‘ସ୍ଥିତି ଜାଣିବା ପରେ ମୁମ୍ବାଇକୁ ଆସୁ ବିମାନ’ ବେସାମରିକ ବିମାନ ଉଡାଣ ମନ୍ତ୍ରୀଙ୍କ ପାଖରେ ଏଭଳି ଦାବି ରଖିଲେ ଉଦ୍ଧବ
ମୁମ୍ବାଇ: ଜୁନ୍ ୧ରୁ ରେଳ ଚଳାଚଳ ଆରମ୍ଭ ହେବାକୁ ଥିବାବେଳେ ଆସନ୍ତାକାଲିଠାରୁ ଦେଶରେ ପର୍ଯ୍ୟାୟକ୍ରମେ ଘରୋଇ ବିମାନ ଚଳାଚଳ ଆରମ୍ଭ ହେବ। ଏଥିପାଇଁ ସମସ୍ତ ବିମାନ ଉଡ଼ାଣକାରୀ ସଂସ୍ଥାଗୁଡିକୁ ପ୍ରସ୍ତୁତି ଆରମ୍ଭ କରିବାକୁ କୁହାଯାଇଛି। ଦିଲ୍ଲୀ-ମୁମ୍ବାଇ ରୁଟ ପାଇଁ ବିମାନ ଭଡ଼ା ସର୍ବନିମ୍ନ ୩୫୦୦ ଟଙ୍କା ଓ ସର୍ବାଧିକ ୧୦ ହଜାର ଟଙ୍କା ରଖାଯାଇଛି । ଆସନ୍ତା ତିନି ମାସ ଅର୍ଥାତ ଅଗଷ୍ଟ ୨୪ ମଧ୍ୟରାତ୍ରୀ ପର୍ଯ୍ୟନ୍ତ ଏହି ଭଡ଼ା ଲାଗୁ ହେବ । ରାଜ୍ୟରେ ଘରୋଇ ବିମାନ ଉଡ଼ାଣ ଆରମ୍ଭ ହେବାକୁ ନେଇ ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ କହିଛନ୍ତି ଯେ ସେ ଏହି ପ୍ରସଙ୍ଗରେ ବେସାମରିକ ବିମାନ ଚଳାଚଳ ମନ୍ତ୍ରୀ ହରଦୀପ ସିଂ ପୁରୀଙ୍କ ସହ କଥା ହୋଇଛନ୍ତି।
ବିମାନ ଆରମ୍ଭ କରିବା ପୂର୍ବରୁ ମହାରାଷ୍ଟ୍ରର ପରିସ୍ଥିତିର ସମୀକ୍ଷା କରିବାକୁ ପଡ଼ିବ ବୋଲି ଉଦ୍ଧବ ଠାକରେ କେନ୍ଦ୍ର ମନ୍ତ୍ରୀଙ୍କୁ କହିଛନ୍ତି। ଆମେ ମଧ୍ୟ ବିମାନ ଯାତ୍ରା ଆରମ୍ଭ କରିବାକୁ ଚାହୁଁଛୁ, କିନ୍ତୁ ଯାତ୍ରୀମାନେ ବିମାନବନ୍ଦରରେ କିପରି ପ୍ରବେଶ କରିବେ, ବିମାନବନ୍ଦର କର୍ମଚାରୀମାନେ କିପରି କାର୍ଯ୍ୟ କରିବେ, ଏସବୁ ଅନୁସନ୍ଧାନ କରାଯିବ। ଉଦ୍ଧବ ଠାକରେ କେନ୍ଦ୍ର ମନ୍ତ୍ରୀ ହରଦୀପ ସିଂ ପୁରୀଙ୍କୁ କହିଛନ୍ତି ଯେ ମୁମ୍ବାଇ ବିମାନ ବନ୍ଦରର କାର୍ଯ୍ୟ ପ୍ରକ୍ରିୟା ଠିକ୍ ନହେବା ପର୍ଯ୍ୟନ୍ତ (କରୋନା ସଂପର୍କରେ) ଅତି କମ ବିମାନ ମହାରାଷ୍ଟ୍ରକୁ ଆସିବା ଉଚିତ୍।
ସବୁଠାରୁ ଗୁରୁତ୍ୱପୂର୍ଣ୍ଣ ଘରୋଇ ବିମାନକୁ ମେ ୨୫ ରୁ ମହାରାଷ୍ଟ୍ର ଦେଇ ଯିବାକୁ ଅନୁମତି ଦିଆଯିବା ଉଚିତ୍ | କେବଳ ବିଦେଶୀ ଯାତ୍ରୀ, ମେଡିକାଲ ଏମର୍ଜେନ୍ସି ଓ ଛାତ୍ରଛାତ୍ରୀଙ୍କୁ ପ୍ରତ୍ୟାବର୍ତ୍ତନ ଅନୁମତି ଦିଆଯିବା ଉଚିତ ବୋଲି ମୁଖ୍ୟମନ୍ତ୍ରୀ ଉଦ୍ଧବ ଠାକରେ କେନ୍ଦ୍ର ମନ୍ତ୍ରୀଙ୍କୁ ଅନୁରୋଧ କରିଛନ୍ତି | ଉଦ୍ଧବଙ୍କ ଏଭଳି ବିବୃତ୍ତି ପରେ ରାଜ୍ୟରେ ବିମାନ ସେବା ଆରମ୍ଭ ହେବା ନେଇ ସନ୍ଦେହ ଦେଖାଦେଇଛି | ମହାରାଷ୍ଟ୍ରରେ କରୋନା ପଜିଟିଭଙ୍କ ସଂଖ୍ୟା ଦ୍ରୁତ ଗତିରେ ବୃଦ୍ଧି ପାଉଛି। ଉଭୟ ମୁମ୍ବାଇ ଏବଂ ପୁଣେ ରେଡ୍ ଜୋନରେ ଥିବାବେଳେ କିଭଳି ବିମାନ ଯାତ୍ରା ଆରମ୍ଭ କରାଯିବ ତାହା ହିଁ ସମୟ କହିବ|
