଲଟ, ବରିଷ୍ଠ କଂଗ୍ରେସ ନେତା ଅହମଦ ପଟେଲ, ଅମ୍ବିକା ସୋନି, ବିକେ ହରିପ୍ରସାଦ ଓ ଆନନ୍ଦ ଶର୍ମା ପ୍ରମୁଖ ଯୋଗ ଦେଇଥିଲେ |
Sambad is now on WhatsApp
Join and get latest news updates delivered to you via WhatsApp
Wishing Mukul Wasnik Ji and Raveena Khurana Ji heartiest congratulations on embarking on this new journey together as a couple. May the coming years prove to be the happiest time of your life. Stay blessed. pic.twitter.com/XPVMx0CjXf
— Ashok Gehlot (@ashokgehlot51) March 8, 2020
ମୁକୁଲଙ୍କ ନାମ ଗତବର୍ଷ ଚର୍ଚ୍ଚାକୁ ଆସିଥିଲା | ଯେତେବେଳେ ରାହୁଲ ଗାନ୍ଧୀ କଂଗ୍ରେସର ଅଧ୍ୟକ୍ଷ ପଦରୁ ଇସ୍ତଫା ଦେଇଥିଲେ ସେତେବେଳେ ତାଙ୍କୁ ଦାୟିତ୍ୱ ମିଳିବା ନେଇ ଚର୍ଚ୍ଚା ହୋଇଥିଲା | ଗାନ୍ଧୀ ପରିବାରର ଅତି ଖାସ କୁହାଯାଉଥିବା ମୁକୁଲଙ୍କୁ କଂଗ୍ରେସ ଅଧ୍ୟକ୍ଷ ଦାୟିତ୍ୱ ଦେବା ନେଇ ଶୀର୍ଷ ସ୍ତରୀୟ ନେତା ପ୍ରସ୍ତାବ ଦେଇଥିଲେ |
କିନ୍ତୁ ଅନ୍ତରୀଣ ଅଧ୍ୟକ୍ଷା ଭାବେ ଶେଷ ମୁହୂର୍ତ୍ତରେ ସୋନିଆ ଦାୟିତ୍ୱ ନେଇଥିଲେ | ମୁକୁଲ ମନମୋହନ ସରକାରରେ ସାମାଜିକ ନ୍ୟାୟ ମନ୍ତ୍ରୀ ଥିଲେ | ସେ ୨୦୦୯ ମସିହାରେ ମହାରାଷ୍ଟ୍ରର ରାମଟେକ ଲୋକସଭା ଆସନରୁ ସାଂସଦ ଭାବେ ପ୍ରତିନିଧିତ୍ୱ କରିଥିଲେ | ବର୍ତ୍ତମାନ ମୁକୁଲ ଅଖିଳ ଭାରତୀୟ କଂଗ୍ରେସ ସମିତିର ମହାସଚିବ ଥିବାବେଳେ ୧୯୮୪ ମସିହାରେ ୨୫ ବର୍ଷ ବୟସରେ ଲୋକସଭା ସାଂସଦ ହୋଇପାରିଥିଲେ |