ପାର୍ଶ୍ୱ ଅଭିନେତାମାନଙ୍କୁ ଆତଙ୍କବାଦୀ ବୋଲି ଭାବି ଗିରଫ କଲା ପୁଲିସ, ଜାଣନ୍ତୁ କାରଣ
ବସାଇ : ବୁଧବାର ମୁମ୍ବାଇର ବସାଇଠାରେ ଆତଙ୍କବାଦୀ ବୋଲି ସନ୍ଦେହ କରି ପୁଲିସ ଦୁଇ ପାର୍ଶ୍ୱ ଅଭିନେତାଙ୍କୁ ଗିରଫ କରିନେବା ଘଟଣା ଏବେ ଚର୍ଚ୍ଚାର ବିଷୟ ପାଲଟିଛି । ଦୁଇ ଯୁବକଙ୍କ ଆତଙ୍କବାଦୀ ଭଳି ପୋଷାକ ଦେଖି ରାସ୍ତାରେ ଯାଉଥିବା ଲୋକେ ଆତଙ୍କବାଦୀ ସନ୍ଦେହରେ ପୁଲିସକୁ ସୂଚନା ଦେଇଥିଲେ । ଯାହା ପରେ ପୁଲିସ ଆସି ଦୁହିଁଙ୍କୁ ଗିରଫ କରିଥିଲା । କିନ୍ତୁ ପରେ ଦୁହେଁ ଫିଲ୍ମର କଳାକାର ଏବଂ ଫିଲ୍ମ ପାଇଁ ଦୁହିଁଙ୍କୁ ଏଭଳି ପୋଷାକ ପିନ୍ଧିବାକୁ ପଡ଼ିଥିବା ପୁଲିସକୁ ଜଣାଇଥିଲେ । କିନ୍ତୁ ଲୋକମାନଙ୍କ ମଧ୍ୟରେ ଏ ନେଇ ଭୟ ସୃଷ୍ଟି ହୋଇଥିବାରୁ ପୁଲିସ ଧାରା ୧୮୮ଅନୁଯାୟୀ ଦୁହିଁଙ୍କ ବିରୋଧରେ ଏତଲା ରୁଜୁ କରିଥିବା ଜଣା ପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ତେବେ ଦୁହେଁ ଅଭିନେତା ରିତିକ୍ ରୋଶନ ଏବଂ ଟାଇଗର ଶ୍ରଫ୍ଙ୍କ ଫିଲ୍ମରେ ପାର୍ଶ୍ୱ ଅଭିନେତା ଭାବେ କାମ କରୁଥିବା ଜଣା ପଡ଼ିଛି । ସୁଟିଂରୁ ବୀରତି ନେଇ ବାହାରକୁ ଖାଇବାକୁ ଆସିଥିବା ବେଳେ ଲୋକେ ତାଙ୍କୁ ଦେଖି ଆତଙ୍କବାଦୀ ବୋଲି ଭାବି ନେଇଥିଲେ । ଯାହା ପରେ ପୁଲିସକୁ ସୂଚନା ଦିଆଯାଇଥିଲା ।