‘ବିଜେପି ଟିକା ମୁଁ ନେବି ନାହିଁ’ କହିଥିଲେ ପୁଅ ଅଖିଳେଶ, ବାପା ମୁଲାୟମ ନେଲେ ଟିକା

ଲଖନଉ: ସମାଜବାଦୀ ପାର୍ଟିର ପ୍ରତିଷ୍ଠାତା ମୁଲାୟମ ସିଂ ଯାଦବ ସୋମବାର ଲଖନଉରେ କରୋନା ଟିକା ନେଇଛନ୍ତି । ଅବଶ୍ୟ ଟିକାକୁ ନେଇ ସମାଜବାଦୀ ପାର୍ଟି ଅଧ୍ୟକ୍ଷ ଅଖିଳେଶ ଯାଦବ ବିରୋଧ କରିଥିଲେ ଏବଂ କହିଥିଲେ ଯେ ସେ ଏହି ଟିକା ନେବେ ନାହିଁ। ତାଙ୍କ ବିବୃତ୍ତିକୁ ନେଇ ସୋସିଆଲ ମିଡିଆରେ ପ୍ରବଳ ଚର୍ଚ୍ଚା ହୋଇଥିଲା | ପୂର୍ବରୁ ଅଖିଳେଶ ଯାଦବ କହିଥିଲେ ଯେ, ‘ମୁଁ କରୋନା ଟିକା ନେବି ନାହିଁ । ଏହି ଟିକା ବିଜେପିର ହୋଇଥିବାବେଳେ ମୁଁ ଏହାକୁ କିପରି ବିଶ୍ୱାସ କରିପାରିବି? ‘

ଅନ୍ୟପଟେ ରାଜ୍ୟର ଉପମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ଯ୍ୟ ଅଖିଳେଶ କ୍ଷମା ମାଗନ୍ତୁ ବୋଲି ଦାବି କରିବା ସହ ଏଭଳି ବୟାନ ଡାକ୍ତର ତଥା ବୈଜ୍ଞାନିକମାନଙ୍କ ପାଇଁ ଅପମାନ ବୋଲି କହିଥିଲେ। ତେବେ ସୋସିଆଲ ମିଡିଆରେ ଅଖିଳେଶ ଯାଦବଙ୍କ ବୟାନକୁ ନେଇ ଚର୍ଚ୍ଚା ହେବା ପରେ କିଛି ସମୟ ପରେ ଅଖିଳେଶ ଯାଦବ କହିଥିଲେ ଯେ ସମ୍ପୂର୍ଣ୍ଣ ପରୀକ୍ଷା ପରେ ସେ କରୋନା ଟିକା ନେବେ ।

कोरोना का टीका लगवाते मुलायम सिंह यादव।

ସୂଚନା ଥାଉ କି ରାଜ୍ୟର ୧୦ କୋଟି ଲୋକଙ୍କୁ ଟିକା ଦେବାକୁ ଯୋଗୀ ସରକାର ନିର୍ଦ୍ଦେଶ ଦେଇଛନ୍ତି | ଜୁନ୍, ଜୁଲାଇ ଏବଂ ଅଗଷ୍ଟ ସୁଦ୍ଧା ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏହି କାର୍ଯ୍ୟ କରିବାକୁ ନିର୍ଦ୍ଦେଶ ଦେଇଛନ୍ତି। ସେ କହିଥିଲେ ଯେ କେତେକ ଜିଲ୍ଲା ଚିହ୍ନଟ କରି ଏକ ଅଭିଯାନ ଚଳାଇ ଶତପ୍ରତିଶତ ଟିକାକରଣ ଲକ୍ଷ୍ୟ ସ୍ଥିର କରାଯିବା ଉଚିତ।

ସମ୍ବନ୍ଧିତ ଖବର