ରକ୍ଷାବନ୍ଧନ ପାଇଁ ଟିଣ୍ଡର ଆପରେ ଭଉଣୀ ଖୋଜି ଚର୍ଚ୍ଚାରେ ଯୁବକ

ମୁମ୍ବାଇ: ଆଜିର ଦିନରେ ଅନେକ ଲୋକ ଡେଟିଂ ଏବଂ କିଛି ଖାସ୍ ବନ୍ଧୁ ଖୋଜିବା, ବନ୍ଧୁ ବନାଇବା ପାଇଁ ବିଭିନ୍ନ ଆପର ସାହାରା ନେଉଥିବା ଦେଖାଯାଉଛି । ସେ ସବୁ ଆପ୍ ଭିତରୁ ଟିଣ୍ଡର୍ ଆପ୍ ପ୍ରମୁଖ । ଲୋକ ଏହାକୁ ନିଜର ବ୍ୟକ୍ତିଗତ କାରଣ ପାଇଁ ବ୍ୟବହାର କରୁଥିବା ବେଳେ, ମୁମ୍ବାଇର ଜଣେ ବ୍ୟକ୍ତି ଭଉଣୀ ଖୋଜିବାକୁ ଏହି ଆପକୁ ବ୍ୟବହାର କରିଛନ୍ତି, ଯାହାକୁ ନେଇ ସୋସିଆଲ ମିଡିଆରେ ଚର୍ଚ୍ଚା ହେଉଛି ।

ତାଙ୍କର ଭଉଣୀ ନ ଥିବାରୁ ସେ ନିଜର ଭାଇ ପଣିଆକୁ ସେୟାର କରିଥିଲେ | ଗତ ଦୁଇ ବର୍ଷ ଧରି ସେ ରକ୍ଷାବନ୍ଧନ ପାଇଁ ଟିଣ୍ଡର ବ୍ୟବହାର କରିଆସୁଥିଲେ। ଦୁଇ ସପ୍ତାହ ପୂର୍ବରୁ ସେ ନିଜ ବାୟୋରେ ଲେଖିଥିଲେ, “ରକ୍ଷାବନ୍ଧନ ସମୟରେ ସମୟ ଅତିବାହିତ କରିବାକୁ ଭଉଣୀ ଖୋଜୁଥିଲେ।” ଏହି ଅନୁସନ୍ଧାନରେ ବ୍ୟକ୍ତି ଜଣକ ସଫଳ ହୋଇଥିଲେ। ସେ ଟିଣ୍ଡରରେ ଜଣେ ନୁହେଁ, ବରଂ ଦୁଇ ଜଣ ଝିଅ ପାଇଲେ ଏବଂ ବର୍ତ୍ତମାନ ସେମାନେ ରକ୍ଷାବନ୍ଧନ ପାଳନ କରିବା ଏବଂ ରକ୍ଷାବନ୍ଧନ ଉପହାରକୁ ନେଇ ଯୋଜନା କରୁଛନ୍ତି ।

“ମୋର କୌଣସି ଭଉଣୀ ନ ଥିବାରୁ ରକ୍ଷାବନ୍ଧନ ସମୟରେ ମୁଁ ମୋ ଜୀବନର ଅଧିକାଂଶ ସମୟ ପାଇଁ ଦୁଃଖ ଅନୁଭବ କରିଛି । ମୋତେ ରାକ୍ଷୀ ବାନ୍ଧିବାକୁ କେହି ନାହିଁ ଏବଂ ମୁଁ ସେମାନଙ୍କୁ ଜିନିଷ ଉପହାର ବି ଦେଇପାରୁନାହିଁ| ଯାହା ବି ହେଉ, ଗତ ୨ ବର୍ଷ ଠାରୁ ମୁଁ ରକ୍ଷାବନ୍ଧନର ୨ ସପ୍ତାହ ପୂର୍ବରୁ ଭଉଣୀ ଖୋଜୁଥିଲି । ‘ ଟିଣ୍ଡରକୁ ଧନ୍ୟବାଦ, ବର୍ତ୍ତମାନ ମୋର ଦୁଇ ଭଉଣୀ ଅଛନ୍ତି, ମୁଁ ସେମାନଙ୍କୁ ଏହିଠାରେ ଭେଟିଥିଲି । ଏହି ବର୍ଷ ଆମେ ସମସ୍ତେ ଏକାଠି ହୋଇ ରକ୍ଷାବନ୍ଧନ ପାଳନ କରିବୁ । ଏ ନେଇ ସେ ବହୁତ ଉତ୍ସାହିତ ଥିବା ତାଙ୍କ ପୋଷ୍ଟରେ ଲେଖିଛନ୍ତି । ଜନୈକ ରେଡ୍ଡିଟ୍ ବ୍ୟବହାରକାରୀ ମନ୍ତବ୍ୟ ଦେଇ କହିଛନ୍ତି, “ୟୋ.. ମୁଁ ତୁମକୁ ରାକ୍ଷୀ ବାନ୍ଧିବି । ରକ୍ଷାବନ୍ଧନ ସମୟରେ ମଧ୍ୟ ମୁଁ ଏକାକୀ ଅନୁଭବ କରେ । ତୁମର ରେଡ୍ଡିଟ୍ ଭଉଣୀ।”

ସମ୍ବନ୍ଧିତ ଖବର